Mandiusi 5:2 - Anegisemee'm Mina Kapuge

² Kena ndo waa ko Yesiusi wai mina yatupiwoo nai. Yesiusi wa'm se tupina ko

Mandiusi 5:2 ပူးပေါင်းရင်းမြစ်များ

Mandiusi 13:35

Wa'm sese ko wai mina ebeabea da waa eniwoo nai kumana wa kaa yaamanimami se mina ona me pi-pamiyaai. Kase enta mugo ndoe, nabi se mee to ona wa'm wudumami mina ona me ko me se de. “Ese edugana ko Anegisemee wai maa en'ndo otuma anegi semami se dodo me kaa ko wa'm mina ebanaa ku ko ku wa'm koo gamami se mina waa. Wa'm koo gamami se mina ku ni'm uwa pana enei taao kan mina ebeabea da waa mbembona eniwoo taata,” se wudumami. Dee, nabi bage wa'm aii dodo wudumami se mina kuwa, ku Yesiusi wa'm pi-pamiyaami se mina waa. Wa'm eneao kan sipi ku otuma mina ebeabea da kaa mbembona eniwoo simi koena.

Mandiusi 5:1

Mee kooda waa andagatagea ae se dei yako Yesiusi wai ndii kado da kaa pakaanina animana tomu se. Tomu se se dodo me kaa wa'm tupinaa se bage waa ekii namba Yesiusi mbo mi-tomu nakea.

Edaseo Bage 10:34

Ken Petadusi wa'm se asina ko, “Oo, endo ko nige-neo ndeo,” aseke. “Anegisemee wai mee tuma da waa dene-wene taao be. Ku otuma dodo ndo se detai ae, se nigeo.

Edaseo Bage 18:14

Se asemana ko Paudusi wai mina asiinki ae se dodo ndoe, Gadio wa kita wa'm Yahudi bage ku se asina ko “Yai, eki Yahudi bage'm nadeake se mina ku mbeenaa yeao be. Mike peu-pau se kao awapi waa, ese ebo se kao tamapi waa, eki'm mina yito se ‘Bada o,’ se kasiyaa,” aseke.

Edaseo Bage 8:35

Se asemana ko Pidipusi wai Yesiusi kaa ese dama yeao gai se mina ku yatupeke. Ese nabi wa'm mina ndamata sipi ku kita tupiwoo, tupiwoo, tupiwoona Yesiusi wa'm awami-awami mina ku kaa pake-mbeaseke. Se yatupiwoo simi.

Epesiusi 6:19

Kena ni kaa ni tao nde miya naasetoo taae. Dee, eduga ko Anegisemee'm mee tuma tao dama tosi na mina kuwa ku mee'm si nige-neke se mina waa. Endo nde miya ekii eo kumana ku mina ku mee mbo eniwoo taao kan Anegisemee mbo naasetoo taae. Ni ko widaa tau kan oyu ndo eniwoo taao kan naasetoo taae. Waya na kiyaa, eki'm nasetaake mina ona me ko “Anegisemee woe. Paudusi wai mina eniinki se dodo ndoe, wa'm eneao kan sipi mina ku dama yanige-maneae,” se mina naasetoo taae.