Kena Yesiusi wai wa'm tupinaa se bage waya se asina ko “Ni'm mina donaa asinaa se se dodo me kaa ko ‘Aba, aba. Enii mbo tomu taao bada,’ se kasiisea se bage waa ku ni kaa nde miya ‘Aba, aba. Enii mbo tomu taao bada,’ se nasiyaa mugo dodo se deo. Waya wada nda ku mugo naseke se bage waa ku ni'm Napeyaami Mee to wa kaa nde miya ‘Aba, aba. Enii mbo tomu taao bada,’ se asiyaa mugo dodo se deo,” aseke.
Pidemoni 1:17 - Anegisemee'm Mina Kapuge17 Pidemoni woe, ni ko ni medaa a mbo mi-kaomeweo waa ko a kase nasiyaa ee? Tau. “Aba, aba. Ni'm ee nda mi-naomaae. Noke kao mi-noo,” se nasiyaa. Ku mugo yaa, a'm ni kaa ni tao dama naawayaa ku masewena Onesimusi wa kaa nde miya dodo ndo yaawaae. Dee, a, ni mesema Keditusi tao ndanda yaa mu-mu nae se mee to kumana ku kaa nigimae yako Onesimusi wa kaa namba “Aba, aba. Ni'm ee nda mi-naomaae. Noke kao mi-noo,” se aseae. အခန်းကိုကြည့်ပါ။ |
Pidemoni 1:17
17 ပူးပေါင်းရင်းမြစ်များ
“Me yuwa me me mee'm emaa misi kaa aii mbeedi se mee to mugo dodo. Ku koya ni ekaa da ebo kisi na a kaa to mbeedi mbeana me mugo mbeedi se mee to, wa tao dama yaawake kipii kindo ko me maaneke. Me mugo awake me mbeedi se mee to wa tao ndo dama yaawake se ku tau. Me ni kaa nde miya dama naawape mugo dodo se deo,” aseke.
“Ekii'm se nasigea se gumba me kaa kiyoo, Ese Ata Emi Tau Ebo Toke se Mee to, ni ko, ni'm ambewaata mina me ko me se de. ‘Tau. Ese ndumbo mina kasiinka ndeo. Ese mbeedi kam mbeedi ni kaa nikinaa bage ona aoo se dodo me kaa ko kena eki'm wa kaa wa tao dama yaawamea kindo ku deo yako ni'm kadena ko “O, eki'm yaawapea me ni kaa naawapea kui, ae,” se kadeo. Ku kaa kiyoo eki ni kaa ese dama naawawoo simea, se kasipa,’ se asiita.
“Mike ae,” se nigimana wa nuwa, wa'm ee nda togea bage waa ku nuwa, ku enii'm uwo ndoiba yatakumewee se. Uwo ndoiba yatakumeweena ko Didiya wa'm nasina ko “Ni'm dimina eki epi. Ni Tuhani kaa dimina ona ndo kan ‘Mike ae,’ yanigipa ae se nanigeke kumana ni'm ee nda mi-omiwee taae,” se aseke. “Mi-omiwee taae, mi-omiwee taae,” oba se naseke kumana enii wa'm ee kaa pi-omiwee se. Se awamea.
Kena Titusi wa ko wai ni mesema dipinimai yako ndanda yaa mu-mu nai se mee to. Ku kaa kiyoo wai ni mesema eki tao maanisi na se ndanda kaa-awawoo naka. Kena Titusi mesema pegea se Yesiusi kaa eniikinaa bage akaa wiya kasipa kuwa akaai nakayoo Yesiusi kaa andagatagea bage ekii'm yapeyaamea se bage akaa wiya. Aii se yapeyaamea se ku tau. Ekii'm eki mbo kaseao gai se mina ku dopeana pi-kanige-manesi na yapeyaamea. Kena akaa'm sese ku dena ko mike Keditusi ekaa da ebo mbeana yapapa taao ndo bada ae se nigisi na sese waa se deo.
