Pidipi 4:10 - Anegisemee'm Mina Kapuge

¹⁰ Pidipi bage waa woe. Ese eduga kam ata ku ko eki ni kaa nagane kiwoo simea. Nagane kan se nanigina ko “O, ogiyoo Paudusi wai dama toke ee, tau ee?” se nanigita simea. Waya na kiyaa onu oba omimea eki ni tao dama tosi na se kao ku neao gai koya eki'm neao gai ku iyo. Aii bada kimea. Ku koya endo se gumba ko eki'm ni tao dama tosi na se kao neao gai ku mee kaa yamatana naado-memea. Se naado-memea kumana eki ni kaa nagane se dimina ku waya uwa da kaa deao sekii kidai. Ku kaa kiyoo, ni ese bani-bani se kan Tuhani mbo “Paamee,” se asetoo naka.

Pidipi 4:10 ပူးပေါင်းရင်းမြစ်များ

2 Kodintusi 6:7

Ona me ko Anegisemee wa'm yaa mani da me kaa kiyoo ese mike ndumbo mina ku ndo tupiwoo naka, me ona. Ona me ko enii ese dama ndumbo se kao ku ndo awawoo naka. Kena enii'm ndumbo ndo awake sese ku ko meyaa yato yaa da kaa enii yape yado doke sese mugo dodo. Waya ekiyaa yato yaa da kaa enii mbayo eba doke sese mugo dodo. Kase enta mugo ndoe, enii'm ndumbo ndo awawoo naka sese ku kaa kiyoo peu-pau mugo kao ku mbeedi mbembo siwoo naka, me ona. Ku kasipa sese kuwa ku enii ese mike Anegisemee tao ndanda yaa-awawoo naka se bage waa ae se nadesi na sese waa.

Gadasiya 6:10

Ku kindo ko mee agumee kaa dama yaawaao sekii se gado aoo ae se deke kipii kindo ko mina wiya tau kumana dama yaawaae. Mee en'ndo otuma dama yaawawoo taae koya Keditusi kaa “Mike ae,” nigeke bage ku kita dama yaawana kena ogu bage namba kui.

Gadasiya 6:6

Kena mina ona me ko me se de. Mee ona wai Anegisemee'm mina tupeke se dodo waa ko wa'm mina yito sipea bage ekii wa tao dama tosi na se kao ku maneke bada. Ekii'm dama se-kao we-kao ku en'ndo otuma naa ku wa tao maniwoo taae.

Pidipi 1:1

Me kapuge me ni, Paudusi, ni'm wudumama kapuge. Kena Timotiusi wa nde miya ni mbo aoo. Ana ko Keditusi Yesiusi wa'm wa tao ndanda yaawawoo naka se bage waa. Me kapuge me ko me Pidipi okaa yoo togea se Yesiusi mbaya bage waa, eki tao kapuge. Eki ko eki Keditusi Yesiusi nda dipinimapea se bage waa kumana Anegisemee wa'm wa tao dimi se bage waa, eki ko. Ku kindo me kapuge me eki tao eewee. Aii Yesiusi mbaya bage ku nuwa, eki'm penatuwa bage waa ku nuwa, eki'm diaken bage waa ku nuwa, eki Yesiusi mbaya bage en'ndo otuma eki tao kapuge eewee.

Pidipi 1:3

Ni eki kaa nuwa, eki'm sese ku kaa nuwa, ku kaa kanige-nige se dodo en'ndo otuma Anegisemee mbo “Paamee,” se kaasetoo naka.