Mandiusi 8:4 - Anegisemee'm Mina Kapuge

⁴ Kam waa ko Yesiusi waya se asina ko “Endo ko a peke ko peke koya ni'm kaawapa mina ku mee mbo si aseae,” aseke. “Ku mee mbo si asin ndo ogiyoo imam se mee to wa mbo ndo peae, a eba ku kandamasi na,” aseke. “Imam se mee to wai a eba da kandamana ko Anegisemee tao se-kao we-kao ku bidea kaa yaaponoyaae,” aseke. “Ese eduga Musia wa'm ‘Se awaae,’ se enimi mina kui. Kena ku se ku bidea kaa yaaponoyaake se dodo ndoe ku degea yako ekii'm se kanigina ko ‘Ai, ai. Mee me me wa'm mbiseabuu ku mike dano keopi, ae,’ se kanigaambea. Ekii'm se kanigisi na Musia'm mina ku dodo ndo pi-awaae,” se aseke.

Mandiusi 8:4 ပူးပေါင်းရင်းမြစ်များ

Mandiusi 10:18

“Kena peu aya kadotaa sisi na ebo toke bage ekii'm egi kaa pi-kambeasiisea. Gubenuda ebo bage waa ku nuwa, ese ata emi tau ebo toke se edaya bage waa ku nuwa, ku se ku ekii'm egi kaa kiyoo pi-kambeasiisea. Dee, eki ko eki ni mbaya bage kumana se kaawaasea koya tau. Ku ebo bage ekii'm egi kaa nuwa, Yahudi tau se bage ekii'm egi kaa nuwa, ku mbo pi-kambeasita mugo ndoe ni kaa mina ku dama yanige-maneae,” aseke.

Mandiusi 16:20

Se asemana Yesiusi wai wa'm tupinaa se bage mbo ese oyu kan se asina ko “Ni ko ni Keditusi se mee to se mina me ko me endo se gumba mee agumee mbo si aseae,” aseke. Yesiusi wa'm se asimi.

Mandiusi 17:9

Kena ndo waa ko ekii kiyoo kam batana ndii patu kaa kam endeke. Enditakea se dodo me kaa ko Yesiusi wai oyu kan se asina ko “Eki'm depea mina ku mee mbo si aseae,” aseke. “Endo se gumba si aseke koya anikee waa, Mee Yombai, ni ko ni kita maa poo yoo nandomana dai kaa waa ko eki'm depea mina ku ogu bage mbo aseao sekii. Me kaa miyo ku si aseae,” aseke.

Mandiusi 3:15

Kena Yesiusi wa'm asina ko “Tau na, endo a'm naawaa o. Ese dama ndumbo se kao ku otuma awata taao kan me nde miya naawaao disi. Ku kindo naawaa o,” aseke. Se asemana ndo waa ko Yohanesi wai Yesiusi uu ndoiba yatakumeweke.

Mandiusi 5:17

Kena Yesiusi wa'm waya se tupina ko “Ni'm nakayoo memana awaao kan sipa ku kaa dama masimaae. Anegisemee'm okaa mee tupisi na mina nuwa, nabi bage ekii'm wudumamea mina waa ku nuwa, ku se ku dano kiyaao kan mepa se ku tau. Waya na kiyaa ku otuma pi-pamiyaabuu taao kan mepa,” aseke.

Mandiusi 6:1

Kena Yesiusi wai mee kooda waa ku waya se tupina ko “Aii mee'm kapapa sisi na ekii'm emaa misi kaa mee tao dama se kao pi-awake kipii kindo ko me si maaneke. Ku si awase na a kaa to dama dito taae. Kase enta mugo ndoe, mee'm kapapa sisi na ekii'm emaa misi kaa pi-awake kipii kindo ko me mugo sese me kaa ogayo kapaasi iyo. A'm Siduga maa kaa toi se Anegisemee Naamee to, wa'm dama aya si kadotaambi sima,” se aseke.

