Mandiusi 6:2 - Anegisemee'm Mina Kapuge2 “Ebanaa bage ku bakata bage ekii tao oto kao maneke se dodo me kaa ko a'm ekii kaa se yanigina ko ‘O, ekii bakata bage yagane aoo ae,’ se yanigeke koya tau. Ekii'm dimina wa-nini. Ekii'm dimina me mee'm yapapa sisi na bakata bage tao oto kao maneao gai, me ndo. Ku kumana ku mugo bage ekii bakata bage tao maneao gai se dodo me kaa Yahudi bage'm andagatake ee waa me nda nuwa, kena mee waa aoo se enda da waa me kaa nuwa, me nda pemana tuwoo-tuwoo awe da minasiyaabuu nakea, ogu bage namba mi-desi na. Tuwoo-tuwoo awe da minasiyaai ndoe ogu bage'm emaa misi kaa bakata bage mbo ekii tao ‘Ee,’ se aseke. Mee waa ekii'm yapapa sisi na se awake. Ku kaa kiyoo ndumbo mina kasiinka ndeo. Ku mugo bage ku Anegisemee wa'm si yaediisi se bage waa. Kase enta mugo ndoe mee waa ekii'm kita ‘Awankea. Awankea,’ se asipea mina waa ku ekii'm aii dodo yaedimapea sese mugo dodo kumana waya wadobo si yaediisi,” aseke. “Ku kumana ku mugo bage ekii mee'm yapapa sisi na sese ku si awaae,” aseke. အခန်းကိုကြည့်ပါ။ |
Mandiusi 6:2
56 ပူးပေါင်းရင်းမြစ်များ
“Ku koya au mbimbi se dodo me kaa epiyoo ndamata mugo ndoe emo da nde miya tuku dambuneke nde miya ku se ku deke kipii kindo ko ‘O, endo gapi edii ebo weembi ae,’ se deyaa,” aseke. “Kiyoo kam ni'm kaseao kan sipa mina me ko me se de. Eki'm sese ko eki epiyoo me kaa ndamata mugo ndoe, ‘Se aoo kaambi ae, se aoo kaambi ae,’ se ku nigaao sekii koya Anegisemee wa'm endo se gumba eki'm emaa misi kaa awawoo nai ku eki deke ko deke koya si nige-neke ndo se takea. ‘O, wa'm se awaambi ae. Se awaambi ae,’ se ku eki si masimake ndo, se kadetaka,” aseke.
“Kena Padisi mbaya bage nuwa, Musia'm kapuge epi se bage nuwa, ekii'm si maaneke sese awake waya ona me ko me se de. Ekii'm awake-awake ku otuma mee'm emaa misi kaa ‘Awankea, awankea,’ se nigi sisi na sese waa ku ndo awawoo nakea. Ku nigi sisi na ekii'm sese ona me ko ekii Anegisemee'm mina waa ku kapuge mbembadi kaa wudumei-pai semana keo mbee nda domoo se. Keo mbee nda domaana ko yaa da kaa mugo, etu kaa mugo ku kaa epei-pai semake. Me mugo awake me Yahudi bage'm sese koya ekii'm si maaneke me ko ekii'm epei sipea se keo ku mbeedi se keo se ku tau. Ku mbeenaa wandii se keo waa ku mugo epei sipea. Ogu bage'm emaa misi kaa ‘Awanki ae,’ se yanigisi na ekii'm se awake,” aseke. “Waya wada nda ekii'm eduu se duka me endii yato otou kaa kiyoo Yahudi bage'm sese dito se kumana ku kaa one waa epetake. Ku koya ekii'm epetake se one waa ku mbeenaa eduu se one waa epetake. ‘Abayai, ekii'm Anegisemee'm mina ese dama dito se ae,’ se yanigisi na, se awake. Me ona,” aseke.
