Mandiusi 4:3 - Anegisemee'm Mina Kapuge

³ Naadi bota se dodo me kaa ko Ibedisi wai Yesiusi mbo ukii. Wa mbo ukimana wa'm Yesiusi se asina ko “A ko ai mike Anegisemee Yombai kipii kindo ko ku kadesi na a mbo oma ku ‘Edoondi namo aoo kiyaae,’ se aseae,” aseke. Ibedisi wa'm se aseke.

Mandiusi 4:3 ပူးပေါင်းရင်းမြစ်များ

Mandiusi 14:33

Ku se ku degea ndoe kuma da kaa tomu nakea bage ku ko ku Yesiusi kaa yapapa se. Yapapa sita mugo ndoe ekii'm se asina ko “Mike ae. A ko ese mike Anegisemee Yombai ae, se kadeo,” se aseke.

Mandiusi 16:16

Kiyoo kam Petadusi wa'm se ambewaana ko “Ni'm kanigitaka me ko me se de. A ko ai ese mike Keditusi. Iyaao toi se Anegisemee wa'm daa mbeana kapeyaami se Yombai me ai, se kanigitaka,” aseke.

Mandiusi 26:63

Wa'm se aseke koya Yesiusi wai mina koo tomu se ndo. Kena ese ata emi tau se imam mee to wa'm Yesiusi se asina ko “Endo ko ese oyu mina kasiinka ndeo. A ko ai ese mike Keditusi se mee to yee? Anegisemee wa'm daa mbeana kameyaapi se Wayombai me ai yee? Tau yee? Iyaao toi se Anegisemee to, wa kadito nai kumana ku kaa kiyoo ndumbo ndo nasewaae,” se aseke.

Mandiusi 3:17

Ku demai se dodo ndoe asiyoo Siduga maa kaa kam mina se enemaana ko “Me ko me Niyombai. Me Ni'm ese embaake se yuwa to. Ni'm dimina da wa kaa ese bani-bani se aoo, ae,” se enemaai.

Madakusi 1:1

Ku mina ku ko ku ese dama yeao gai se mina waa. Ku Anegisemee Yombai, Yesiusi Keditusi wa kaa mina waa. Yesiusi Keditusi wa ko wai Anegisemee wa'm wa-nini wenimana daa yambeasimi se mee to.

Madakusi 3:11

Se asemana mee kooda ku ko ebanaa ekii'm epuyiba ese dimi peu se mbaa waa aoo. Mbaa epuyiba aoo kumana ko mbaa ku Yesiusi degea ndoe, wa'm egi kaa kiyoo maa yoo mbato ndoe mina ebo se woena ko “Yesiusi a ko ai Anegisemee'm Yombai kadeo,” se asigea. “Ai Anegisemee'm Yombai se kadeo,” se mina woetakea.

Madakusi 5:7

Maa nda mbato ndoe Yesiusi wai wa epuyiba dim peu se mbaa me se asina ko “Pee! Mee me epuyiba kam pee!” se aseke. Se asemana ko mee me me wai mina ebo se woena ko “Yesiusi woe! A ko ai Ese Asiyoo kam Asiyoo Me kaa Ama Emi Tau se Anegisemee Wayombai se kadeo! Kena a mbao naawaao kan mepe ee?” aseke. “Yai! Ese bodi se kao ku si naawaae,” aseke. “Ese peu bodi se kao ku si naawase na Anegisemee kaa batamake mina aseae,” aseke.

Dukasi 1:35

Se asemana epo wado mee to wa'm se asina ko “Tau na, Anegisemee Dim'mba wa ko wai a kaa kaendaaniimbi. A kaa kaendaanina se dodo me kaa ko Ese Me kaa Ama Emi Tau se Anegisemee wa'm ese oyu se yaa mani da ku a kaa kaadapimeke. A kaa kaadapimai se dodo ndoe yuwa aoo kaakiyaasi. Ku kumana ko a'm one daase yuwa me ese wa-nini, ese dimi ndumbo se mee to one daase,” aseke. “Kena ese dimi ndumbo ae se ku demagea ndoe ogu bage waa ekii'm yanigina ko ‘Ai, ai wai mike Anegisemee Yombai, ae,’ se yanigaasea,” aseke.

Dukasi 22:70

Ku kaa kiyoo ekii otuma se asina ko “Ku kindo Anegisemee Yombai me ko me a yee? Se naseao kan sipe yee?” se asigea. “Eki'm enigea mina kui,” aseke.

Dukasi 4:3

Ken ndo waa ko Ibedisi wa'm Yesiusi se asina ko “A ko ai mike Anegisemee Yombai kipii kindo ko ku kadesi na oma ambuu ‘Edoondi namo kiyaae,’ se aseae,” aseke.