Mandiusi 9:30

Se asemai ndoe akaa emaa misi ku wadaniyaapi kidai. Ku semana ndo waa ko Yesiusi wai ese oyu kan se asina ko “Ni'm kaawapa mina ku mee mbo si aseae,” aseke.

Madakusi 13:9

“Kena ese takanu gapi pasi kiwoo nai se dodo me kaa ko eki kaa to edimaao kan dama dito taae. Kase enta mugo ndoe, eki ko eki ni mbaya bage waa kumana ogu bage waa ku eki kaa peu-pau kaawawoo taasea. Peu-pau kaawawoo taasea me ko me eki ni'm gai-gai naawagea kumana peu aya kadotaa siwoo taasea,” aseke. “Peu aya eki kaa kaadotaao kan yaa kayapamitaasea. Yaa kayapamitana ebo mina dasi na se ebo bage waa ekii mbo pi-kambeasiisea. Kena Yahudi bage'm andagatake ee waa ku nda nde miya yaa kawedona pi-kambeana em kadaasea,” aseke. “Kena peu aya kadotaa sisi na ebo toke bage ekii egi kaa pi-kambeasiisea. Gubenuda ebo bage waa nuwa, ese ata emi tau ebo toke se edaya bage waa nuwa, ku se ku ekii'm egi kaa pi-kambeasiisea. Ekii'm egi kaa pi-kambeaseke se dodo me kaa ni kaa dama mina ku yanige-maneae,” aseke.

Madakusi 3:12

Se woeta mugo ndoe Yesiusi wai ese oyu kan se asina ko “Tau de! Ni kaa naepi kisi na se mina ku uwa pana si aseae,” aseke.

Madakusi 5:43

Kam waa ko Yesiusi wai ese oyu kan se asina ko “Ni'm awapa mina ku ogu bage mbo si yanige-mane taae,” aseke. Kena “Ayopane noke kao maneae,” aseke. Yesiusi wa'm se asin.

Madakusi 6:11

“Kena ebanaa okaa yoo pemana ko epoo bage kabeake kipii, eki'm eneao kan sipea mina ku kabeapea kipii kindo ko wa-nini yoo peke bada. Wa-nini yoo peao kan peenkea ae se dodo ndoe, ‘Aa-oo, enii dim'mba tau awamapea ae,’ se ku desi na ebeabea da namba awaae. Se desi na ebeabea da me ko me a bado tabe kaa maa nuwa, pesi na pisi-pisi aseae. Pisi-pisi asemana ndo waa ko wa-nini yoo peae,” aseke.

Madakusi 7:36

Ku semana ndo waa ko Yesiusi wai mee kooda waa ku mbo se asina ko “Ni'm awapa ku mee mbo si aseae!” aseke. “Si aseae! Si aseae!” se mina oba aseke koya aii bada ndo. Yesiusi'm oba asipi ku kisiu ekii wa'm mina tamoo siwoo nakea ndo. Ku kindo wa'm awapi mina ku dopeana ogu yau-yau bage eki mbo oba asiwoo nakea.

Madakusi 8:30

Se asemana Yesiusi wai oyu kan se asina ko “Ni ko ni Keditusi se mee to se mina me ko me endo se gumba mee agumee mbo si aseae,” aseke.

Madakusi 9:9

Kena ndo waa ko ekii kiyoo kam batana ndii patu kaa kam endeke. Endakea dodo me kaa ko Yesiusi wai oyu kan se asina ko “Eki'm depea mina ku mee mbo si aseae,” aseke. “Endo se gumba si aseke koya anikee waa, Mee Yombai ni ko ni kita maa poo yoo ndomana dai kaa waa ko eki'm depea mina ku ogu bage mbo aseao sekii. Me kaa miyo ku ndo tau,” se aseke.