Wa'm yanige-manepi mina me ko me se de. Yahudi bage nuwa, Yahudi tau se bage nuwa, enii ndepo Anegisemee wa'm dama mina me kaa kiyoo maan'dai taambea. Kase enta mugo ndoe, wa'm dama mina me kaa kiyoo enii ndepo Keditusi Yesiusi nda dipinimana mbaya ona ndo mugo nakiyaake se bage waa, me ona. Kena ona me ko Anegisemee'm dama mina me kaa kiyoo wa'm enii tao dama tosi na daa naambembo se kao ku nde miya enii ndepo masiisea se bage waa, me ona. Kena ona me ko Anegisemee wa'm Keditusi Yesiusi kaa naa-owatami mina da ku nde miya Yahudi bage nuwa, Yahudi tau se bage nuwa, enii ndepo enii tao nameaniyaasi se mina da. Enii ndepo Keditusi kaa omiwoo towoo natoyaabuu taasi koena, me ona. Ku kasipa kuwa ku Anegisemee wa'm dama mina kaa nameaniyaabuu nakea se mina waa. Yahudi bage nuwa, Yahudi tau se bage nuwa, enii ndepo kui. Anegisemee Dim'mba'm se nanige-manepi koena.
Ni'm eki kaa kabani-bani naka me ko me aii se kabani-bani naka se ku tau. Ni'm dimina eki mbo ndigi kumana kabani-bani naka. Kena ni'm dimina eki mbo ndigi se kasipa me ko me ese ndumbo se kao. Mbao kaa ndumbo se kao ee? Tau. Anegisemee'm aii se namatami ndanda ku ni'm ndo yaa mu-mu se tau. Eki nde miya ni mesema yaa mu-mu nakea ae se kadeo yako ni'm dimina eki mbo ndigi se kasipa. Dee, ni ko ni peniyada ee nda toke nde miya eki naandibuu taan tau kumana ni'm dimina eki mbo ndigi se kasipa. Kena ebanaa bage ku Anegisemee'm dama tosi na mina si maaniyaao gai koya ku taa kisi na ni ekii mesema mina a-domoo naa-domoo naka. Kena mee waa ku Anegisemee'm dama mina me kaa “Mike ae,” nigisi na mina tupiwoo naka. Ku mugo ndanda yaa mu-mu naka nde miya ku ni'm ndo yaa mu-mu naka se ku tau. Eki nde miya ni mesema a-yaa mu-mu naa-yaa mu-mu nakea kumana ni'm dimina eki mbo ndigi se kasipa.
Yaa pineana masii mata se Yesiusi mbaya bage ku ko ekii'm yaa pineasipea bage ku nde miya Yesiusi kaa “Mike ae,” nigeke bage kipii kindo ko ekii ndepo Yesiusi kaa kinaa bage mugo dodo. Ku kaa kiyoo “O, anai Yesiusi kaa kinaa bage kumana wa'm guna wado pakeao sekii ae. Wa kaa yawisineke sekii ae,” se dimina me mbeas! Akakinaa beao se mina ku kaa kiyoo yambayaa se dimina da me mbeas! Waya wadobo ese oyu kan masii yaamasiwoo taae. Masii maseke dito se bage ekii'm toke yoo dama maanisi na yaembaake kan dama ndo masii yaamasiwoo taae. Yaa pineana masii mata se bage waa, ekii'm se awake bada. Ni'm kaseo mina waa ku Yesiusi mbaya bage mbo pi-yatupiwoo taae. Ku mina ku si tamasi na dimina yakoewoo taae.
Dee, Onesimusi wa ko wai ese ni'm yopaa mugo dodo se mee to. Kase enta mugo ndoe, ni nakayoo peniyada ee nda ndigi se dodo me kaa wai ni mbo memami. Ni mbo memana ko ni Yesiusi kaa mina yanige-manema. Yesiusi kaa mina se yanige-manena ko wai Yesiusi kaa “Mike ae,” se nigimami. Ku kaa kiyoo wai niyombai mugo dodo ae, ni wa'm naamee mugo dodo ae, se nigeo. Ku kindo kiyoo kam ni'm yopaa se mee to wa kaa dama yaawaae se kaseao kan keo.
