Mandiusi 5:1 - Anegisemee'm Mina Kapuge

¹ Mee kooda waa andagatagea ae se dei yako Yesiusi wai ndii kado da kaa pakaanina animana tomu se. Tomu se se dodo me kaa wa'm tupinaa se bage waa ekii namba Yesiusi mbo mi-tomu nakea.

Mandiusi 5:1 ပူးပေါင်းရင်းမြစ်များ

Mandiusi 13:2

Kiyoo tomu sita mugo ndoe wa yau-yau mi-andagatapea ku ko ku ese mee kooda waa kumana Yesiusi wai uu daii nda kuma da kaa pakaaniina animana tomu se. Kiyoo tomu sita mugo ndoe mee kooda ekii ii da kaa inewena kiyoo kam Yesiusi'm mina yito nakea.

Mandiusi 15:29

Ku semana ndo waa ko Yesiusi wai kiyoo kam batana Gadidea uwo ndoo da mee kaa waya pemake. Mee kaa pemana uwo ndoo da yau kaa penaina ndii ena me kaa pakeke. Ndii ena me kaa pakemana ko animana tomu se.

Mandiusi 4:25

Ku semagea ndoe ese em'mbee mee kooda waa ku Yesiusi ogudi penaa nakea. Ku mee kooda ku ko ku Gadidea maa kaa togea se bage waa ku nuwa, kota okaa yoo haas aoo se maa me kaa togea se bage waa ku nuwa, Yedusedem okaa yoo togea se bage waa ku nuwa, Yudea maa kaa togea se bage waa ku nuwa, Yodani uwo kaada ata yau kaa togea se bage waa ku nuwa, ku se ku Yesiusi mbo memana wa ogudi penaa nakea. Se awamea.

Mandiusi 5:2

Kena ndo waa ko Yesiusi wai mina yatupiwoo nai. Yesiusi wa'm se tupina ko

Madakusi 3:13

Ken ndo waa ko Yesiusi wai ndii da kaa pakeke. Ndii da kaa pakemana waa ko mina woeweke. Wa'm nigipi bage ku ndo mina woeweke. “Woe, ekii ni mbo mewee!” se aseke. “Ni mbo pasi kaa mewee!” aseke. Wa'm se asemana ekii wa mbo memagea.

Madakusi 3:20

Kena ndo waa ko Yesiusi wai pedona ee ona me nda pi-ndemeke. Me nda pi-ndemina ko mee kooda waa ekii namba memana kiyoo andagatagea. Ese em'mbee mee kooda waa kiyoo andagatagea kumana ko Yesiusi wai wa'm tupinaa se bage mesema noke kao noke sekii tau.

Madakusi 4:1

Ea na gapi, Yesiusi wa ko wai uu ndoo da pasi kaa tomu sita mugo ndoe waya mina tupeke. Mina tupiwoo sita mugo ndoe mee kooda waa ku wa yau-yau mi-andagatagea. Wa yau-yau mi-andagatagea se bage ku se oba kumana ko Yesiusi wai uu daii nda kuma da kaa pakaaniina animana tomu se. Kena mee kooda waa ekii ii da kaa kam Yesiusi wa'm mina yito nakea.

Dukasi 6:12

Kam waa ko ea na gapi Yesiusi wai Anegisemee mbo asetoo taao kan ndii da ona me kaa pemana pakeke. Me ndii da me kaa pakemana ko Anegisemee mbo asetoo nai. Ndeeneopi se dodo me kaa ata wai si dan ndo asetoo siwoona daamee memai.

Dukasi 6:17

Ku semana ndo waa ko Yesiusi wai ekii mesema endidona maa tadi se yoo me kaa endemake. Me kaa endemana kiyoo inewena tomu nai se dodo me kaa ko wa mbo andagatake ku ese oba mee kooda waa andagatagea. Ebanaa ku wa'm eduga kam wado tupiwoo nai se bage waa. Ebanaa ku Yudea maa en'ndo otuma ku kaa togea se bage waa. Ebanaa ku Yedusedem okaa yoo me kaa kam memapea se bage waa. Ebanaa ku ogiyoo maakaa uwo kau-kau togea se bage waa. Ku uwo kau-kau togea bage kuwa ekii Sidusi okaa yoo nuwa, Sidoni okaa yoo nuwa, kiyoo kam memapea se bage waa. Ku se ku memagea yako Yesiusi mbo me kaa amo-mo semagea.

Dukasi 6:20

Ken ndo waa ko Yesiusi wai wa'm tupinaa se bage waa ku dewaana se asina ko “Bakata bage waa woe. Anegisemee wai ekii moo wado ese ata emi tau ebo tutai kumana ekii'm toke yoo ku ese dama kakiyaa. Ese dama tosi na aya kaadotaapi mugo dodo,” aseke.

Dukasi 9:28

Ku se ku asemana ndo waa ko onu dada omana wagoo aoo gapi Yesiusi wai Anegisemee mbo asetaao kan Petadusi nuwa, Yohanesi nuwa, Yakobusi nuwa, ku wido ku ndo bada yamadona ndii patu kaa pakemagea.

Yohanesi 6:15

Se asemana ko ku mee kooda ekii'm dim'mba nda nigitakea ku Yesiusi wai epi kumana wa'm se nigina ko “Ai, ai. Ekii'm ese ata emi tau ebo se mee to se nakiyaao kan yaa nayapamitaao pasi ae,” se nigeke. “Ekii'm se naawaao kan sipea ae,” se ku nigi simai yako Yesiusi wai ekii mbo kam batana ndii ona kaa pakedona asiyoo tomu se. Mee mesema tau. Yesiusi wa ndo se awake.