Wahayu 1:10 - Anegisemee'm Mina Kapuge

¹⁰ Kiyoo pi-nambeana ndo waa ko Hadi Min'gu gapi, Tuhani kaa yapapa se gapi me ko Anegisemee Dim'mba wai ni'm dim'mba nda namugu-mugu siyaai yako ni duwato kiyoo mina ebo se mina da yema. Mina ebo se mina yeke me ko me ese tuwoo-tuwoo awe da minasiyaake se mina mugo dodo se yema. Ese ebo.

Wahayu 1:10 ပူးပေါင်းရင်းမြစ်များ

Mandiusi 22:43

Kena Yesiusi wa'm se asina ko “Ku ndumbo ko ndumbo koya dama nigi si pe taae. Anegisemee Dim'mba wa'm Daudi yakumami mina me kaa kiyoo Daudi wai Keditusi kaa se wudumina ko ‘Ni'm ebo se Tuhani,’ se wudumami. Kase koena Daudi'm se wudumami?” aseke.

Yohanesi 20:19

Madiya wa'm Yesiusi mesema ade se se gapi me ko me Hadi Min'gu se gapi. Kena me gapi, ndee se dodo me kaa ko Yesiusi wa'm tupinaa se bage ekii ee ona me nda tomu se. Ee ona me nda ndo tomu sita mugo ndoe, Yahudi bage'm ebo bage waa ku kaa yawidaagea yako gine en'ndo otuma gine ndagide manemoo-pamoo semake. Se awamana ndo waa ko kuhai-kuhai Yesiusi wai ekii mbo, ese epopi nda kiyoo aoo kidai. Kiyoo aoo kina ko wa'm ekii se asina ko “Aba! Widigi tau ndo se tuwaae,” aseke.

Yohanesi 20:26

Se asemana onu dada omana wagoo aoo gapi, Tomasi mesema ogu tupinaa se bage waa ku mesema eki ndepo waya esimba nda tomu se. Se tomu sita mugo ndoe, gine ndagide en'ndo otuma manei-pai semapea koya Yesiusi waya ekii mbo, ese epopi nda kiyoo agidimai yako aoo kidai. Kiyoo agidimana inemana tai se dodo ndoe, “Aba! Widigi tau ndo dama tuwaae,” se aseke.

Edaseo Bage 20:7

Todoas okaa yoo me kaa omiweena Hadi Seab'tu gapi ndeeneopi se dodo me kaa ko enii Yesiusi mbaya bage mesema andagatake. Aii se andagatake se ku tau. Edoondi biseao kan andagatake. Andagatana ko Paudusi wa'm mina enii mbo enei se. Anikee peesi kumana mina enei, enei, enei, kisee ndee me epopi.

1 Kodintusi 12:3

Eduga ko eki'm se awamea koya waya wadobo mike tau se mina si dito sisea na, ni'm mina ku dama masimaae! Mee ona wa'm katupaao kan sipi mina ku ndumbo ee? Mbae da mina ee? se ku pikamoo taao kan wa'm asipi mina me kaa kiyoo pikamoo se bada. Kase enta mugo ndoe, Anegisemee Dim'mba wa'm yaa mani da kaa wakiki semapi mee to, wa'm aseao kana se mina ku se de. “Yesiusi wa ko wai aii miga mee to kumana wa kaa peu aya yadotaas!” se aseke kipii kindo tau. Ku Anegisemee Dim'mba'm yakumapi mina tau. “Mbeduwa ae,” se ku ndo yanigaae. Eé, mee ona wa'm se asina ko “Tau. Yesiusi wa ko wai ese ebo toi se Tuhani,” se aseke kipii “O, mee me me, me Anegisemee Dim'mba wakiki semapi mee to ae,” se yanigaae. “Yesiusi wai Tuhani,” se asipi se mina me ko me Anegisemee Dim'mba wa'm yaa mani da me kaa ndo aseao sekii se mina da koena. Ku kumana “Wa'm mina ku ndumbo ae,” se yanigaae.

1 Kodintusi 16:2

Ni'm Gadasiya bage mbo yatupima mina me ko me se de. Min'gu ona omana ese eduga edugana gapi me kaa ko eki'm uwani naa ku wa-nini wenimana bai-bai taae. Eki otuma Hadi Min'gu gapi pakemai ndoe se awawoo taae. Eki'm min'gu ona kaa masipea uwani ku oba masipea kipii kindo ko oba bai-bai taae. Mbeenaa ndo kipii kindo ko mbeenaa ndo bai-bai taae. Se awawoo taae. Kase enta mugo ndoe, ni eki mbo ukimana ndo waa ko bai-bai se ni be. Ku taa kisi na, ni tau yoo bai-bai siwoo taao ndo bada.

Wahayu 17:3

Se nasemana ko Anegisemee Dim'mba wai namugu-mugu siyaai yako me epo wado mee me me, wa'm ni nadopeana mee tuwaan tau yoo maa ndani se maa me kaa pi-nambeaseke. Me kaa pi-nambeana se dembea ndoe ese em'mbee emo da se emii mbato deke. Me emii me ko moo gea dada se emii to. Kena ku moo gea dada ku kaa wado piya poo haas aoo ae, se dema. Kena wa'm maa buboo kaa wudumapea ku ko ku ekaa da waa oba wudumapea se dema. Ku ese peu se ekaa da waa. Ku Anegisemee ekaa da peu kiyaasi se ekaa da waa se wudumei sipea. Ku mugo ekaa da waa dema. Kena wa'm em'kaa kiyoo animana tomu nai se ambii to ona aoo se dema.

Wahayu 21:10

Se nasemana ni'm dim'mba nadopeana ese asiyoo em'mbee ndii patu da kaa nadotaami. Me kaa nadotaana wa'm se naadeyaana ko Anegisemee wa'm wa kaa wa tao daa wenimami se okaa yoo, Yedusedem okaa yoo me me, me naadeyaami. Me naadeyaata mugo ndoe, Anegisemee wai me okaa yoo me wa mbo kam Siduga kaa kam domaai se dema.