Pidipi 3:18 - Anegisemee'm Mina Kapuge

¹⁸ Koya, ogu bage ekii'm sese ku ni'm sese mugo dodo tau ae se deke kipii kindo ko ku mugo bage ekii'm sese ku kaa si ekokeduwaae. Kase enta mugo ndoe, mee waa oba mugo ekii'm sese ku ese si maaneke aoo. Ni'm eduga kasima mina kui. Kena endo nde miya ekii'm sese ku kaa waya kasiinka se dodo me kaa ni ese dim bodi kan yee gumba aoo. Dee, ku mugo bage ese oba mugo ekii'm beagea yako mbeedi mbeaseao gai se mina me ko me Keditusi wa'm eda piya aoo se piya tukuu kaa yugumana bomi se mina da. Waya kiyoo kam ekii'm awake-awake ku dena ko “O, ekii'm sese ku ese me mina kaa yape masiwoo nakea se bage waa mugo dodo ae,” se deo.

Pidipi 3:18 ပူးပေါင်းရင်းမြစ်များ

Dukasi 19:41

Se asemana Yesiusi waya muuna Yedusedem okaa yoo pasi kaa pemai. Pasi kaa pemana ko me okaa yoo me nda demata mugo ndoe dim bodi kan yee se.

Edaseo Bage 20:19

“Ekii'm nadena ko Yahudi bage ekii nambatumaao kan mina, ku kaa mina data simea. Ku kumana ku kaa ni dimi bodi aoo ndo se towoo sima ku namba nademea,” aseke. “Ku dimina dano-dano siyaake kao ku aoo koya yee semuu ndoe ese tunaa se dimi me'm ndo Tuhani wa kaa wa tao masii yaamasiwoo sima ndo, se nademea. Tau se,” aseke.

1 Kodintusi 1:18

Keditusi wa ko wa'm enii'm woo-woo se kaa naatabemaao kan eda piya aoo se piya tukuu kaa bomi. Keditusi bomi se mina ku yemata mugo ndoe mbaya wiya aoo. Mbaya ona me ko me enii mbaya bage. Enii ko enii Anegisemee wa'm enii'm woo-woo se kaa em si nadaasi se bage waa. Aii omiwoo towoo natoyaabuu nai se bage waa, enii. Ku kaa kiyoo enii'm nigina ko “O, Keditusi bomi se mina me ko me Anegisemee wa'm yaa mani da desi na se mina mugo dodo ae,” se nigeke. Enii'm se nigeke koya ogu mbaya bage ekii'm nigina ko “Mbeduwa! Keditusi bomi se mina me ko me yuwe-yuwe se mee to wa'm eniyaa se mina mugo dodo ae,” se nigeke. Ku mugo nigeke se bage waa ku bidea uwo ndoiba nda yadomoo-pamoona tuwaasea se bage waa.

1 Kodintusi 6:9

Yai, eki'm epi se mina ku eki okaa andibuu semapea yee? Ku kaa dama nigi si pe taae! Dimina kupoo se bage kuwa ku Anegisemee'm ese ata emi tau ebo toke yoo me guna miyo pi-tuwaao kana se bage waa. Ku Anegisemee'm daa naambembo se kao pi-maseao kana se bage waa. Ku eki'm epi se mina kumana mee ona wai “Tau! Dimina kupoo se bage nde miya Anegisemee'm daa naambembo se kao ku maseao sekii,” se mina kaseke kipii kindo ku mbae da mina ku kaa “Mike ae,” se si nigaae. Dee, se-tubaka we-tubaka aoo se bage ku nde miya iyo. Mbae se anegisemee yapapa se bage ku nde miya iyo. Mee agumee'm ambii mesema amage sipi mee to me nde miya iyo. Mee agumee'm yimee mesema amage sipi se ambii to me nde miya iyo. Mbayuwaa mesema mbayuwaa amage se se bage ku nde miya iyo.

2 Kodintusi 11:13

Ku mugo katupeke se bage ku ko ku mbae da se Edaseo bage waa. Ekii'm uwa da kaa awake sese ku deke kindo “O, ku Keditusi wa'm Edaseo bage waa ae,” se nigisi na sese waa, ku koya tau. Ekii'm dimina wa-nini. Ekii mee yadeba taao kan Edaseo bage'm awayaa mugo ndanda yaa mu-mu nakea se detaka.

2 Kodintusi 11:29

Ku kindo Yesiusi mbaya bage ona wai Anegisemee kaa dimina kusipimaan tau kumana aii maboo kan membe-pembe nai aoo kipii kindo ko ku mina ku yemata mugo ndoe ni ese yagane aoo. Kena Yesiusi mbaya bage ona wai mee'm yaoya-oya sipi mina yemai yako woo-woo se kipii kindo ku kaa nde miya ni aii wisin'take sekii tau. Mike yima kiki kaamba sima. Dee, ni'm Yesiusi mbaya bage kaa nigi si pe naka se dimina me ese em'mbee duwaao kana se aya donaa siyaa mugo dodo.

