Mandiusi 26:4 - Anegisemee'm Mina Kapuge

⁴ Kiyoo andagatana ko mina datakea. Yesiusi koo yaa yapamitana yambatumaao kan, ku kaa mina datakea.

Mandiusi 26:4 ပူးပေါင်းရင်းမြစ်များ

Mandiusi 12:14

Me degea yako Padisi mbaya bage ku yima kiki kan yoo da kaa endaaneke. Yoo da kaa endaanina ko Yesiusi kaa mina kapeke. “Yesiusi yambatumaao kan enii mbao naa awaambea naa ya?” se mina ku kaa mina kapitakea. Se awagea.

Mandiusi 23:33

“Eki ko eki ese dim peu se bage waa se kadeo. Ese dim peu se iina kooda waa mugo dodo se kadeo!” aseke. “Kum seta kaa eki'm woo-woo se kaa si em kadasi na ooke sekii yee? Tau na. Bidea uwo ndoiba nda kawamoo-pamoo taasi sima,” aseke.

Madakusi 14:1

Yahudi bage ekii'm nowoo simea badii ona me ko Um Dona Badii. Ona me ko Kade-Pade Edoondi Badii. Ku badii kuwa onu wiya omana naambea ae se gapi me kaa ko imam bage'm ese ebo se bage waa ku nuwa, Musia'm kapuge epi se bage waa ku nuwa, ekii'm se nigina ko “Yesiusi yambatumaao kan koo yapamitake sekii ee, tau ee?” se nigi si pe se ndo.

Yohanesi 11:53

Kayapasi, wa'm amanimami mina yegea yako me gapi me kaa wado eki Yesiusi bosi na mina nigi si pe sinaina mina kapeke, mina dake, mina kapeke, mina dake, se awata semuu simea.

Edaseo Bage 13:10

“A ko ese Ibedisi wa'm yopaa mugo dodo se kadeo!” aseke. “A ko ese dama ndumbo se kao ku otuma mbeedi mbeaseao gai se mee to koena. A'm dimina da nda ese peu-pau se dimi ku ndo dowoo nae se mee to. Ese mee yadeba nae se dimina ku ndo aoo. Kam tau,” aseke. “Dee, a'm sese ko ai Tuhani wa'm ese dama ndumbo se sese ku kupoo kiyaana si maaniyaabuu nae se mee to. Ku kase koena ku ndo awawoo nae?” aseke.

Edaseo Bage 7:19

Yusepi kaa yaeo kumana wai enii'm eedoo bage ku si yamaaniyaabuu taao kan yadeba simi. Waya ese peu, bodi ababa sisi na aya yadotaa simi. Ku taao kan me ebo toke se mee me me wai oyu tamaao kana se mina se asina ko ‘Eki'm yuwa one damana daii kaa ko ku bosi na wa-mbeasiwee,’ se asimi.

2 Kodintusi 11:3

Ku mugo mina ni Keditusi wa'm egi kaa kiyoo kaseao gai koya endo se gumba ni mbeenaa kagigi aoo. Mbao kaa kagigi keke ee, enta mugo ndoe, tau na. Eki ko eki mbae da se Edaseo bage waa ekii'm tupeke mina ku yito taambea ae se kanigimaa yako kagigi aoo. Kena ekii'm mina yito taambea kipii kindo ko ku kaa kiyoo kam eki'm dimina si kamaaniyaana Keditusi kaa patawena wa kaa dim wiya kaambea. Dee, ese eduga ko Ibedisi wai mee yadeba taao epi kumana mbainaa nduwawe koo ndemina Hawa mbo pi-yadeba semami. Ku mugo yaa, endo nde miya mbae da se Edaseo bage waa ekii kadeba taao gai kumana kagigi keo ndeo.