Yesiusi wa'm asina ko “Anegisemee'm emaa misi kaa si maaneke mbeenaa kaa miya emi tau ae se kadesi na a'm oto kao ku otuma dopeana mee mbo kipe awinaa taae. Kipe awinaa semuuna kipe awipe kuwa bakata se bage mbo pi-yawadinaa siwoo taae. A'm kao ku otuma bakata bage mbo yawadiwoo sipe kipii kindo ko Siduga maa kaa kiyoo a tao se-gai we-gai ku ese oba aoo kaase. Ese sinowi kaase,” se aseke. “Ku kita pi-awawena ndo waa ko ni ogudi meae!” se aseke.
Pidipi 3:20 - Anegisemee'm Mina Kapuge20 Ku koya enii mbaya bage enii'm okaa omiwoo towoo tuwaasea yoo me ko me Siduga maa kiyoo. Kum seta kaa, enii Siduga maa epoo bage waa mugo dodo. Endo nde miya Tuhani Yesiusi Keditusi wa kiyoo okaa toi. Wa ko wai enii'm woo-woo se kaa si em nadana ndo omiwoo towoo natoyaabuu taasi mee to. Kena wa'm Siduga kam waya ukaasi yoo me enii'm mbikana dito naka yoo. အခန်းကိုကြည့်ပါ။ |
Pidipi 3:20
36 ပူးပေါင်းရင်းမြစ်များ
Me mugo mina ebeabea da asemana ndo waa ko Yesiusi wa'm se asina ko “Mee ona wai Anegisemee'm gai-gai ku kaa si nigin ndo wa kaa to ndo se-kao we-kao ku bai-bai siwoo nai kipii, kindo ko me mugo mee to me Anegisemee'm emaa misi kaa dim'mba tau se mee to se yadetai. Ese ni'm mina ebeabea da kaa kasipa mee to mugo dodo,” se aseke. Yesiusi wa'm se asimi.
“Kase enta mugo ndoe, ku mugo bage waa ku kakade-maneao kana se bage waa. Kena ku kakade-maneao kana kumana Anegisemee wa'm ndo kakade-maniisi sima,” aseke. “Kase dodo kakade-maniisi ee? Tau, anikee waa dim ndumbo se bage waa maa poo yoo yandomei taasi se gumba me kaa kiyoo kakade-maneao kan dama tosi na aya kadotaa taasi,” aseke.
Ku semana ndo waa ko ku mee wiya ku akaa'm se asina ko “Gadidea bage waa woe. Kase koena eki asindaa epo ndo dito nakea? Endo sekii. Siduga kaa yadotaapi se Yesiusi me ko anikee waa ese me Yesiusi me ndo waya ukaasi. Wa'm waya ukaasi sese me wa'm pakepi sese mugo dodo se ukaasi. Ese eki'm depea sese kui,” se aseke.
Ku kindo ko maa kaa togea bage waa enii'm sese ko me ese maa nuwaa kam anegi semami mee to, Adam me me wa'm inda-banda mugo dodo se dowoo semuu nakea. Enii'm maa buboo ku ese wa'm maa buboo mugo dodo se tutakea. Ku mugo yaa, Siduga maa kaa tuwaasea se bage waa enii'm sese ko me ese Siduga maa kaa kam maa yoo ukimi se Keditusi wa'm inda-banda mugo dodo se kaasea. Enii'm maa buboo ku ese Siduga maa me kaa tai se mee to wa'm sipi mugo dodo se towoo taasea.
Kum seta kaa, mee'm naawawoo nakea ku deao sekii koya enii'm emaa misi kaa deao sekii se kao ku dito taao be. Enii'm deao sekii se kao ku dano kaasea se kao waa koena. Yibanda kiyaa, deao kana se kao waa, Anegisemee'm enii tao naa-epipi nai se kao kuwa ku ndo dito taao gai. Enii'm deao kana se kao ku taa kaao kana kaasea kao waa koena. Ku kindo ku ndo dito siwoo naka.
Ku koya Seda wa ko wai yaa pineasiin tau se ambii kumana wai Siduga maa kaa wiya aoo me se Yedusedem okaa yoo me kaa mina ebeabea da mugo dodo se ambii to. Kena enii'm moo wado Anegisemee'm okaa mee tupisi na mina emi tau kumana enii nde miya yaa ekatana peao sekii se bage waa mugo dodo. Ku kaa kiyoo Seda wai enii'm oko se ambii to mugo dodo. Kena enii'm okaa se okaa yoo me Siduga maa kaa Yedusedem okaa yoo mei!