2 Kodintusi 2:4

Me kapuge me kaawudumeke se dodo me kaa ko dimina etaa kan kaawudumama se ku tau. Ese dim kai-bai kan kaawudumama. Ese, ese dim dano-dano se kan, ese yee gumba ku aoo nde miya kaawudumama! Yibanda kiyaa dim bodi kakiyaao kan kaawudumama se ku tau. Ni'm eki kaa kaembaake se dimina me ese ebo kam ebo kaembaake ae se ku nanigi sisea na kapuge kaawudumama.

Gadasiya 1:7

Wa-nini se dama mina me aoo baa! Ku kindo ko wa-nini se mina tupitakea bage ku ko ekii Keditusi kaa dama mina ku dime kan kupoo kiyaana yowitana kaabu-gabu siyaake se mina waa ku ndo katupitakea.

Gadasiya 2:14

Ku se ku awagea ndoe ni'm se nigina ko “Yai, ekii'm awake ku Anegisemee'm dama mina ku duwa matana kupoo se mina ku ndo dito nakea. Waya kiyoo kam si maaneke awagea ae,” se nigima. Se nigimaa yako ekii'm egi kaa kiyoo ni'm Petadusi se asina ko “Petadusi woe. A ko ai Yahudi mee to koya Yahudi bage'm sese ku a'm si awan ndo Yahudi tau se bage'm sese ku ndo awawoo nae se kadeo. Kena ai Yahudi bage'm sese si awake koya a'm Yahudi tau se bage mbo yatupaao kaa sipe mina wa-nini. Yai, a'm oyu kan, ‘Yahudi bage'm sese awaae, Yahudi bage'm sese awaae,’ se mina yatupaao kaa sipe, ku badaa?” se asima. Petadusi wa'm si maaneke ku yayaamaao kan ni'm se asima.

Gadasiya 2:21

Dim ndumbo nakiyaasi na mina me Anegisemee'm okaa mee tupisi na mina se ku tau. Ku mina kaa ni kaa to dim ndumbo nakiyaao sekii waa “O, ku kindo Keditusi wai aii se boke ae,” se nigiyaa. Ku koya tau. Dim ndumbo nakiyaake me ko me Anegisemee wa'm Keditusi kaa aii se dama natoyaabuu sipi kao, me ndo. Ni'm awake-awake ku kaa dim ndumbo nakiyaake se ku tau. Ku kumana Anegisemee wa'm aii se dama natoyaabuu se ku kaa duwa mataao be. Aii dimina ona ndo kan yaa mu-mu siwoo naka ndo. Se.

Gadasiya 5:21

mee agumee'm dama toke yoo ku kaa “Ni nakiyaayaa oowoo,” se dimina da me nuwa, bobo uwo nona edidi kiwoo nai me nuwa, mee tuma kaa bage dimina da me kaa “Oowoo,” se kao ku awaao kan badii n'takea me nuwa, ku peu-pau se kao waa kasipa ku ko ku mee tuma da kaa dimina da kaa kam aoo kiyaabuu nai se kao waa. Ku kindo ko endo ko ni'm eduga kasima mina ku waya kasiinka ndeo. Ku peu-pau awawoo nakea se bage kuwa ku mike Anegisemee mbaya bage tau se bage waa. Ku kumana ku mugo bage ku ko ekii'm peao kana se yoo me Anegisemee wa'm ese ata emi tau ebo tuta se yoo, wa'm guna miyo omiwoo towoo tuwaasea yoo mei! Se kaseao kan sipa.

Gadasiya 6:12

Kena ebanaa bage ekii ese oyu kan se kasina ko “Paita edii da-mbeaseke ebeabea da awaae,” se katupitakea. Ku koya me mugo mina katupeke se dodo me kaa ekii'm dimina nda si maaneke aoo. Kase enta mugo ndoe, ekii'm si maaneke nigeke ona me ko “Ogu Yahudi bage waa ku'm nagai kisi na me mugo mina tupeke bada ae,” se nigeke, me ona. Waya wada nda ekii'm si maaneke nigeke ona me ko “Omiwoo towoo sisi na mina, Keditusi eda piya aoo se piya tukuu kaa yugumana naabomi se mina kuwa, ku mee mbo tupeke waa, ogu bage waa ekii nawisinina bodi naababa siyaayaa, ae,” se nigeke, me ona. Ekii'm se nigimana bodi ababa se ku kaa widaagea yako “Tau! Paita edii da-mbeaseke ebeabea da awaae,” se katupiwoo nakea.

