“Se dena ko wa'm se nasina ko ‘Paudusi woe. Si widaae,’ se nasipi. ‘Ai Kaiseda mbo mike ukaase nde,’ se nasipi. ‘Ku kindo ko si widaae. Dee, Anegisemee wai a kaa a tao dama se kao kaawapi koena. Uwo daii nda kuma da nda a mesema penaa nakea se bage kuwa ona kaa miya uwo kaa si peembea ndeo,’ se nasipi,” aseke.
Pidemoni 1:22 - Anegisemee'm Mina Kapuge22 Kena se naawae waa bada ae se mina ona ndigi. Me mina me ko me se de. Ni'm nigina ko “A'm ni tao Anegisemee mbo naaedata semuu nae kumana Anegisemee wa'm aii se yaa naekatana a mbo mi-kaomiwee taao pasi ae,” se nigeke. A'm naedaatoo se mina ku kaa mike, dama naawaasi ae se nigeke kumana a'm ee nda kiyoo ni tao omiwee sisi na dukune ona opee naasikemaae. အခန်းကိုကြည့်ပါ။ |
Pidemoni 1:22
13 ပူးပေါင်းရင်းမြစ်များ
Se asemana ko ekii, Paudusi mesema waya mina amoe-moe taao kan mbutu da manitake. Kisena ndo waa ko mbutu manipea se gapi pi-pamii se dodo me kaa ko ekii ese oba mugo medona Paudusi wa'm omita se ee me nda mi-ndemina andagatagea. Andagatana ko ese daamee tukuma da kam ata kisee daasiba kam miyo, epopi nda kuwa Paudusi wai mina tupita se. Mina tupitaina ko wa'm tupeke mina ona me ko Anegisemee wai mee tuma wado ese ata emi tau ebo bage keke se mina ku kaa tupita se, me ona. Kena ona me ko Musia'm okaa mee tupisi na mina kapuge ku kaa mina ku nuwa, Yahawee'm mina yaa-enei simea bage'm kapuge waa ku kaa mina ku nuwa, ku mugo mina tupita se, me ona. Ekii Yesiusi kaa “Mike ae,” se nigisi na ku mugo mina tupita nai.
“Nakayoo ndanda dano ae,” se nigeke kumana endo ko Sepaniyo maa me kaa peeta. Sepaniyo maa kaa peke ko peeta koya maa kaa eki mbo kita mbeenaa kidaa pi-kaome-duwaata. Ni'm medaa peke yoo maanisi na se kao nena eki'm egi nda mugo napeyaasea na ni'm se awaata. Eki mbo kidaa pi-kaome-dona ko eki mesema bani-bani se kan tomuna ndo waa ko waya Sepaniyo maa kaa peao kan waya muuna peeta.
Kena, eki'm naasetoo se mina ku nde miya namaaniyaabuu taambea se mina waa. Ku kumana Anegisemee mbo naasetoo siwoo taae. Dee, mee oba mugo ku Anegisemee mbo naasetoo se kipii kindo ko Anegisemee wai dama tosi na aya nadotaa siwoo nai. Kena wa'm enii tao dama natoyaabuu nai ku nadegea yako mee oba mugo ekii “Paamee Anegisemee, paamee,” se mina yasetoo taambea sima. Ku aoo kaambea kumana Anegisemee mbo naasetoo siwoo taae.
Kase enta mugo ndoe, ni ese dimina ona ndo kan se nigina ko “Endo se gumba ni'm toke yoo me si maaneke aoo koya anikee waa yaa naekatana naadano kiyaasi, ae,” se nigeo. Mbao kaa se nigaao sekii ee? Tau. Ona me ko eki ni kaa Anegisemee mbo naasetoo siwoo nakea, me ona. Ona me ko Yesiusi Keditusi wa'm Dim'mba wai dama namaaniyaabuu nai, me ona. Ku wiya ku kaa kiyoo “O, yaa naekatana naadano kiyaasi ae,” se nigeo. Ku kaa kiyoo ni bani-bani se aoo.
Kena ni'm kanige-maneao gai se mina ona me ko me eniikinaamee to, Timotiusi wa ko wa kaa mina. Eduga mee'm yapamitana peniyada ee nda yadomaamea koya endo tau. Yaa yapamitamea bage ku waya yaa ekatana yapeyaamea. Ku kindo Timotiusi wai mani ni mbo ukeke kipii kindo ko ni eki mbo pi-ade taata se dodo me kaa, ana ndepi ekii mbo kaukaata. Ku koya wai ni mbo mani tau si naukeke kipii kindo ni ndo kaukaata. Ku kaa dama masimaae.
Ku kumana eki'm kee ku kaadano kiyaasi na eki'm woo-woo sipea ku uwa da kaa a-ase naa-ase taae. Waya eki kaa eki tao otuma a-asetoo naa-asetoo siwoo taae. Anegisemee'm gai-gai yaa mu-mu nai se mee to wa'm asetaake mina ku ese maan'dai taambi se mina waa. Ku ese yaa mani da aoo se asetaake se mina waa kui.
Ni'm kaseao gai se mina ku oba ndigi ko ndigi koya ku se ku kaseao kan kapuge me kaa ndo kaawudumaao be. Ni ebe'm ndo mi-kasei taao gai. Ku taao kan ni'm ese “Oowoo,” se kao me ko me eki mbo pi-ade taao gai. Pi-ade semana mina amoe-moe taao gai. Enii'm bani-bani se dimina me ese asiyoo kam asiyoo wa-nini kisi na ni eki mbo memana mina amoe-moe taao gai.
ကြော်ငြာတွေ