Mandiusi 9:2 - Anegisemee'm Mina Kapuge

² Kapenaum okaa yoo me kaa ukimana ndo waa ko mee waa ekii owita se mee ona wa mesema wa'm omitai opee mesema dopeana Yesiusi mbo mi-mbeaseke. Wa mbo mi-mbeana ko ekii'm awapea se dei ndoe Yesiusi wa'm se nigina ko “Ai, ai. Ku bage ku ko ekii ni kaa dim wiya-wiya se ona kaa miya emi tau. ‘Yesiusi wa sekii ae,’ se dimina ku ndo nanigitakea, ae,” se nigeke. Ekii kaa se nigimai yako wai owita se mee to me se asina ko “Niyombai woe, si widaae. A'm woo-woo se ku kaawise-mbeaseo,” se aseke.

Mandiusi 9:2 ပူးပေါင်းရင်းမြစ်များ

Mandiusi 14:27

Ekii'm se aseke koya Yesiusi wai ese mani se asina ko “Tau de! Si widaae! Me ko me ni nde. Mbugu se dimina me mbeas!” aseke.

Mandiusi 4:24

Kena wa'm se awawoo nai se mina ku mee'm donaa asinaa nakea. Donaa asinaa sita mugo ndoe Gadidea maa kaa kam kise Sidiya maa en'ndo otuma odeeniyaabuu sipea. Kena wa kaa mina ku yemagea yako ekii'm awana ko se-kee we-kee aoo se bage ku nuwa, bodi ababa se aoo se bage ku nuwa, mbaa epuyiba aoo se bage ku nuwa, buwa mbata siyaabuu nakea se kee aoo se bage waa ku nuwa, bado owita se bage waa ku nuwa, ku se ku Yesiusi mbo pi-yambembo se. Yesiusi mbo pi-yambembo semana ko ekii'm si maaneke ku otuma Yesiusi wa'm yaadano kiyaabuu nai.

Mandiusi 6:12

Kena ogu bage ekii'm peu-pau naawapea ku ko ku enii'm si diton ndo aii wisin'tapa kumana, Anegisemee a namba enii'm woo-woo se ku kaa si em nadan ndo aii naawisin'taao ndo bada ae, se nigeo.

Mandiusi 8:10

Wa'm mina yemai ndoe Yesiusi wai ese “Abayai!” se yanigeke. Se yanigimai yako wai wa ogudi metakea se bage waa ku mbo se asina ko “Abayai! Mee me me, wa'm ni kaa ‘Mike ae,’ nanigeke se dimina da me ese wa-nini keo. Ndumbo kaseo. Me mugo ni kaa ‘Mike ae,’ nigeke se dimina da me ni'm Yahudi bage en'ndo otuma ku mbo ona kaa miya diin tau se dimina da,” se aseke.

Mandiusi 8:16

Ku semana ndo waa ko me gapi, ndeeneopi se dodo me kaa ko, mee waa ku mbaa epuyiba aoo se bage waa ku bada madona Yesiusi mbo mi-yambembo nakea. Ku Yesiusi mbo mi-yambembo sita mugo ndoe Yesiusi wai “Pee!” se mina me ndo en'ta mugo ndoe mbaa ku mee waa ekii epuyiba kam yapeyaabuu se. Kena kee aoo se bage en'ndo otuma ku nde miya ekii'm kee ku yadano kiyaabuu se.

Mandiusi 9:22

Yesiusi'm maawiya yaa dena ko Yesiusi wai wa duwato emba matana me ambii me me deke. Me ambii me dena ko “Niyopane woe, si widaae! A'm ni kaa, ‘Yesiusi wa mike sekii ae,’ se nanigipe se dimina da me kaa kiyoo a'm emu peke ku mike dano kiyaai,” aseke. Se ata mugo ndoe wa'm emu peke ku mike dano kidai.

Mandiusi 9:5

Endo ko dama nigi si pe taae. ‘A'm woo-woo se ku kaawise-mbeaseao,’ se mina me aseao mbeedi se mina ee? Owita se mee to ‘Inewena peae,’ se mina me aseao mbeedi se mina ee? Kayoo me ebo se mina? Kayoo me mbeedi se mina? Tau na. Akaa ndepo ese ebo, ese mee tuma da bage'm awaao kana se mina waa koena,” aseke.

Mandiusi 9:6

“Ku koya ni ko ni Mee Yombai. Maa kaa togea bage waa eki'm woo-woo se ku ni'm kaawise-mbeaseao sekii. Anegisemee'm ebo se nambeasepi koena,” aseke. “Ni'm kasipa mina kuwa ‘Ku mike ae,’ se nanigisea na endo ko mee tuma da bage'm awaao kana se kao kaawaanka,” aseke. “Owita se mee to woe. Inewee se kaseo,” aseke. “Inewee. A'm opee me masewena a'm ee kaa peae, se kaseo,” aseke. Yesiusi wa'm se aseke.

Madakusi 1:32

Kena ndeeneopi se dodo waa ko okaa yoo epoo bage kuwa ekii otuma Yesiusi mbo memagea. Yesiusi mbo memagea ndoe, kee aoo se bage ku namba bada madona memagea. Mbaa epuyiba aoo se bage ku namba bada madona memagea. Ku bage ku otuma Yesiusi mbo bada madona memagea se dodo ndoe, gine kaa iimana takea.