“Kena ekii'm si maaneke sese ona me ko ekii badii noke se dodo me kaa ko mee'm emaa misi kaa ‘Ese ebo ae,’ se nigisi na ebo bage'm animake yoo kiyoo ndo pi-animana tomu taao gai, me ona. Kena ona me ko Yahudi bage'm andagatake ee waa ku nda ndemina tomu se se dodo ndoe ekii ebo bage'm animake yoo kiyoo ndo pi-animana tomu taao gai, me ona.
“Me mugo gumba ukimana ko wa'm peu-pau awawoo sipi ku deta mugo ndoe me ebo mee to me me wai ese yai em yadasi na aya yadotaake. Wa'm maa buboo ku dambi-pambi sisi na me mugo bodi se aya se yadotaake. Ku kisiu em yadana ko ogiyoo dim dake aoo se bage waa yambembo simi yoo, ekii mbo pi-yambeaseke. Ku bage ku ko ekii'm ebe kaa aseke ndumbo koya ekii'm awake ku ese kupoo se bage waa. Kena ku mugo bage ku mbo pi-yambeana dai kaa waa ko ese yai se bodi ababa semai yako yee semuu taambi,” aseke. “Ku kumana Mee Yombai, ni ko ni'm waya wadobo ukaata yoo nadito sisea na dimina wodoneae, se kaseao kan sipa,” aseke. Yesiusi wa'm se asimi.
“Ese ndumbo mina kasiinka ndeo. Anikee waa maa nuwa, epo nuwa, ku taa kiyaan tau yoo me kaa miyo Anegisemee'm okaa mee tupisi na mina ku taa kiyaake sekii tau. Ese mina mbee to me nde miya, ese mbeedi kam mbeedi wudumami se ebeabea da mugo me nde miya, ku ona kaa miya taa kiyaake sekii tau, Me nda mina waa ku otuma pi-pamiyaabuu taan tau kindo taa kiyaake sekii tau,” aseke.
Kena Yesiusi wa'm waya se tupina ko “Ebanaa bage ekii noke kao si noke se gapi toke se dodo me kaa ko Anegisemee yapapa taao kan toke se ku tau. Ogu bage ku ‘Awanke ndeo! Awanke ndeo!’ se asisi na toke. Ku kaa kiyoo kam noke kao naan tau ae se nigisi na ekii'm emaa-paa se-yimu we-yimu semana tomu se. Kum seta kaa ndumbo mina kasiinka ndeo. Ku mugo bage ku Anegisemee wa'm si yaediimbi se bage waa. Mee'm ‘Awankea, awankea,’ se asipea mina waa ku ekii'm yaedimapea kao mugo dodo kumana waya wadobo si yaediisi,” aseke. “Ku kumana noke kao si noke se gapi toke se dodo me kaa ko ku mugo bage ekii'm sese ku si awaae. ‘Namo naan tau, ae,’ se nigisi na se emaa-paa me mbeas,” aseke.
Kena Yesiusi waya se tupina ko “Ebanaa bage ekii Anegisemee mbo asetaake se dodo me kaa ko ekii'm sese dena ko a'm ekii kaa se yanigina ko ‘O, ekii'm dimina ku Anegisemee mbo ae,’ se yanigeke koya tau. Ekii'm dimina wa-nini. Ekii'm dimina me mee'm yapapa sisi na mee'm emaa misi kaa kiyoo ndo asetoo taao gai se dimina da. Ku taao kan ekii mee oba aoo se yoo, Yahudi bage'm andagatake ee waa ku nda nuwa, mee kooda waa ade semuu nakea se enda gudoo me kaa nuwa, ku kaa kiyoo mee'm egi kaa pi-inemana asetoo taao gai. Ku kaa kiyoo ndumbo mina kasiinka ndeo. Ku mugo bage ku Anegisemee wa'm si yaediimbi se bage waa. Mee'm ‘Awanki, awanki,’ se asipea mina waa ku ekii'm yaedimapea kao mugo dodo kumana waya wadobo si yaediisi,” aseke. “Ku kumana Anegisemee mbo asetaake se dodo me kaa ko ku mugo bage ekii'm sese ku si awaae,” aseke.
