Bamita, bamitana ko dopeana wa'm ese yipi maa keamami se oma yaga yiba me nda pi-domaake. Me oma yaga da me ko me Yusepi wa'm anikee waa buwaasi se gumba yadomaasi se nigeke se oma yaga me nda Yesiusi bota da dopeana pi-yadomaake. Me nda yadomaana ko ese em'mbee oma kade da me gine kaa bikimemake. Bikimemana oma yaga ebe kaa apaaseke. Se awamana batana pei.
Mandiusi 28:2 - Anegisemee'm Mina Kapuge2 Pegea se dodo ndoe, kuhai-kuhai ese em'mbee maapui aoo kii. Kase enta mugo ndoe, Tuhani Anegisemee wa'm epo wado mee to ona wai Siduga kaa kam endidona me oma yaga da me kaa endemai. Me kaa endemana ko oma kade da se gine to wadeao kan me yau kaa bikimemana watata mugo ndoya me kaa animana tai. အခန်းကိုကြည့်ပါ။ |
Mandiusi 28:2
12 ပူးပေါင်းရင်းမြစ်များ
Pidatusi wa'm se asipi kumana ekii wa'm tentada bage waa ku bada madona Yesiusi bota da mbeasipea se oma yaga da me kaa pemake. Me kaa pemana ko gine kaa man'tapea se oma kade mbato me kaa aii bage wadeao widaasi na se kao epetake. Se epetana ekii'm waya se asina ko “Tentada bage waa woe. Ogu bage ku Yesiusi bota da oma masiimbea kumana dama dito taae,” se aseke. Se asemana ko ku imam bage'm ebo bage waa ku nuwa, Padisi mbaya bage waa ku nuwa, ekii'm kiyoo mbeasipea se tentada bage ku mbo kam batana pegea. Ekii'm se awamea.
Ku yito sita mugo ndoe kuhai-kuhai ese em'mbee maapui mei. Yai, ebo! Ese em'mbee maapui kumana peniyada ee tukuu mbembo sipea yoo ku beba siyaake, yai! Ese beba siyaai se dodo ndoe, peniyada ee gine ku otuma wadita-pata. Waya esimba mbembo sipea bage waa ekii'm epetapea besi one waa ku otuma ogitapea.
Ese ndumbo mina kasiinka ndeo. Anegisemee wa'm ndumbo mina ku ko enii'm “Mike ae,” se nigeke mina waa. Ku ese abayai se mina waa. Eduga ko ku wa'm nanige-maniin tau se mina waa koya endo ko tau. Endo ko Keditusi naadeyaai yako epi kumagea. Wa kaa kiyoo enii'm epi kimana “Mike ae,” se nigimagea mina ku ko ku se de. Anegisemee wai mee tuma da kaa mee to agidimake. Me ona. Kena Anegisemee Dim'mba wa'm se yaadeyaana ko Keditusi wai mike Anegisemee Yombai se yaadeyaami. Me ona, wiya. Kena epoo wado bage waa ku nde miya Keditusi yademea. Me ona, wido. Kena Anegisemee wai Keditusi Siduga maa kaa yadotaana ese abayai ebo yatoyaami. Me ona, wui. Kena Keditusi kaa mina ku Yahudi tau se bage mbo donaa asinaa simea. Me ona, edibi. Kam waa ko maa kaa togea bage ekii wa kaa “Mike ae,” se yanigimea. Me ona, bidimi. Ku mina kuwa ku enii Yesiusi mbaya bage enii'm “Mike mina waa ae,” nigimana yaa mu-mu nakea se mina waa. Se naa aoo.
Ku nabi bage kuwa ekii'm se nigi si pe siwoo simea se dodo me kaa Anegisemee'm ebe kaa mina ku mee mbo eniwoo simea. Se eniwoo sita mugo ndoe, Keditusi wa'm Dim'mba wa'm waya se yanige-manena ko ekii'm amanimake mina ku ekii bea da kaa pi-pamaasi mina waa se ku tau. Ku anikee waa bea da kaa pakemata mugo ndoe pi-naapamiyaabuu taasi se mina waa. Ku mina se ku yanige-manemi. Kisena ndo waa ko mike, ekii'm aii dodo amanimamea mina ku enii bea da kaa pakemai ndoe pi-pam'dai. Ku enii bea da kaa mike pi-pam'dai ae se nigi sisi na Anegisemee'm dama mina donaa asinaa se bage waa ku nde miya pedona eki mbo memana kaeniwoo simea mina waa kui. Ekii'm kaeniwoo simea mina waa ku ekii'm nigita kaa mina waa se ku tau. Ku Anegisemee wa'm Siduga maa kaa kam yapeyaami se Anegisemee Dim'mba mem seta kaa yakumamoo nai se mina waa kui. Anegisemee wa'm aii se nagane kan dama natoyaabuu nai se mina da me ese abayai se mina da. Me mina me ko me epo wado bage ekii'm masimaao kana se mina da. Ku kaa kiyoo ekii'm nigina ko “Ku kaa masimaa waa oowoo,” se nigi siwoo nakea.
Kena ndo waa ko ni waya se dena ko Anegisemee wa'm Siduga nda okaa ee me gine watai se dema. Gine watana esimba nda deke se dodo me kaa Anegisemee'm okaa mee tupisi na mina awe da se dema. Se deta mugo ndoe yaabebeo nuwa, bo ndukuu nuwa, geemuu tatakea ku nuwa, maapui ona me nuwa, kena ese yai sida uwo mugo oma mbane-mbane mugo edii wetai ku nuwa, ku se ku aoo kidai se dema. Gine watai ndoe se dema.
ကြော်ငြာတွေ