Eduga ko Yahudi tau se bage eki ko eki aii aneke bage mugo dodo kimea. Aii medaa penaa ominaa nakea se bage waa mugo dodo kimea. Ku koya endo tau. Endo ko eki nde miya Anegisemee wa'm ee nda okaa togea sepao mugo dodo kidai. Anegisemee wa'm wa tao wenimapi bage ku mesema kadipinimai yako ese mbaya ona ndo kidai.
Enii Keditusi Yesiusi mesema nadipinimai yako enii wa mesema maa poo yoo nandomami. Maa poo yoo nadomana mike iyaao natoyaami. Kena Keditusi asiyoo Siduga kaa yadotaake se dodo me kaa enii wa mesema dipinimai yako wa'm ebo tosi na animake yoo enii naamba wa mesema kiyoo naanimayaami kui. Enii namba Keditusi mesema ebo tosi na me kaa kiyoo naanimayaana tomu nakea.
Ku kaa aii se kaasetoo naka se ku tau. Eki ko eki ese asiyoo maaneke se sese ku ndo pikamoona yaa mu-mu sisea na kaasetoo naka. Dee, endo se gapi kam wado kisee Keditusi ukaasi gapi kam miyo, epopi nda kuwa, ku dama se kao ku ndo yaa mu-mu se kipii kindo ko peu se kao mbeenaa kaa miya si awaambea. Kena peu se kao ku awaan tau ae se degea yoo ogu bage waa ekii'm eki kaa kaseao kana se mina me ko me se de. “O, ekii'm peu awapea ambuu dee,” se mina mike kaseao kana kaambea.
Yesiusi kaa eniikinaa bage waa woe. Eki ko eki Keditusi kaa dama tosi na mina me kaa “Mike ae,” se nigigea yako Siduga maa okaa tuwaasea se bage waa kimea. Eki me bage Siduga maa epoo bage kimea kumana endo nde miya Siduga maa epoo bage waa, eki'm awaao disi sese waa ku ndo awawoo taae. Ni'm kaseao kan sipa mina ku se de. Eki mbo kiyoo mbeedi kambeaseao gai se bage waa ku oba aoo. Ku mugo bage eki Keditusi kaa dama tosi na se mina ku dapimaao gai se bage waa. Ku koya ni eki mbo memana ade taamba nde miya, si meemba nde miya, ni'm eki kaa kayeao gai kitaa se mina wido aoo. Ona me ko “Pidipi okaa yoo togea se Yesiusi mbaya bage mbeedi kambeaseao gai se bage waa aoo nde miya eki mbeenaa kaa miya widaa tau kan se takea,” se kayeo waa “Oowoo,” me ona. Ona me ko eki'm “Mike ae,” nigigea mina waa ku kaa magi tau. Aii dimina ona ndo kan kusipimana “Mike ae,” se nigiwoo nakea ae, se mina se kayeo waa “Oowoo,” me ona, wiya. Kena ona me ko eki ese mbaya ona ndo kina Anegisemee'm dama mina edimiwoo nakea ae, se mina se kayeo waa “Oowoo,” me ona, wido. Ku wido kuwa, ku ni'm eki kaa se kayeo waa “Oowoo,” se mina waa. Ku Siduga maa epoo bage waa eki'm awaao disi sese kumana ku ndo awawoo taae. Kabeapea bage ku kaa widaa tau kipii kindo ko ku kadegea yako kabeapea bage waa ekii'm se kanigina ko “Ai, ai. Anegisemee wa ko wai nadano kiyaabuu taambi ae. Wa mike naboyaasi koya ku Yesiusi wa mbaya bage ku tau. Ku Anegisemee'm dama ndo yatoyaabuu taasi se bage waa ae,” se kaanigaambea. Mbugu tau se dimina kadegea yako ekii'm se kaanigaambea.
Kena ndo waa ko endo nde miya ku Teseadonika bage kuwa ekii Anegisemee Yombai wa'm waya wadobo Siduga kam ukaasi yoo dim pipi kan dito nakea. Maa poo yoo yandomami se Yesiusi me me. Enii'm woo-woo se ku kaa em nadaao kan yima kiki ku naadano kiyaami se Yesiusi me me. Me Yesiusi me me, me Teseadonika bage ekii ese mbikana dama dito nakea se mee to,” se asigea. Eki'm sese mina waa yemea bage waa eki'm se nasigea. Teseadonika bage waa woe. Eki'm sese kasipa kuwa ku mee en'ndo otuma, maa en'ndo otuma mina amoe-moe nakea se mina waa. Ni'm kita asiin tau yoo, ogu bage ekii'm kita eki kaa nasipea se mina waa kui. Se.