Se asemana ko Yesiusi wa'm ekii se asina ko “Eki ko eki ese mee deba se se bage waa. Eki'm uwa da kaa aseke wa-nini. Eki'm dim'mba nda nigeke wa-nini. Dodo tau se kadeo. Eduga edugana ko Yesiaya wai Anegisemee mina yaa-enei se dodo me kaa ko wai eki kaa ese ndumbo mina kaenimi. Kaenei ndoe wa'm kapuge nda eki kaa mina se wudumeina ko: ‘Ku bage ku ko ebe'm ndo ni ekaa da ebo nakiyaake koya ekii dimina da ese ni mbo tau.
“Kena, Padisi mbaya bage eki'm si maaneke awake ona me ko eki kaa to dodo se aoo. Dee, eki Yahudi bage'm andagatake ee waa ku nda ndemeke se dodo me ko eki'm nigina ko ‘Ebo bage'm animake yoo me kaa ndo animaao gai ae,’ se nigitakea, me ona. Kena mee oba aoo se yoo penaa sita mugo ndoe mee'm ebo kambeana ‘Maa woe aba! Paamee!’ se mina kapapa nakea se dodo me kaa eki'm yeao gai se mina, me ona. Ku kaa kiyoo widaa ndeo! Eki'm moo kaa dimi bodi aya kadotaa taanki ndeo!” aseke.
“Ku kumana si widaana ndo eki'm oto kao kaedisi na ku dopeana mee mbo uwani kaa amane taao bada. Kena ku uwani ku masewena dama tosi na se kao emi tau se bage waa ekii mbo pi-yawadiwoo taao bada. Me mugo awake kipii kindo ko ku kaa kiyoo Siduga kaa eki kaa to bai-bai se ku ko ku ese edeao kana se-kao we-kao bai-bai semuu nakea mugo dodo,” aseke. “Ku mugo se-kao we-kao ku Siduga kaa bai-bai se kumana mike dano kiyaao kana se kao waa. Ku nuuku kiyaao kana se deabuku waa ku nda bai-bai se mugo dodo. Oma maseao kan se bage waa ku nde miya pasi kaa gaga taao kana se mbembo se yoo. Dinuge nde miya pi-ndemina naao kana se yoo. Aii sinowi ndo se tuta siwoo taasea, Siduga kaa bai-bai semuu nakea kindo,” aseke.
“Ku kaa kiyoo ni'm kaseao kan sipa mina me ko me se de. Eki'm sese ko eki maa nuwa, epo nuwa, ku kaa ndamata mugo ndoe ‘Se gumba aoo kaambi ae. Se gumba aoo kaambi ae,’ se ku nigaao sekii. Ku koya Anegisemee wa'm endo se gumba eki'm emaa misi kaa awawoo nai ku eki deke ko deke koya si nige niwoo nakea ndo se kadetaka. ‘O, wa'm se awaambi ae. Se awaambi ae,’ se ku eki si masimake ndo,” aseke. “Yai, ku kase koena?” aseke. “ ‘Enii'm dimina mike Anegisemee mbo,’ se nasigea koya mbeduwa. Ebe'm ndo se nasigea ae, se kadeo,” se aseke.
Wa'm mina yeke se dodo me kaa ko Tuhani Yesiusi wa'm se asina ko “Yai, eki'm sese dim'mba tau,” aseke. “Eki'm aseke wa-nini. Eki'm awake wa-nini. Ku kaa kiyoo dim'mba tau se bage waa se kadeo,” aseke. “Kase enta mugo ndoe, eki'm sese ko eki Hadi Seab'tu gapi daa se gapi toke se dodo nde miya eki otuma eki'm man'ta se kao ku uwo nosi na ombe epetape yoo pemana ogitake. Ogitana ko ombe woedona uwo aoo se yoo pi-omenaa nakea. Eki'm siapi egina mugo kao me nuwa, kededai kamino mugo kao me nuwa, me mugo aoo kipii kindo ko eki'm se awatakea,” aseke. “Ku mugo awatakea kumana eki'm daa ku eki nde miya daa tamana masii maseke mugo dodo se kadetaka,” aseke.