Madakusi 10:49

Ku kindo Yesiusi wa'm peao kan sipi yoo ndamonina ko “Mee me me ni mbo ‘Mee!’ se naaseae,” aseke. Se asemana ekii emaa diyoo se mee to me mina woeweke. “Woe! A'm dimina bani-bani taae!” aseke. “A'm dimina bani-bani taae. Yesiusi mina kawii nde, inewee! Inewena meae,” se aseke.

Madakusi 5:34

Ndumbo ndo yanige-manena ndo waa ko Yesiusi wa'm se asina ko “Niyopane woe. A ko ai ni kaa ‘Mike ae,’ se nanigipe kumana me dimina me kaa kiyoo a'm emu peke ku dano kiyaai. Endo si widaae. Dimina etaa kan pee o. A'm emu peke ku mike wadobo waya si peese,” se aseke.

Yohanesi 16:33

“Eki ko eki ni mbaya bage waa kumana, ni'm kasipa se mina waa ku ese widigi tau tosea na se dimina waa ku kakumaao kan sipa se mina waa. Kase enta mugo ndoe, eki ko eki maa kaa towoo sita mugo ndoe widigi toke nde miya aoo. Bodi ababa se nde miya aoo. Se towoo semuu taasea. Ku koya maa kaa se-peu we-peu en'ndo otuma ku ni'm mbeedi mbembo semapa se kao waa,” aseke. “Ku kumana dimina si katu kaae. Ni'm awapa me kaa kiyoo eki nde miya dimina takunina ndo towoo taae,” se aseke. Yesiusi wa'm se aseke.

Yohanesi 21:5

Yesiusi wa'm ekii se asina ko “Nemugoi nakawaa woe. Maminapedi yaapea yee? Yaan tau yee?” aseke. “Iyo, ona kaa miya yaan tau,” aseke.

Edaseo Bage 14:9

Mee me me wai Paudusi'm mina yito nai. Paudusi mina ku yito nai se dodo me kaa ko Paudusi wa miya mee me me dito se. Mee me dito sita mugo ndoe, Paudusi wa'm se yanigina ko “Ai, ai, mee me me wai Yesiusi kaa ‘Mike ae,’ se nigii yako peao sekii yakiyaao sekii, ae,” se yanigeke.

Edaseo Bage 19:12

Abayai se kao ku awatai se dodo me kaa ko Paudusi wa'm yaa depi kao, kaini mugo kao ku nuwa, embato manaa se se kaini mugo ku nuwa, ku mee'm dopeana ogiyoo kee aoo se bage mbo pi-yaa deyaake. Kaini ku pi-yaa deyaana ko kee ku yadano kiyaai. Mee me epuyiba dimi peu se mbaa aoo kipii kindo ko ku namba mee epuyiba kam batana peyaake kidai. Paudusi wa'm yaa depi kao ku dopeana ogiyoo pi-yaa deyaapi kindo. Anegisemee'm yaa mani da Paudusi manipi kumana me mugo awaao sekii yakiyaai. Se.

Edaseo Bage 23:11

Kiyoo pi-yambeana ndo waa ko odi daasiba se dodo me kaa ko Tuhani wai Paudusi mbo pasi kaa inewena se asina ko “Paudusi woe, ai si widaan ndo bani-bani taae,” se aseke. “Eduga ko a'm ni kaa mina ku Yedusedem okaa yoo naasinaa sime mugo kuwa anikee waa nde miya ogiyoo Edoma okaa yoo namba ni kaa mina pi-naasinaa taase nde,” aseke. Tuhani wa'm Paudusi se aseke.

Edoma 5:11

Ku kaa bani-bani taasea koya endo nde miya Anegisemee kaa bani-bani nakea. Dee, Tuhani Yesiusi Keditusi wa'm naawake ku kaa kiyoo Anegisemee mesema apoemapea kidai. Wa mesema ese enimoo se bage kidai. Ku kumana endo nde miya bani-bani semuu nakea.

Yakobusi 2:18

Ebanaa bage ku ni'm asipa mina ku kaa beagea yako ekii'm nasiimbea mina ku se de. “Tau, Yakobusi, a eo. Omiwoo towoo sisi na sese enda wiya aoo. Ona me ko ‘Mike ae,’ se nigeke dimina da me kaa nde miya sekii. Kena ona me ko ‘Mike ae,’ se si nigina ni'm dama awawoo sipa se kao ku kaa nde miya sekii. Ku sese wiya kuwa ku Anegisemee'm emaa misi kaa omiwoo towoo sisi na sese waa ae,” se nasiimbea. Ku koya mee ona wa'm se naseke waa, ni'm ambewaake mina me ko me se de. “Tau, a'm dama se kao awaan tau yoo a'm ‘Mike ae,’ se nigeke dimina naadeyaao kana. Ku koya ni'm dama awawoo taamba sese ku kaa kiyoo kam ni'm ‘Mike ae,’ se nigeke dimina me uwa da kaa kadeyaamba ndeo,” se asiimba. Dee, mee'm “Mike ae,” se nigeke se dimina da me kaa kiyoo kam uwa da kaa dama se kao nde miya awake kipii kindo ko ku akaa ndepi dipinimana awake kindo ko me maaneke. Tau kipii kindo tau.