Dukasi 4:41

Se awatai se dodo me kaa ko mbaa epuyiba aoo se bage waa ku nde miya oba aoo. Ku mbaa ku kaa nde miya “Pee!” se ata mugo ndoe yau kaa yapeyaabuu nai. Yau kaa yapeyaabuu sita mugo ndoe ku mbaa kuwa ku mina ebo se asina ko “A ko a Anegisemee Yombai,” se asigea. Mina ebo se asigea koya Yesiusi wai mbaa waa ku “Koo tomus!” se aseke. Dee, mbaa waa ku ko ekii Yesiusi kaa epi. “Yesiusi me mike Keditusi, Anegisemee'm wa-nini wenimana daa mbeasimi se mee to ae,” se yanigimagea. Mbaa waa ekii'm epi kan se yanigimagea kumana Yesiusi wai mbaa waa eki'm eneao kan sipea mina ku koo yayaamoo simi ndo. Se awami.

Dukasi 4:9

Se asemana ndo waa ko Ibedisi wai Yesiusi waya bada yamadona Yedusedem okaa yoo me kaa pemake. Yedusedem okaa yoo me kaa pemana ko Yahawee'm okaa ee yau-yau eda da ese em'kaa kiyoo pake-yambeaseke. Kiyoo pake-yambeana ko Ibedisi wa'm Yesiusi se asina ko “A ko ai mike Anegisemee Yombai kipii, kindo ko me kadesi na nakayoo kam maa yoo widana endaanee,” se aseke.

Yohanesi 1:34

“Ku dema kumana ese mike mina kasiinka ndeo. Ni'm dema me ko, me ese mike Anegisemee Wayombai, sima,” aseke.

Yohanesi 1:49

Yesiusi'm mina yemai yako Nataneo wa'm se asina ko “Mee Tupeke Mee to woe. A ko Anegisemee Yombai ae se kadeo. A ko Isedeo bage wado ese ata emi tau ebo toe se mee to ae, se kadeo,” aseke.

Yohanesi 20:31

Ni'm wudumapa ku ko ku mbao awasi na wudumapa ee? Tau. Ona me ko “Yesiusi wa mike Keditusi se mee to ae,” se nigisea na me ona. Ona me ko “Wa mike Anegisemee Yombai ae,” se nigisea na, me ona. Ona me ko wa kaa “Mike ae,” yanigimagea yako Anegisemee mesema omiwoo towoo sisea na, me ona. Ku se ku awasea na wa'm abayai sese waa ku me kapuge me nda wudumapa. Se.

Yohanesi 9:35

Ekii'm yaeba-mbeasipea se mina ku Yesiusi nde miya yeke. Ku yei yako wai mee me me yaebinaa se. Yaebinaaina ade sita mugo ndoe, Yesiusi wa'm se asina ko “A ko ai Mee Yombai wa kaa ‘Mike ae,’ se yanigeke yee? Tau yee?” aseke.

Edaseo Bage 9:20

Ekii mesema omiwee se se dodo me kaa aii tomu se se ku tau. Ese edugana gapi me kaa kam ata wai Yahudi bage ekii'm andagatake ee waa ku nda pi-ndemita, mina tupita siwoo nai. “Yesiusi me ko me mike Anegisemee Yombai nde,” se ku ndo eniwoo se.

2 Kodintusi 1:19

Ku kindo ko eki'm nanigina ko “O, Paudusi wai mike mina ku ndo aseao gai ee? Mbae da mina ku nde miya aseao gai ee?” se ku nanigeke kipii kindo tau de! Me bage dimina si nanigi sisea na, ni'm eduga katupiwoo sima mina ku kaa dama nigi si pe taae. Dee, eduga ko Sidasi mesema Timotiusi mesema, enii wido eki mbo mina katupeke se dodo me kaa ko Anegisemee Yombai, Yesiusi Keditusi me me, wa kaa mina katupiwoo sima. Kena Yesiusi Keditusi wa ko wa'm enii tao naawaao gai se mina ku ko ebanaa ku mike pi-naapamiyaabuu taasi se mina koya ebanaa ku wa'm aii ba-gamitaasi mina waa se ku tau. Ku otuma wa'm mike pi-pamiyaabuu taasi se mina waa ku ndo.

Gadasiya 2:20

Dee, Anegisemee Yombai wai ese naembaake kumana wai wa kaa to ekamana eda piya aoo se piya tukuu me kaa yugumana naabomi. Wai ni tao naabomi se dodo me kaa ko ni wa mesema nadipinimai yako ni namba wa mesema boma. Wa mesema boma kumana endo ko ni'm toke yoo wa-nini kima. Keditusi wai ni nduwawe iyaao tai koena. Kum seta kaa, ni'm Keditusi wa kaa “Mike ae,” se dimina da me yaa mu-mu sita mugo ndoe, wai ni'm dimina da nda namugu-mugu siyaabuu nai. Ku kindo ni toke ko taka koya ni'm awake-awake ku ni'm yaa mani da kaa awake se ku tau. Ku wa'm namugu-mugu siyaai yako awawoo naka se kao waa.