“Musia'm kapuge epi se bage waa ekii'm sese ku si maaneke aoo. Ku kindo ko ekii'm sese ku eki namba si awasea na dama dito taae!” aseke. “Kase enta mugo ndoe, ekii'm si maaneke sese ona me ko ekii mee'm emaa misi kaa ‘O me ese ebo se mee to ae,’ se desi na eduu se maawiya ku matana mee'm emaa misi kaa penaa taao gai, me ona. Ona me ko paseada nda penaa se se dodo me kaa ekii ekaa da ebo yakiyaasi na mina da me ese yeao gai kan penaa se. ‘O, ebo se mee to aba, aba. Paamee,’ se mina ku yeao gai kan paseada nda penaa nakea, me ona. Kena waya ekii'm sese ona me ko Yahudi bage'm andagatake ee waa ku nda ndemina tomu se se dodo ndoe, ebo bage'm animake yoo kiyoo ndo animaao gai, me ona. Kena badii noke se dodo nde miya kui. Ekii mee'm emaa misi kaa ebo kisi na ebo bage'm animake yoo kiyoo ndo animaao gai, me ona.
“Waya wada nda, eki'm em'mbee se si maaneke me si den ndo mee agumee'm mbeedi se si maaneke ku kaa ‘Ku tau de!’ se tupeke. Yai, eki'm mee mbo tupeke wa-nini koya eki'm ndo awake wa-nini awake, me maaneke baa. Me eki emaa misi nda ee piya ndigi me si degea yako mee agumee mbo se asina ko ‘A emaa misi me nda piya yeye mbee to aoo. Me kaamase-mbeaseke bada yee?’ se pi-aseke mugo dodo. Ku koya ese maaneke sese me ko me se de. Mee agumee'm piya yeye mbee to me yaamase-mbeasise na a emaa misi nda ndigi se ee piya me kita ondu me mbeaseao bada. Kase enta mugo ndoe, a'm si maaneke ku kita dano kiyaake kipii kindo ko mee agumee'm si maaneke ku nde miya dama yatupaao sekii kaambe,” aseke. “Ndigi kipii, iyo!” aseke.
“Ebanaa bage ku ko ekii'm ndo nigitakea mina waa ku mee mbo enei se. Ku mugo bage ekii'm eneao kan sipea mina ku ekii kaa to ekii ekaa da ebo kiyaasi na se mina eniwoo nakea. Ku koya ni'm eneao kan sipa me ni nameyaami Mee to wa ekaa da me ndo ebo yakiyaao kan mina enei naka. Kum seta kaa ni'm dimina da nda mbae da mina ku mbeenaa kaa miya emi tau. Ese mike mina ku ndo eniwoo naka,” se aseke.
Konediusi nuwa, wa'm sepaao waa nuwa, ekii otuma Anegisemee kaa se nigina ko “Yai, a ese asiyoo. Ese ebo se Anegisemee ae,” se nigeke kumana omiyaa siyaa ku ndo Anegisemee yaapapa se se bage waa. Konediusi wa ko wai ese kabu tau se mee to. Bakata bage mesema tapoo omeke mugo bage aoo kipii kindo ko wa'm se-kao we-kao ku aii se “Ee. Ee. Ee,” se awawoo nai se mee to. Ese kabu tau. Kena omiyaa siyaa ku ndo Anegisemee mbo asetoo siwoo nai. Konediusi wai me bage mee to.
