Kena a'm asetaake mina ku maanisi na a'm mee agumee kaa yawisineke dimina ndigi kipii kindo ko ku kita wisin'taae. Ku kita wisin'tana waa ko Anegisemee mbo asetaae. Kase enta mugo ndoe, a'm mee kaa yawisineke se dimina me wisin'take kipii kindo Siduga maa kaa toi se Anegisemee Naamee wa namba a'm peu-pau sipe ku kaa mina wisin'tana wa mesema bide da emi tau se kaakiyaake. [[
Mandiusi 5:7 - Anegisemee'm Mina Kapuge7 “Kena, ogu bage kaa aii se gane kan dama yaawawoo nakea se bage waa, ekii Anegisemee wa'm aii se gane kan dama yatoyaabuu taasi se bage waa kui. Ku kaa kiyoo ekii'm moo wado ese dama tosi na se aya aoo ae, se deo,” aseke. အခန်းကိုကြည့်ပါ။ |
Mandiusi 5:7
37 ပူးပေါင်းရင်းမြစ်များ
“Anegisemee'm mina tamoo se bage waa ekii'm sese ku si awana Ese Ata Emi Tau se Anegisemee wa'm sese ku ndo ekokeduwaae! Wa'm sese ekokedoke se dodo me kaa ndoe, ‘O me mike Anegisemee wa'm yopaa ae,’ se kaseao sekii kaambi. Kase enta mugo ndoe, a'm Naamee wa'm sese ku se de. Wai mee tuma kaa bage aii se yagane kan dama yatoyaabuu nai se Naamee to. ‘Paamee,’ se dimina nigaan tau se bage waa ku kaa nde miya, peu-pau yaa mu-mu nakea se bage waa ku kaa nde miya dama yatoyaabuu nai. “Ku kumana a'm Naamee wa'm sese ekokedosea na mee tuma kaa bage kaa yagane kan dama yatoyaabuu taae. A'm yape bage ku kaa nde miya yaembaawoo taae. Ku kaa dama ndo yaawawoo taae. Kena a'm kao ku mee tao maneke se dodo me kaa ‘Odi waa niimbi ee?’ se dimina me si nigaae. Aii se maniwoo taae,” se aseke. “Anegisemee Naamee wa'm sese ekokedosea na ku se ku awawoo taae,” aseke. “Waya ku se ku awatakea kipii kindo ko Anegisemee wa'm kaediisi kao ku ese asiyoo, ese wa-nini kaasi,” se aseke.
Ni'm kaseao kan sipa mina ku waya kasiinka ndeo. Eduga ko Yahudi tau se bage eki ko eki Anegisemee'm mina tamoo simea se bage waa se tomea. Kisena ndo waa ko Yahudi bage ekii nde miya Anegisemee'm mina tamoo simea. Ekii'm tamoo simea ku kaa kiyoo kam Anegisemee wai eki Yahudi tau se bage eki mbaya emba kamatana aii se gane kan dama katoyaabuu simi.
Endo ko mee'm masiin tau se pane ku kaa nuwa, eginao se bage ku kaa nuwa, ekii kaa mina kasiinka ndeo. Ni'm kasiinka se mina ku Tuhani Yesiusi wa'm tupimi se mina se ku tau. Ku ni nigita kaa mina koya aii mina se ku tau. Dee, Tuhani wai aii se nagane kan dama natoyaai yako me kaa kiyoo dim pame aoo se mina ku eneao sekii se nakiyaapi. Kum seta kaa ni'm kasiinka mina ku eki'm “Mike ae,” nigaao sekii se mina waa.
Ku peu-pau ku wisin'tana ko Anegisemee wa'm sipi mugo dodo ndo awaae. Dee, Anegisemee wai Keditusi'm naa-awami ku kaa kiyoo a'm woo-woo se ku otuma kaawise-mbeaseke. Ku kindo ko wa'm kaawami ku a namba dodo ndo awaae. Mee'm peu kaawapi ku kaa aii wisin'take ndo bada. Eé, mee agumee kaa gane se dimi ku ndo yanigaae. Ese dama tosi na kao ku ndo yaawaae. Ku se kuwa ese Anegisemee'm kaawatai sese kumana eki namba ku mugo dimina masewena dodo ndo a-awa naa-awa taae. Se.
Kodose bage waa woe. Eki ko eki aii bage se ku tau. Eki Anegisemee wa'm wa kaa wa tao daa kambeana wa-nini kawenimapi se bage waa. Wa'm ese dimi kan kaembaake se bage waa, eki. Ku kumana dama se dimina da waa ku matake bada, ese dama se duka matake mugo dodo. Ku taao kan mee kaa gane se dimina da nuwa, mee kaa dama yaawake nuwa, a kaa to si dodo se se dimina me nuwa, ese tunaa kan mee agumee'm nigeke ku nde miya dito taao gai se dimina da me nuwa, dimina mani si maseke se dimina me nuwa, ku mugo dimina da waa ku matake bada.