Gadasiya 6:14

Ku mugo mina tupitakea se bage waa ekii, ekii kaa to apaao kan se katupeke koya ni ko ni kaa to apake mbeenaa kaa miya awaao be. Waya na kiyaa ni'm apaao gai se mina me ko me se de. “Abayai! Enii'm Tuhani, Yesiusi Keditusi wa ko wai enii tao eda piya aoo se piya tukuu kaa yugumana naabomi. Ku kaa naawan simi! Naawan simi!” se mina ku ndo ya-apaao gai. Waya wada nda wa'm naatabemami mina me kaa kiyoo kam ni'm “Oowoo,” se kao waa, kena Yesiusi mbaya tau se bage ekii'm “Oowoo,” se kao ku dodo tau kidai. Ku kaa kiyoo maa kaa togea bage waa ekii'm “Oowoo,” se kao ku ni'm uu kaa wamaana si dito se kao waa. Waya kawitana ni'm “Oowoo,” se kao ku maa kaa togea bage waa ekii'm mbeenaa kaa miya “Oowoo,” nigaao be se kao waa.

Epesiusi 4:17

Endo ko ni Tuhani ekaa da kaa oyu mina kasiinka ndeo. Anegisemee kaa eo se bage waa, ekii'm tata ku si awaae. Kase enta mugo ndoe, Anegisemee kaa eo se bage ku ko ekii'm se-nigemoo we-nigemoo ku ese aii bada kaambea se dimina waa. Ese si maaneke aoo se detaa. Ku kindo ekii'm tata ku si awaae.

Pidipi 1:4

Ndumbo kaseo. Omiyaa siyaa ku ndo Anegisemee mbo asetoo sita mugo ndoe, ni eki kaa bani-bani se kan “Paamee,” se kaasetoo naka.

1 Teseadonika 4:6

Kena Anegisemee wa'm gai-gai awasea na mina ona me ko Yesiusi kaa kinaa bage ona wa pedona ogu Yesiusi kaa kinaa bage'm ambii kaa tubaka awake me daa. Me mugo woo-woo se ku akaakinaa bage kaa si yamaaniyaambe kao kumana ku si awaae. Me akaakinaa bage kaa yadeba semana wa'm kao oma maseke mugo dodo kaambe kumana ku si awaae. Eduga ko ku kaa kiyoo enii ese oyu kan se asina ko “Ku mugo kao awake kipii kindo ko Tuhani wa'm mike em kadaasi sima,” se katupima. Ku kindo ko tubaka ku si awaae.

2 Petadusi 2:10

Peu-pau yaa mu-mu nakea se bage ku wa'm mike em yadake se bage waa koya ese em'mbee em yadasi na se aya yadotaasi bage waa ku mbae da mina tupita se se bage waa. Dee, ku mugo bage ekii'm dim petakea se dimina da dito nakea kumana se-peu we-peu awawoo nakea, me ona. Ona me ko Anegisemee wai ekii'm moo wado ebo toke ku beagea yako yawisiniwoo nakea, me ona. Ku mugo bage ku Anegisemee wa'm mike em yadaasi se bage waa. Mbae da mina tupita se bage waa ekii'm sese ku se de. Ona me ko mbugu se dimina mbeenaa kaa miya emi tau. Ekii'm awaao gai ku mbugu tau kan awawoo nakea ndo, me ona. Ona me ko ekii kaa to dodo se nde miya aoo, me ona. Ona me ko ekii epo wado bage ku kaa yawisinina ekii ekaa da waa ku kaa peu yakiyaake mina eniwoo nakea, me ona. Ku epo wado bage kuwa ku ese asiyoo abayai se bage waa koya ku ekaa da kaa peu yakiyaao kan mina enei nakea kindo ko ekii widaa tau.

Yudasi 1:13

Kena ona me ko ekii'm sese ko ku ese maakaa uwo biku-biku kan yau kaa digewaake se dabedi podi ku mugo dodo. Kase enta mugo ndoe, ku dabedi podi ku ese eaa eponu aoo se dabedi podi waa mugo dodo. Kena ku mbae da mina tupeke bage waa ekii'm sese mugo dodo. Ekii kaa to ekii yimbi si manigea yako ese eaa, ekii kaa to ego kiyaasi na kao ku ndo awawoo nakea, me ona, wido. Kena ona me ko ekii'm sese me asiyoo epo kaa kiyoo aii kade-made semuu nakea se okude waa mugo dodo. Ku ndumbo se kao ku si awan ndo kupoo ndo awanaa se kumana Anegisemee wa'm ekii tao yaa-epipina ko ese, ese, tuku kam tuku se toke yoo yaa-epipi semami. Anikee waa Anegisemee wai ku mugo bage masewena ese tuku kam tuku aoo se yoo kiyoo yadomoo-pamoo semana omiwoo towoo yatoyaabuu taasi, me ona, wui.