Konediusi wa ko wai ese widaana epo wado mee to dito sita mugo ndoe se asina ko “Mbao no, Tuhani?” aseke. Epo wado mee to me'm se asina ko “A'm Anegisemee mbo asetoo sipe se mina waa ku nuwa, a'm bakata bage mbo ekii tao aii se man'ta se ku nuwa, ku Anegisemee'm kaadei yako ‘O, ku ni tao naa-awawoo nai se kao waa ae,’ se kanigipi. Ku kaa kiyoo wai a kaa ese kabani-bani se aoo,” aseke.
Agabusi'm enipi mina ku yemagea se dodo ndoe, An'diokiya okaa yoo togea se Yesiusi mbaya bage kuwa ekii'm se asina ko “Yudea maa kaa togea se Yesiusi mbaya bage ekii namo tapoo omeke ku etaa kisi na enii'm kao ku ekii mbo yadoyaake bada,” se aseke. Se asemana ko ekii'm maneao sekii se-kao we-kao ku ndo wenimagea. Oba aoo se bage ku oba wenimake. Mbeenaa ndo aoo se bage ku mbeenaa ndo wenimake.
“Eduga ko Yedusedem okaa yoo batana pema se dodo waa ko ni Yedusedem okaa yoo waya mani tau si ukeke. Daamee endii pakei oba omemana ndo waa ko waya ukimake. Aii se ukeke se ku tau. Ni'm Yedusedem okaa yoo me kaa awaao kan sima kao ona me ko me ni'm bage mbo bakata bage ku tao uwani yaawadeao kan ukima, me ona. Ona me ko Anegisemee tao daa yambeaseke kao ku bidea kaa yaaponoyaao kan ukima, me ona,” se aseke. “Ku ndo awaao kan ukima,” aseke.
Kena mbeenaa ogiyoo Yope okaa yoo kiyoo Yesiusi kaa mina yitona yaa mu-mu nai se ambii to ona aoo. Wa ekaa da ko Tabita. Me Yunani ebe kaa kipii Dodokasi se aseke. Kena me Tabita me me omiyaa siyaa ku ndo ese dama se kao awawoo nai se ambii to. Bakata bage mbo nde miya kabu tau. Dama ndo maniwoo nai se ambii to.
Kena mee'm dimina nda yakoeta taao epi se yaa mani da kanepi kipii kindo ko mee'm dimina nda yakoewoo taae. Kena mee tao se-kao we-kao manita taao epi se yaa mani da se kanepi kipii kindo ko ese kabu tau kan aii se maniwoo taae. Kena mee kaa wado ebo dito se se mee to se kambeasipi kipii kindo ko ese yambayaa tau kan dama ndo yadito taae. Kena mee kaa yagane kan ekii tao dama yaawata taao gai se dimina se kanepi kipii kindo ko ese dimina etaa kan yaawawoo taae. Dee, enii'm awaao epi se yaa mani da ku otuma dodo tau koya Keditusi mbaya bage maanisi na dimina ndidinina yaa mu-mu taae, se kaseao kan sipa.
Kena ona me ko mee kaa si yaembaana dai kaa me kaa kiyoo ni'm se-kao we-kao ku otuma mee agumee tao maneke waa, ku nde miya aii bada kiyaa. Kena ni'm maa buboo ku Anegisemee tao bidea kaa naponoyaasi na “Ee. Bidea kaa kaaponoyaanka ndeo,” se aseke nde miya mee kaa si yaembaana dai kaa kiyoo se aseke waa, me nde miya aii bada kiyaa. Kase awana aii bada kaambi ee? Tau na. Ni'm awake-awake ku mee si yaembaake kan awapa kindo Anegisemee wai mbeenaa kaa miya ogayo si napaasi sima. Dama se kao mbeenaa kaa miya si niimbi sima.
Waya wada nda ekii'm “Se awaae waa bada ae,” se mina me ese ona ndo aoo. Ese ona ndo se mina me se nasina ko “Paudusi mesema Banabasi woe. Yedusedem okaa yoo nakayoo togea se Yesiusi mbaya bage ebanaa ku bakata kan tapoo omita nakea kumana ku bage kuwa ku si andibuu taae. Ekii nde miya dama dito siwoo taao ndo bada,” se nasimea. Se nasemana ni'm asina ko “Tau na! Eki'm nasipea mina me ni'm dimina ona ndo kan awaao gai se mina mei!” se asima. Enii Yedusedem okaa yoo me kaa pakemana ku mugo mina waa data semama kui.