Dukasi 17:14

Kena Yesiusi wa ko wai ku bage ku deta mugo ndoe, wa'm ekii se asina ko “Ogiyoo imam bage waa ku mbo pewee,” aseke. “Eki eba da kandamasi nde ogiyoo pewee,” aseke. Se asemana ekii pegea. Peta mugo ndoe, maa kaa kiyoo ekii'm mbiseabuu ku opi ae se degea.

Dukasi 21:13

“Kena ku mugo ebo bage waa ekii'm egi kaa kiyoo pi-kambembo taasea kumana ni kaa dama mina ku ekii mbo yanige-maneao sekii kaasea,” aseke.

Dukasi 4:41

Se awatai se dodo me kaa ko mbaa epuyiba aoo se bage waa ku nde miya oba aoo. Ku mbaa ku kaa nde miya “Pee!” se ata mugo ndoe yau kaa yapeyaabuu nai. Yau kaa yapeyaabuu sita mugo ndoe ku mbaa kuwa ku mina ebo se asina ko “A ko a Anegisemee Yombai,” se asigea. Mina ebo se asigea koya Yesiusi wai mbaa waa ku “Koo tomus!” se aseke. Dee, mbaa waa ku ko ekii Yesiusi kaa epi. “Yesiusi me mike Keditusi, Anegisemee'm wa-nini wenimana daa mbeasimi se mee to ae,” se yanigimagea. Mbaa waa ekii'm epi kan se yanigimagea kumana Yesiusi wai mbaa waa eki'm eneao kan sipea mina ku koo yayaamoo simi ndo. Se awami.

Dukasi 5:14

Ku semana ndo waa ko Yesiusi wai oyu kan se asina ko “Endo ko a peke ko peke koya ni'm kaawapa mina ku mee mbo pi si aseae,” se aseke. “Ku mee mbo pi si asin ndo ogiyoo imam se mee to wa mbo ndo peae, a eba da kandamasi na,” aseke. “Imam se mee to wai a eba da kandamana ko Anegisemee'm emaa misi kaa dau kiyaasi na Musia wa'm eduga ‘Se awaae,’ se enimi mina ku si tamaae. Ku ndo dodo ndo awaae. Musia'm mina dama ditona dom'mba mesema se-kao we-kao mesema ku Anegisemee kaa daa yaambeana, bidea kaa yaaponoyaae,” aseke. “Ku bidea kaa yaaponoyaake se dodo me kaa ndoe ku degea yako ekii'm se kanigina ko ‘Ai, ai. Mee me me wa'm mbiseabuu ku mike dano keopi, ae,’ se kanigaambea. Ekii'm se kanigiisi na Musia'm mina ku dodo ndo pi-awaae,” se aseke.

Dukasi 8:56

Ku se ku dena ko me yuwa me wa'm naamee oko akaai ese “Abayai!” se nigimagea. Ese “Abayai,” se nigimagea koya Yesiusi wa ese oyu kan se asina ko “Tau, ni'm awapa mina me mee agumee mbo si aseae,” se aseke.

Dukasi 9:21

Se asemana Yesiusi wai ese oyu kan se asina ko “Ni ko ni Keditusi se mee to se mina me ko me endo se gumba mee agumee mbo si aseae,” aseke.

Yohanesi 5:41

“Ogu bage ekii'm nagai nde miya, nabeake nde miya, ku ni'm si dito se kao.

Yohanesi 7:18

“Ebanaa bage ku ko ekii'm ndo nigitakea mina waa ku mee mbo enei se. Ku mugo bage ekii'm eneao kan sipea mina ku ekii kaa to ekii ekaa da ebo kiyaasi na se mina eniwoo nakea. Ku koya ni'm eneao kan sipa me ni nameyaami Mee to wa ekaa da me ndo ebo yakiyaao kan mina enei naka. Kum seta kaa ni'm dimina da nda mbae da mina ku mbeenaa kaa miya emi tau. Ese mike mina ku ndo eniwoo naka,” se aseke.