Kase enta mugo ndoe, Tuhani Yesiusi wai Siduga kaa kam endai se gumba ndoe mina ebo woei ndoe enditai. Me gado me kaa ko ese ata emi tau ebo se epo wado mee to wa namba mina ebo wiisi. Anegisemee wa'm tuwoo-tuwoo awe da me nde miya minataasi. Ku se ku mina ebo nawoeta mugo ndoe, Keditusi nda bomea se bage waa ku kita maa poo yoo ndomei-paina pakiisea.
Ku wido ku Anegisemee'm emaa misi kaa ese dama, ese ndumbo se kao awawoo sipa kumana endo nde miya Siduga maa me kaa kiyoo Anegisemee wa'm ni tao naabai-baina ko dama tosi na aya naabai-bai siwoo nai. Dee, Tuhani Yesiusi wa'm sese ku se de. Wai mee'm awamea-awamea ku pikamoo se mee to. Kena wa'm pikamoo se sese me ese ndumbo ndo pikamoo taasi. Koweke kaa miya emi tau. Ku kumana anikee waa wai mee tuma bage'm awamea-awamea ku pikamoo sita mugo ndoe, wai ni tao ndumbo ndo naawaao kan wa'm naabai-bai semapi kao ku masewena ndumbo ndo nadotaa taasi. Waya wada nda ni ndo dama aya nadotaa taasi se ku tau. Ogu bage ku kaa nde miya dama aya yadotaa taasi. Wa'm waya ukaasi yoo dim pipi kan dito siwoo sipea bage waa ku mugo bage ku kaa ku tao nde miya dama aya yadotaa taasi.
Kena Anegisemee wa'm gai se kao ku ndo awawoo sita mugo ndoe, enii'm em'ndoo nakea se kao ona aoo. Ku kaa kiyoo enii ese dimina ona ndo kan se ditona ko “Yesiusi Keditusi wa'm ukaambi yoo me kaina gumba ukaambi ee?” se dito siwoo nakea. Kase enta mugo ndoe, wa'm wadobo ukaasi mina ku mike pi-pamii se gumba ndoe, enii'm bani-bani se ese wa-nini kaasea. Dee, ese asiyoo abayai toi se Anegisemee to, me Yesiusi mei! Kena enii'm woo-woo se kaa si naboyaana ndo dama natoyaabuu nai se mee to me nde miya me Yesiusi mei! Ku kaa kiyoo wa'm waya ukaasi yoo me enii'm bani-bani taasea ku se ene!
Isedeo bage waa ekii Sinai ndii ambamba pemana widaamea. Ku koya endo eki ko eki'm memapea yoo wa-nini. Eki namba ndii da ambamba me kaa memapea koya wa-nini ndii to. Sion ndii me me, me kaa memapea. Sion ndii me ko me Siduga maa kaa aoo se Yedusedem kota okaa yoo mei! Me kota okaa yoo me iyaao tai se Anegisemee wa'm kota okaa yoo mei! Me kaa memapea. Waya eki'm memapea yoo kiyoo ko ese, ese eaao kana ese epo wado bage kooda waa ku namba kiyoo aoo. Ku dim bani-bani se kan andagatagea se epo wado bage kooda waa.
Ku mugo yaa, Keditusi wa namba ea ona ndo bomi. Aii se bomi se ku tau. Mee waa ese oba mugo ekii'm woo-woo se ku kaa yaatabeao kan bomi. Se awami kumana anikee waa wai ea wiya aoo me ukaasi se dodo me kaa ko mee'm woo-woo se ku kaa waya yaatabeao kan ukaasi se ku tau. Wa'm ukaasi yoo me kaa dim pipi kan em'ndoo siwoo nakea bage waa ku dama yatoyaabuu taao kan ukaasi. Ekii'm peu se toke yoo ku mbeedi yaambeana ese dama yatoyaabuu taao kan waya ukaasi.
Ni'm mina nayewee! Yesiusi Keditusi wai sinu bui nda ukaasi ndeo! Wa'm sinu bui nda ukii se gumba ndoe mee en'ndo otuma se yadiisea. Mee'm yanugemamea se bage waa ku nde miya yadiisea. Yadena wa kaa kiyoo maa kaa togea taii waa en'ndo otuma dim dano-dano kan ese yee se ese ebata tau kaasea. Ku se ku mike aoo kaasea kumana ni'm mina nayito siwee. Se kaseao kan sipa, kui!
ကြော်ငြာတွေ