Mandiusi 7:11 - Anegisemee'm Mina Kapuge

¹¹ “Dee, eki ko eki dim peu se bage waa koya eki'm yopaa waa ku tao dama tosi na se kao ku maneao epi. Dim peu se mee tuma kaa bage ku dama tosi na se kao maneao epi koya a'm Siduga maa kaa toi se Naamee to, ese dim bada se Naamee me me, wai dama tosi na se kao maneao eo yee? Maneao epi, ee? Tau na. Nakayoo maa kaa togea se bage ekii'm yopaa waa dama tosi na se kao maneao epi ku mbeedi. Anegisemee Naamee wa'm maneao epi ku ese asiyoo. Ku kaa kiyoo kam Anegisemee Naamee wa mbo yaedaapea se bage ku ko ku Anegisemee wa'm ese dama se kao waa aii se maniimbi se bage waa kui!” aseke. “Ku kumana a namba Anegisemee mbo asetoo-yaedaawoo taae, se kaseao kan sipa,” aseke. Yesiusi wa'm se tupimi.

Mandiusi 7:11 ပူးပေါင်းရင်းမြစ်များ

Mandiusi 23:9

“Kena ni mbaya bage waa eki'm naamee to ko me ese ona ndo, Siduga nda toi se Anegisemee Naamee mei! Kum seta kaa maa kaa toi se mee to ebo yambeana ‘Me enii'm naamee to,’ se aseke me si maaneke. Me nde miya si awaae,” aseke.

Mandiusi 7:10

‘Maminapedi oi nii,’ se kaedaake waa, iina oi maniyaa baa!” aseke.

Yohanesi 3:16

“Kase enta mugo ndoe, Anegisemee wa ko wai maa kaa togea bage ku ese yaembaake kumana ko wa'm ese ona ndo se Yombai me mee kaa eki tao kaneke. Me mee kaa eki tao kanei yako wa kaa ‘Mike ae,’ se yanigeke se bage en'ndo otuma ekii'm woo-woo se ku kaa si buwaasea sima. Ese mike si bona ndo Anegisemee mesema ndo omiwoo towoo semuu nakea kui.

Edoma 3:19

Anegisemee'm okaa mee tupisi na mina waa ku Yahudi bage ekii'm moo wado tupisi na mina waa, tau se. Ku koya ku mina ku dama yitona dama ndo awawoo nakea nde miya iyo. Ku Anegisemee'm emaa misi kaa dim ndumbo kiyaasi na mina se ku tau. Me enii'm woo-woo se kaa epi kiyaasi na se mina me ndo. Ku kaa kiyoo “Ni woo-woo se emi tau,” se aseao sekii se mee to ona kaa miya emi tau. Waya na kiyaa, maa en'ndo otuma mee en'ndo otuma ekii'm woo-woo se ku kaa kiyoo Anegisemee mesema mina ndigi, ku ndo nigaao sekii.

Edoma 3:9

Ku kindo Yahudi bage ku ko ku Anegisemee wa'm emaa misi kaa mbeenaa asiyoo ee? Yahudi tau se bage ku mbeenaa miyo ee? Tau na! Ku tau de. Enii otuma dodo ndo se katupipa. Yahudi bage nuwa, Yahudi tau se bage nuwa, enii otuma enii'm woo-woo se ku guna miyo toke kumana enii otuma dodo ndo kidai.

Edoma 8:32

Ku kaa ebo dimitake mina me ko me se de. Anegisemee wa'm sese ko wai aii se dama natoyaabuu taao kan wa'm bakabu se kao ona kaa miya emi tau. Kase enta mugo ndoe, Wayombai me nde miya Anegisemee wai bakabu tau kan enii kaa enii tao “Bos!” se asimi. Anegisemee wai bakabu tau kan Wayombai naaboyaake ae se dena ko waya wadobo dama tosi na se kao en'ndo otuma ku nde miya bakabu tau kaambi ae, se ku ndo nigaao sekii. “Ku otuma aii se newoo taambi kao waa ae,” se ku ndo nigeke.

Gadasiya 3:22

Ku koya iyo! Kase enta mugo ndoe, Anegisemee'm mina kapuge nda se nanige-manena ko mee en'ndo otuma enii enii'm woo-woo se guna miyo togea se bage waa. Enii'm woo-woo se ku enii'm dimina da waa mbitu nawemake kumana ku enii'm ndo mbeedi mbeaseao kana se kao. “Aii bada ae,” se nigimagea yako Anegisemee wa'm mina mamami mina ku kaa pi-pamiyaami mee to, Yesiusi Keditusi me me, wa kaa ndo “Mike ae,” yanigaao sekii. Wa kaa “Mike ae,” yanigeke bage ku Anegisemee wa'm omiwoo towoo yasiyaabuu taasi se bage waa koena. Wa'm aii dodo mina mamami mina mugo dodo.

Yakobusi 1:17

Waya na kiyaa ese ndumbo mina me ko me se de. Enii'm toke yoo ese dama se kao aoo kipii, ese si maaneke kaa miya emi tau se kao aoo kipii kindo ko “O, ku Siduga nda toi se Anegisemee wa'm aii se naadomoo sipi kao waa ae,” se ku ndo nigaao sekii. Wa'm sese wa-nini kiyaake sekii tau koena. “Dama tosi na se kao ku ndo naadomoo siwoo nai ae,” se ku ndo yanigaae. Me kaa mina ebeabea da me ko me se de. Anegisemee wai epiyoo kaa kiyoo ao da aoo kiyaasi na se-kao we-kao anegi semami. Ku kao ku kaa kiyoo kam maa kaa yaapun'ta yoo aoo. Ku yaapun'ta yoo kuwa dodo ndo se takea se ku tau. Ebanaa gado ebo kitakea. Ebanaa gado mbeedi kitakea. Ebanaa gado wa-nini kitakea. Ku koya Anegisemee wai yaapun'ta yoo mugo tau. Wa'm dama naawaao gai se dimina me omiyaa siyaa ku ndo dodo ndo se tai. Ku kaa kiyoo wa'm enii tao dama tosi na se kao ku ndo naadomoo siwoo nai ae, se ku ndo yanigaae.

1 Yohanesi 3:1

Abayai, ku kaa dama nigi si pe taae. Anegisemee Naamee wa'm naembaake ku ese asiyoo kam asiyoo naembaawoo nai, tau se! Kase enta mugo ndoe, wa'm ese naembaai yako “Ku ni'm yopaa waa,” se nambeasipi koena. Kena wa'm nambeasipi ku aii mina se ku tau. Ku ese mike mina. Wa'm okaa se yopaa waa ku enii, sima! Keditusi kaa “Mike ae,” se nigaan tau se bage ku ko ku Anegisemee kaa mike eo se bage waa. Ku kaa kiyoo kam ku mugo bage ku nadeke ko nadeke koya “O, ku Anegisemee wa'm yopaa se bage waa ae,” se ku nadeao kana. Aii si nige-neke ndo.