Kena eki nuwa, ogu bage waa ku nuwa, ku se ku enii kaa “Yai, awankea! Awankea!” se nasisea na mina ku enii ese mbeenaa kaa miya kasiin tau. Ku mugo nasisea na ku enii mike nigaao be. Ku se ku enii si diton ndo ndumbo mina ku ndo kaaeniwoo sima. Ku dim dake mina tau. Anegisemee wa'm naademi kui, sima. Dee, enii ko enii Keditusi kaa napeyaami bage waa. Enii ko Edaseo se bage kumana ku kaa kiyoo “Enii ekaa da waa ebo nambeaseae! Enii'm guna miyo dama tuwaae!” se mina se ku kaseao sekii. Ku mugo mina kaseao sekii koya ku mugo mina ona kaa miya kasiin tau.
Kena sinowi se bage waa waya tupise na mina ku se de. Ekii'm kipe ku kaa kiyoo ndo sinowi me mbeedi. Me mbeedi koya mee agumee kaa dama yaawawoo se ku kaa kiyoo sinowi kipii kindo ko me ese wa-nini. Ku kindo ko mee agumee kaa ekii tao dama tosi na se kao yaawawoo se bada. Kena sinowi se bage ekii'm oto kao ku kaa dimi se dimina me wisin'take bada. Dimi se dimina me wisin'tana kabu tau kan mee mbo yawadiwoo taao gai se dimina me ndo yaa mu-mu se bada. Ku mugo mina ku sinowi se bage mbo pi-yatupiwoo taae.
Nikinaamee woe. Ku kasipa kuwa ku aii se kasipa se ku tau. Dee, ni'm kadena ko a ko ai Anegisemee mbaya bage ku ese yaembaawoo nae aoo ae se kadetaka. Waya ku kaa kiyoo a'm Yesiusi mbaya bage ekii'm dimina ku dimina yaetaa yakiyaabuu siwoo nae, se kadetaka. A'm sese ku se kadewoo sipa kumana ku kaa kiyoo ni'm dimina nde miya natakuniyaabuu sipe, sima. A'm sese deo yako ni'm dimina ese bani-bani se aoo. Se.
Ku kaa kiyoo kam Anegisemee wa'm kamatana ko me Yesiusi mbaya bage mbo mina eneao epi se yaa mani da kamatami kipii kindo ko Anegisemee'm mina ku mee mbo tupita sita mugo ndoe Anegisemee'm kakumamoo sipi mina ku ndo eniwoo taae. Kena a'm awaao epi se kao me ogu bage tao maanisi na se ndanda yaawaao epi se yaa mani da aoo kipii kindo ko Anegisemee'm kakumawoo nai se yaa mani da me kaa kiyoo ndo kusipimana dama ndo yaawawoo taae. Wa'm kanepi se yaa mani da me kaa ndo kusipimana yaawawoo nae kipii kindo ko ogu bage ku kadegea yako “O, mee me me, wai Yesiusi Keditusi mesema dipinimapi kumana wa'm awake-awake ku en'ndo otuma maaneke ndo ae,” se kanigaambea. Se kanigimagea yako me kaa kiyoo kam ogu bage ekii Anegisemee ekaa da me ebo yambeana “Paamee! Mataae,” se asiimbea. Yai, Anegisemee wa'm yaa mani da me ko me kiyoo ndigi kema ndigi tau se yaa mani da. Wa'm ese ebo abayai se toke yoo me nde miya ese asiyoo. Kum seta kaa enii ese si dan ndo “Paamee! Mataae!” se mina ku ndo asiwoo semuu taao ndo sekii. Ese ndumbo kaseo, kui!
ကြော်ငြာတွေ