1 Teseadonika 3:5

Eki'm bodi ababa se ku kaa nigi si pe se se dodo ndoe, ni eki kaa mina yeao gai se dimina da me ese asiyoo wa-nini kidai. Kisena ndo waa ko eki kaa mina yeao gai ku ese asiyoo mbeaseao eo se dodo ndoe, Timotiusi eki mbo kameyaama. Eki'm Anegisemee kaa “Mike ae,” nigeke se dimina da me ndigi yee? Tau yee? Eé, Ibedisi wa'm kaoya-oya se mina ku dito sigea yako Anegisemee kaa dimi wiya-wiya semapea ee? Tau ee? Ku kaa kiyoo enii eduga eki mbo awama-awama, katupima-katupima ku aii bada kiyaapea yee? Tau yee? Ku se ku kaa nigi si pena widaa ae se nigeo gumba ndoe Timotiusi eki mbo kameyaama, ekii kaa mina pi-yewena ni mbo mi-nasisi nde.

Ibedani 12:16

Waya wada nda tubaka mbeenaa kaa miya si awasea na eki kaa to dama dito taae. Kena Anegisemee wa'm gai-gai ku kaa duwa matana mee tuma kaa dimina dito se me daa. Ku mbeenaa kaa miya si awasea na eki kaa to dama dito taae. Tubaka awaao gai se dimina me nuwa, mee tuma kaa dimina dito taao gai se dimina me nuwa, ku dimina ku eduga Eseau wa'm sese dimina mugo dodo. Dee, Eseau wa ko wai yaamee kumana wa'm naamee'm daa yaambeasiisi kao maseke me ese ebo se kao. Ku koya tau. Ea na gapi wai ese namo naadi kan wai wa'm winaamee mbo se asina ko “Noke kao nese na daa naambeasiisi kao ku a'm ndo mase o,” se asimi. Ku yemai yako wawinaa wai ea ona ndo noyaa ku kisiu Eseau tao manii yako mina bota kidai.

Ibedani 4:14

Enii'm awamea-awamea ku kaa Anegisemee mesema mina aoo kaasea kumana enii kaa enii tao ese asiyoo kam asiyoo ese ata emi tau se imam mee to ona aoo. Wa nakayoo maa kaa kam batana epiyoo nda watana Anegisemee mbo pi-towoo nai se imam mee to. Wa ekaa da ko Yesiusi, Anegisemee Yombai me me. Wai me mugo imam mee to kumana enii'm wa kaa “Mike ae,” se nigimana eniwoo nakea mina ku waya wadobo nde miya oyu kan yaa mu-mu taao ndo bada.

Ibedani 7:3

Waya wada nda Anegisemee'm mina kapuge me nda kiyoo Meokisedeki wa'm naamee nuwa, wa'm oko nuwa, wa'm taii nuwa, wa'm one dake yoo me nuwa, wa'm boke yoo me nuwa, ku kaa mina ku Anegisemee'm mina kapuge nda kiyoo emi tau. Ku kaa kiyoo enii'm nigaao sekii se mina me ko me se de. “O, Meokisedeki wai Anegisemee Yombai wa'm sese mugo dodo. Akaa ndepi ese si dan ndo omiwoo towoo taasea se imam bage kui,” se nigaao sekii.

1 Yohanesi 3:8

Ku koya, woo-woo semuu nakea bage waa ku tau. Ku mugo bage ekii'm awawoo nakea ku Ibedisi wa'm awawoo nai sese mugo dodo kumana “O, ku Ibedisi mbaya bage ae,” se ku ndo yanigaao sekii. Kase enta mugo ndoe, ese eduga edugana kam ata Ibedisi wa'm sese ko wai ese si dan ndo woo-woo semuu nai, kui. Ku kumana wa'm sese ekokedoke bage waa “Ku Ibedisi mbaya bage ae,” se ku ndo yanigaao sekii, se kaseao kan sipa. Ku kaa dama masimaae! Keditusi wa'm sese wa-nini. Ibedisi wa'm sese wa-nini. Dodo tau. Dee, eduga ko Anegisemee Yombai wai enii mbo ukimi se dodo me kaa ko wai aii se ukimi se ku tau. Wai Ibedisi wa'm awake-awake en'ndo otuma yadano kiyaabuu taao kan ukimi. Ku kumana eki nde miya si woo-woo taao ndo bada, me ona.

Wahayu 2:10

Endo ko ni'm mina ku dama nayewee! Ibedisi wa ko wai eki ebanaa peniyada ee nda kadomoo taasi. Ese anikee waa se ku tau. Kadomoo taasi yoo pasi keo. Kena wa'm kaawaasi me ko me eki'm dimina waa ku Anegisemee kaa dimi wiya-wiya kakiyaao kan peniyada ee nda kadomoo taasi. Ku kaa kiyoo onu haas mugo mike bodi ababa semuu taasea. Bodi ababa taasea koya ku kaa si widaae. Kambatumake nde miya, katoyaake nde miya, eki Anegisemee kaa dimi si wiya-wiya taae. Kase enta mugo ndoe, Anegisemee kaa dimina ona ndo yaa mu-mu se kipii kindo ko ku kaa kiyoo omiwoo towoo katoyaasi na aya kadotaa taata sima.