Yesiusi kaa eniikinaa bage waa woe. Eki ko eki Anegisemee wa'm wa kaa wa tao wa-nini kawenimami se bage waa. Eki ko wa'm Siduga maa kaa kiyoo kam mina kawoewemi se bage waa. Kena enii'm “Mike ae,” nigimana eniwoo nakea se mina me ko me Yesiusi wa kaa mina. Yesiusi wa ko wai Anegisemee wa'm wa kaa wa tao yapeyaami mee to, me ona. Ona me ko wai enii tao ese ata emi tau imam mee to, me ona. Kum seta kaa, enii'm dimina ku Yesiusi kaa kusipimana wa kaa dama nigi si pe taae.
Eduga ko enii Anegisemee'm dama mina yemea se dodo me kaa dim wiya-wiya se mbeenaa kaa miya emi tau. Ese dimina ona ndo kan “Mike ae,” se nigimamea. Kum seta kaa ni'm kaseao kan sipa mina me ko me se de. Endo kam wado kise buwaasea yoo kam miyo epopi nda kuwa, enii'm eduga dim wiya-wiya emi tau se dimina da me waya yaa mu-mu taao ndo bada. Me yaa mu-mu se kipii kindo ko Keditusi wa'm naa-awami - naa-awami ku enii kaa nde miya nameaniyaana wa mesema ese dadaa se enimoo se towoo taambea.
Ni'm ese kaembaake se eniikinaa bage waa woe. Ni'm mina ku dama nayito taae. Anegisemee wa'm sese mee pikamoo se me ko me enii'm sese pikamoo se tau. Wa'm dito se kao wa-nini koena. Dee, ese eduga edugana ko Anegisemee wai ese ba-gamitaao kana se mina me se asina ko “Ni kaa naembaake se bage waa ku en'ndo otuma ku ni'm guna miyo ese dama yatoyaabuu taata se bage waa,” se asimi. Waya kiyoo kam Anegisemee wa'm se mbeana ko “Mee'm emaa misi kaa bakata se bage waa ku ni kaa ‘Mike ae,’ se nigeke kipii kindo ko me ni'm emaa misi kaa ese sinowi se bage waa mugo dodo se detaka. Ku ni'm ese dimi se bage waa se detaka. Ku ni'm guna miyo yambeana dama tosi na aya yadotaa taata se bage waa,” se aseke. Anegisemee wa'm aii dodo se mbeasimi.
Ni kaa mina ona me ko ni ko ni penatuwa se mee to, Yesiusi mbaya bage ku ditosi na se mee to mei, me ona. Ona me ko eduga Keditusi wai bodi ababa simi se dodo me kaa ko ku ni'm emaa misi kaa yadema, me ona. Ona me ko anikee waa, Keditusi waya ukaasi se dodo me kaa wa'm ese abayai ebo tutai sese me uwa da kaa yadeyaasi. Uwa da kaa yadeyaabuu sita mugo ndoe wa'm abayai toke sese me ni kaa nde miya nameaniyaai yako ni namba ese abayai se nakiyaasi, me ona. Ku wido kasipa kuwa ku ni'm sese kumana ku kaa kiyoo kam ni eki mbo kadito nakea se penatuwa bage waa, eki mesema dim yakoeta taao gai se mina mbeenaa aoo.
Enii'm Keditusi kaa dema-dema mina ku nuwa, enii'm yema-yema mina ku nuwa, ku kaa aii se kanige-maneo se ku tau. Dee, enii ko enii Anegisemee Naamee mesema, Wayombai Yesiusi Keditusi me mesema ese dadaa se enimoo. Enii ndepo ese dimina ona ndo se enimoo. Kiyoo kam enii'm kanige-maneao kan sipa mina ku kaa kiyoo eki nde miya enii mesema dipinimana enii papi enimoo kaao na se mina da kasipa.
ကြော်ငြာတွေ