Kase enta mugo ndoe, eduga ko ni Anegisemee kaa yaekayaa sima se mee to. Kena wa'm bage ku kaa nde miya bodi ababa siyaabuu sima. Ese dim'mba tau si maaniyaake kao ku yaawawoo sima. Ku se ku awawoo sima koya ku kaa em nadaan tau. Dee, wa'm nadena ko ni Yesiusi kaa “Mike ae,” se nigaan tau kumana si nige-neke kan peu-pau ku ndo awawoo sima se naademi. Ku kaa kiyoo wa'm nagane kan em nadaan tau. Em nadaao daan simi koya
Kena ni'm woo-woo se ku ese asiyoo wa-nini koya tau. Yesiusi Keditusi wai nagane kan em nadaan tau. Wa'm sese mee kaa gane kuwa ku ese asiyoo ae se deyaao kan em nadaan tau. Dee, wa'm naawami ku degea ndoe ogu bage ekii'm nigina ko “Abayai! Me dewee! Yesiusi wai mee'm woo-woo se kaa mani tau em si yadake ae. Ese ata emi tau woo-woo sipi mee to, Paudusi me me, me nde miya ‘Mike ae,’ nigimai ndoe, Yesiusi wai wa'm woo-woo se wise-mbeaseke ndo ae,” se nigeke. “Yesiusi wai Paudusi kaa se awami kumana ni kaa namba naawaambi kui ae,” se nigeke. Ogu bage waa se nigimana waya ku kaa kiyoo kam ekii nde miya omiwoo towoo toyaasi na Yesiusi kaa “Mike ae,” se yanigaambea. Se.
Me bage imam mee to wai enii mbaya naanewei yako ese ebo toke se Anegisemee wai enii tao aii se dama natoyaabuu taao gai. Kum seta kaa enii “Mbao awai ndo naa bada kaambi ee,” se nigi si pe sita mugo ndoe, dimina mbugu tau kan Anegisemee mbo yaedaatoo se bada. Aii se nagane kan dama natoyaabuu taambi koena.
Kase enta mugo ndoe, eki Anegisemee wa kaa wa tao ndanda yaawawoo nakea se bage waa se kadetaka. Eki wa kaa ese yaembaawoo nakea se bage waa, se kadetaka. Mbao kadena ee, se enta mugo ndoe, tau na. Omiyaa siyaa ku ndo eki Anegisemee wa'm bage tao dama tosi na se kao yaawawoo nakea. Ese eduga kam ata kisee endo nde miya kui. Kena eki'm awawoo sipea ku kaa Anegisemee'm kaandibuu se sekii tau. Wa ese ndumbo ndo awawoo nai se Anegisemee to kumana eki'm wa tao yaa-awapea ku kaa kiyoo ese ndumbo ndo ogayo kapaa taasi sima.
Waya ku kaa uketake mina me ko me se de. Mee'm awake-awake kapikamoo taasi se gumba me kaa kiyoo ko mee agumee kaa gane tau kan oyu kan yaawamea se bage waa ku mugo bage ku Anegisemee wa nde miya gane tau kan em yadaasi se bage waa kui. Yibanda kiyaa, mee agumee kaa gane kan tunaa kan yaawamea bage waa ku ko ku tau. Ku ese bani-bani siwoo taasea se bage waa. Ku mugo bage ku Anegisemee'm em si yadaasi se bage waa koena. Ku wa'm aii se gane kan dama yatoyaabuu taao kan wa'm em yadake yoo yadano kiyaasi koena.
Yibanda kiyaa, Anegisemee mbo kam dim pame yakumamoo nai se mee to wa'm sese ku se de. Wa'm ese ebo se kao me ko, me Anegisemee'm gai-gai ku ndo awaao gai. Si maaneke se kao ona kaa miya awaao be, me ona. Waya wada nda ona me ko ogu bage mesema widigi tau tuwaao gai, me ona. Ona me ko ogu bage kaa tunaa ndo yaawawoo nai, me ona. Ona me ko ogu bage'm nigeke-nigeke nuwa, awaao kan sipi mina waa ku nuwa, ku se ku yito taao gai, me ona. Ona me ko wai ogu bage kaa ese, ese yagane aoo kumana dama yatoyaabuu taao gai, me ona. Ona me ko wa'm dama awake me oba kam oba dama ndo awawoo semuu nai, me ona. Ona me ko wai mee kaa dene-wene se dimina da mbeenaa kaa miya nigaao be, me ona. Ona me ko ogu bage kaa si yadebana ndo wa'm koo nigeke nuwa, uwa da kaa awake nuwa, ku akaa ndepi dipinimana ese dodo ndo se awawoo nai se mee to, me ona. Ku mugo sese ku ko ku Anegisemee mbo kam dim pame yakumamai yako awawoo nai sese kui.
ကြော်ငြာတွေ