Mandiusi 21:3 - Anegisemee'm Mina Kapuge

³ “Kena kusiyoo bage ona wai ‘Mbao awatakea?’ se kasiimbi kipii kindo ko ‘Tau. Ana'm ebo se Tuhani wa'm “Ni tao naado-meae,” se nasipi koena,’ se ku ndo aseae. Se asemata mugo ndoe kusiyoo mee to wai mina wiya tau kumana ‘Bado o. Ku kededai kamino ku akaa ndepi ombe woedona peae,’ se kasiimbi,” aseke. Yesiusi wa'm se asimi.

Mandiusi 21:3 ပူးပေါင်းရင်းမြစ်များ

Mandiusi 21:4

Yesiusi wa'm se “Pi-awaae,” se mina yemana ko wa'm tupinaa se bage wiya, akaa'm pi-awaweke kui. Se pi-awaweta mugo ndoe ku kededai kamino wiya ku ombe woewena Yesiusi mbo mi-yaambeaseke. Ku Yesiusi mbo mi-yaambeana ko ekii'm eduu se maawiya waa ku bea-mana kededai kamino wiya ku duwa da kaa komitake. Ku duwa da kaa komitana ko Yesiusi wai ona me kaa pakaanina ku maawiya ku kaa animana tomu se. Ku kaa se animana tomu sita mugo ndoe waya muuna petai. Se petai se dodo ndoe, Yahawee'm mina yaa-enei simi mee to ona wa'm aii dodo enimi mina ku pi-pamiyaao kan se petai. Kase enta mugo ndoe, Yahawee'm mina yaa-enei simi mee to wa'm aii dodo enimi se mina ku se de. “Yedusedem okaa yoo togea se bage waa ekii tao pi-asisi na mina me ko me se de. ‘Me dewee! Eki'm moo wado ese ata emi tau ebo toke se mee to wai eki mbo mitai, me dewee! Wai kededai kamino me duwa da kaa animana mitai. Wai kededai kamino yuwa to me duwa da kaa animana mitai kumana “O, wai ese dim tunaa kan mitai ae,” se ku deao sekii,’ ” se enimi. Nabi se mee to ona wa'm aii dodo se enimi. Kisena ndo waa ko Yesiusi wa'm pi-pamiyaami mei!

Yohanesi 17:2

“Ni'm abayai ebo toke yoo ku mbao awasi na ee enta mugo ndoe, mee tuma kaa bage en'ndo otuma ku ni'm guna miyo se naambeasime se bage waa. Ku aii se ebo nambeasime se ku tau. A'm neme se bage waa ku en'ndo otuma ku tao omiwoo towoo yatoyaabuu taao sekii kisi na ese ebo nambeasime,” se aseke.

Yohanesi 3:35

Anegisemee Naamee wai Anegisemee Yombai kaa ese yaembaake aoo. Kena wa yaa da kaa mbeana ko mee en'ndo otuma, se-kao we-kao en'ndo otuma ku en'ndo otuma wa yaa da kaa yaambembo simi. Ku otuma wa'm guna miyo kao waa kisi na, se yaambembo simi.

Edaseo Bage 17:25

“Kena enii'm wa tao dama tosi na masii yaamaseke sekii tau. Wa'm ‘Oowoo,’ se nigeke kao ku ona kaa miya emi tau koena. Wa'm ndo natoyaabuu nai se Mee to koena. Enii mee tuma da bage ku wa'm ndo natoyaabuu nai. Enii'm ebe nuwaa ku nde miya wa'm ndo newoo nai se kao. Enii'm se-kao we-kao otuma ku nde miya wa'm ndo newoo nai se kao waa,” se aseke.

2 Kodintusi 8:16

Ni ko ni eki kaa kamaaniyaasi na se kao ku kaawawoo taao waa “Oowoo,” se nigeo. Kena ni'm dimina me Anegisemee wa'm Titusi wa'm dimina da nda yakumapi se dimina da mei! Ku kaa kiyoo ni Anegisemee kaa ese “Paamee,” se nigeo.

2 Kodintusi 8:9

Ogu bage tao aii se maneao kan, eki'm epi se mina, Tuhani Yesiusi Keditusi wa'm aii se dama natoyaabuu simi se mina me ko me kaa dama nigi si pe taae. Dee, Yesiusi wai maa kaa ukaan tau yoo wai Siduga maa me kaa kiyoo ese sinowi se mee to towoo simi. Ku koya wa'm sinowi se toke yoo batana bakata se mee to kimi. Mbao awaao kan bakata kimi ee? Tau na. Wa'm sinowi ku eki kaa nde miya kasinowi kiyaao kan bakata se mee to kimi.

Yakobusi 1:17

Waya na kiyaa ese ndumbo mina me ko me se de. Enii'm toke yoo ese dama se kao aoo kipii, ese si maaneke kaa miya emi tau se kao aoo kipii kindo ko “O, ku Siduga nda toi se Anegisemee wa'm aii se naadomoo sipi kao waa ae,” se ku ndo nigaao sekii. Wa'm sese wa-nini kiyaake sekii tau koena. “Dama tosi na se kao ku ndo naadomoo siwoo nai ae,” se ku ndo yanigaae. Me kaa mina ebeabea da me ko me se de. Anegisemee wai epiyoo kaa kiyoo ao da aoo kiyaasi na se-kao we-kao anegi semami. Ku kao ku kaa kiyoo kam maa kaa yaapun'ta yoo aoo. Ku yaapun'ta yoo kuwa dodo ndo se takea se ku tau. Ebanaa gado ebo kitakea. Ebanaa gado mbeedi kitakea. Ebanaa gado wa-nini kitakea. Ku koya Anegisemee wai yaapun'ta yoo mugo tau. Wa'm dama naawaao gai se dimina me omiyaa siyaa ku ndo dodo ndo se tai. Ku kaa kiyoo wa'm enii tao dama tosi na se kao ku ndo naadomoo siwoo nai ae, se ku ndo yanigaae.