Pidemoni 1:19 - Anegisemee'm Mina Kapuge19 A'm yagaika me nde miya ni'm ndo wa tao kipe kakade-maniimba koena. Ese ndumbo kaseo. Dee, ku kaa kiyoo “O Paudusi wa'm mike awaambi kao ae,” se ku nanigise na endo ko ku mina ku, Paudusi ni yaa'm ndo a tao kapuge kaawudumeo, me dee. Ni'm kasipa mina ku mike kaawaata kao koya ni'm yagaika me a mbo namba aoo ae se ku si andibuu taae. Mbao kaa yagaika ee? Tau, ni'm katupima mina ku kaa kiyoo ai Yesiusi mbaya bage keome kumana ku kaa kiyoo ni'm yagaika a mbo nde miya aoo ae se nigeo. Dama awase na ku kaa si andibuu taae. အခန်းကိုကြည့်ပါ။ |
Pidemoni 1:19
14 ပူးပေါင်းရင်းမြစ်များ
Kase enta mugo ndoe, Keditusi kaa mina katupiwoo nakea se bage waa ku ese oba aoo. Eake sekii tau. Ese 10.000 waa ku kisiu asiyaa mugo dodo. Ku koya eki'm naamee mugo dodo se mee to ku oba tau. Me ese ona ndo. Me ko me ni ndo. Dee, eduga ko ni eki mbo Keditusi Yesiusi kaa dama mina katupeke se dodo me kaa kiyoo eki “Mike ae,” se yanigimana yipi se dimina one kadami. Ku kaa kiyoo kam eki'm naamee mugo mee to me ni ndo. Ogu bage se ku ko tau.
Ebanaa bage ekii'm nabeake kan ni kaa mina se nasina ko “O, Paudusi wai enii mbo tau kipii kindo wai oyu se mina mbugu tau kan kapuge nda nawudumei nai. Ku koya wai enii mbo memana ade sita mugo ndoe mbugu kidai se dema,” se naseke. Ekii'm se nasipea koya tau. Endo ko, ni, Paudusi, ni Keditusi wa'm sipi mugo masewena dim kakoesi na mina kaseao gai. Dee, Keditusi wai mee mesema oyu tau. Aii tunaa kan mina tupiwoo simi. Ku kumana wa'm sipi me kaa kiyoo
Kase enta mugo ndoe, enii'm sese ku uwa da kaa deyaabuu sisi na se kapuge me ko me eki, Kodintusi bage eki. Eki ko Keditusi wa'm enii tao naawudumami se kapuge mugo dodo se bage waa. Ku koya miga kapuge se ku tau. Me wa'm piyapoo masewena kawudumami se kapuge se ku tau. Me wa'm oma kade-pade ku kaa egipina kawudumami se mina se ku tau. Wa'm kawudumami sese me ko me se de. Ese iyaao tai se Anegisemee wa ko wa'm Dim'mba me eki'm dim'mba nda kakumamoo sipi kumana eki'm toke yoo ku wa-nini kakiyaabuu nai. Kena eki'm sese ese wa-nini kumapea ku kaa mina ku enii'm dimina da nda dopeana ogu bage mbo pi-yanige-mane se. Eki'm sese pi-yanige-mane sita mugo ndoe, ogu bage ekii'm se nanigina ko “Ai, ai. Paudusi, wamugoi nakawaa mesema, ekii'm ndanda ku ese dama yaa mu-mu siwoo sipea ae,” se nanigigea. Ku kindo ko ogu bage ku eki'm sese ndamata mugo ndoe, ku kaa kiyoo enii'm sese nde miya epi kidai. Ese enii kaa enii tao naepi kisi na naawudumamea se kapuge ndamayaa mugo dodo.
Dee, eki'm kipe ku aii dodo wenei semaan tau waa, ni mesema Makedoniya maa kaa bage waa mesema, enii eki mbo ukeke se dodo me kaa kiyoo “O, eki kipe wenimaan tau ae,” se kadeyaa. Se kadeke waa, eki, ni mesema ego kiyaa. “Yai, ni'm Kodintusi bage kaa dimina ona ndo kan yaapawoo naka mina ku ese kowimapa se mina ae,” se nigimagea yako ego kiyaa.
Ni'm mina nayewee! Ni, Paudusi, ni'm oyu kan kaseao gai se mina ku se de. Anegisemee'm emaa misi kaa dimi ndumbo kisea na paita endii da-mbeaseke se ebeabea da awake kipii kindo ko iyo! Waya me ebeabea da yaa mu-mu nakea kindo Keditusi'm eki tao kaawami ku nde miya aii bada kiyaambea. Eki'm woo-woo se ku ndigi nde!
Timotiusi woe. Ni'm kapuge me a tao ee. Eduga ko ai ni'm eniwoo sima mina ku yemai ndoe Yesiusi kaa “Mike ae,” se nigime. Ku kumana ni'm kadena ko “O, a ese mike niyombai ae,” se kadeo. Endo ko Anegisemee Naamee mesema enii'm Tuhani, Yesiusi Keditusi me mesema, akaai a'm woo-woo se kaa si em kadake me nuwa, aii se gane kan dama katoyaake me nuwa, ku waya wadobo kaawatai waa bada ae se kaanigeo, me ona. Kena ona me ko, akaa'm ese widigi tau se dimina da kakumake me nde miya waya wadobo kakumai waa bada ae se kanigeo, me ona. Ku wiya ku kaawatai waa bada ae, se kanigimaa yako “Aba, aba,” se kaseo.
Titusi woe. Ni'm eduga katupima mina waa, ku a'm “Mike ae,” se nigimame mina kuwa ku ese ni'm “Mike ae,” se nigeke mina ese dodo ndo. Ku kaa kiyoo ni'm kadena ko ai ese okaa se niyombai se mee to mugo dodo se kadeta. Kena ni'm a kaa kadotaa taao gai se mina ku se de. Anegisemee Naamee mesema enii'm woo-woo se kaa em si nadan ndo omiwoo towoo natoyaake se mee to, Yesiusi Keditusi me mesema, akaa'm aii se dama katoyaake ku waya wadobo kaa-awai waa bada ae se nigeo, me ona. Kena ona me ko, akaa'm ese widigi tau se dimina da kakumake me nde miya waya wadobo kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo.
ကြော်ငြာတွေ