Ku kaa dama masimasea na mee tuma kaa bage'm sese ku kaa dama nigi si pe taae. Ona me ko tentada se mee to wa'm sese. Tentada se mee me ko wai wa'm kipe ku kaa kiyoo kam yape maseke yee? Tau na. Wa'm moo wado maa kaa ebo toke mee to, wa'm yaedipi kipe waa ku kaa kiyoo ndo yape yaamasiwoo se, me ona. Mina ebeabea da ona me ko me aniguda poo bayoo masii mata se mee me ko anikee waa ayuwee se gumba ndoe poo si naasi yee? Tau na. Wa'm masii masimi me kaa kiyoo poo naasi, me ona, wiya. Kena mina ebeabea da ona me ko me kam'mbini egina mugo man'ta se mee me ko wai kam'mbini egina man'ta se koya kam'mbini egina ama uwo ku si naambi yee? Tau na. Ku man'ta sita mugo ndoe ku namba nowoo nai, me ona, wido. Ku mina ebeabea da wido ku ko ku ni'm sese mugo dodo ae se masimasea na se kaseao kan sipa.
Pidemoni 1:14 - Anegisemee'm Mina Kapuge14 Pidemoni, a'm “Bada o,” se nasiin tau yoo me mugo mina aseke ni be. Waya wada nda ni a kaa ese oyu kan kaembeniyaa yako “Bada o. Onesimusi me a mbo ndo tos,” se naseke nde miya ni be. A'm kee-kee me kaa kiyoo ndo dama yaawake kindo me ese maaneke se kao. Ku kindo a'm kee-kee ku kaa kiyoo ndo dama yaawase na ni Onesimusi a mbo kameyaapa. အခန်းကိုကြည့်ပါ။ |
Pidemoni 1:14
10 ပူးပေါင်းရင်းမြစ်များ
Enii'm kaseao kan sipa mina ku dama masimaae. Dee, eki'm “Mike ae,” nigeke dimina da me maaneke se dimina. Me dimina me me eki'm magi tau kan kusipimapea se dimina. Kum seta kaa enii ko enii eki'm moo wado pakemana “Ku kaa ‘Mike ae,’ nigaae. Ku kaa nde miya ‘Mike ae,’ nigaae,” se katupaao kan sipa se ku tau. Ku si kaseke nde miya sekii. Waya na kiyaa kabani-bani siyaasi na sese ku enii eki mesema dipinimana kaawawoo taao gai, me ndo.
Kase enta mugo ndoe, Anegisemee'm emaa misi kaa ese maaneke se dimina me ko me mee agumee kaa kabuu tau se dimina da. Ku kumana a kabuu tau kan a'm yaa da kaa aoo ku ndo ndumbo pamana mee agumee maneke kipii kindo ko me Anegisemee wai “Awanke, awanke,” se kaanigaambi. Kena wa'm si kaanigaambi se dimina me ko me se de. “Yai wa bakata ko bakata koya oba maneao daan sipi,” se dimina me mbeenaa kaa miya si kaanigaambi.
Waya wada nda ni'm se nigina ko “Ni eki mbo pemana oyu kan ‘Kipe yaawenimawee,’ se mina kaseao be. Eki'm ogu bage tao manisea na se kipe waa ku eki'm gai kan maneke me ndo bada,” se nigeo. Se nigimaa yako ni'm kameyaama bage ku peen tau yoo ni'm ese oyu kan se asina ko “Eduga ko Kodintusi bage ekii'm asina ko ‘Enii'm kipe ku naa wenimana ogu Yesiusi mbaya bage ekii tao yaadoyaamba,’ se nasimea. Ku kumana ekii'm nasimea mina ku pi-pamiyaasi na eki wido, eki kita ogiyoo Kodintusi bage mbo peke bada. Eki kita pemana ko ekii'm maneao gai se kipe waa ku pi-yaweniwoo taae,” se asima. Ku wido ku eki mbo kameyaan tau yoo eduga ni'm se asima.
Ku mugo yaa, ogu bage tao maneao kan oba maneke ee? Mbeenaa ndo maneke ee? Tau. Eki otuma wa naa wa'm nigii-nigii, wa naa wa'm nigii-nigii, eki'm kea-kea ku kaa kiyoo ndo maneao ndo bada. Yibanda kiyaa bem-bem maneke kipii kindo ko me si maaneke se dimina, me ona. Ona me ko mee'm oyu kan “Kipe manee! Manee!” kasipi mina me mbeedi mbeaseao kana kumana kipe maneke kipii kindo me nde miya si maaneke se dimina, me ona. Ku mugo dimina ku kaa kiyoo ogu bage tao si maneae. Ku koya dimina bani-bani se kan ogu bage tao maneke kipii kindo ko me maaneke. Bani-bani se kan manipea se bage ku Anegisemee wa'm yaembaake se bage waa koena.