Mandiusi 2:2 - Anegisemee'm Mina Kapuge

² Yedusedem okaa yoo memana ko ekii'm se asina ko “Enii asiyoo awea yato maa kaa okude ku dito se. Dito, dito, dito ndoe Yahudi bage'm ese ata emi tau ebo se mee to wa'm okude aumai. Aumapi se dembea ndoe enii'm nigina ko ‘Ai, ai, Yahudi bage'm ese ata emi tau ebo se mee to one yadamapi, ukipi, ae,’ se nigeke. Ku kumana ko one yadapi mee me me wa kayoo ee? Enii yaapapa taao kan mepa koena,” se asigea.

Mandiusi 2:2 ပူးပေါင်းရင်းမြစ်များ

Mandiusi 2:3

Se asemana ko maa kaa ebo toke mee to, Hedodesi wa ko wai ku mina yemai se dodo ndoe dimina kai-bai kumai. Yedusedem okaa yoo epoo bage ku nde miya, ekii otuma Hedodesi mesema ese dimina kai-bai kumagea.

Mandiusi 27:11

Kena Yesiusi wa ko wai gubenuda se mee to, Pidatusi me mbo, wa'm egi kaa kiyoo inewena tomu se. Kena Pidatusi wa'm se asina ko “Yesiusi woe. A ko ai Yahudi bage ekii'm ese ata emi tau ebo se mee to yee? Tau yee?” aseke. Yesiusi wa'm se asina ko “A'm enipe mina mei,” se aseke.

Dukasi 19:38

Anegisemee kaa yapapa si pe sita mugo ndoe, ekii'm se asina ko “Mataae! Yahawee ekaa da kaa mepi se mee to me enii'm ese ata emi tau ebo toi se mee to! Ku kumana wa kaa mataae!” se asi-pe nakea. “Enii wa'm seta kaa Siduga kaa toi se Anegisemee mesema apoeao sekii. “Yai! Ese asiyoo kam asiyoo toi se Anegisemee wa kaa paamee! Mataae!” se asi-pe nakea. Ku mee kooda waa ekii'm se yapapa si pe siwoo nakea.

Dukasi 2:11

“Dee, ni'm kaadopa se mina me ko me se de. Bendedehem okaa yoo me ko me ese ata emi tau ebo se Daudi wa'm tomi se okaa yoo. Kena endo gapi me okaa yoo me nda kiyoo eki'm woo-woo se ku mbeedi mbeana dama katoyaabuu taasi se yuwa to wa eki tao one kaadamapea,” se aseke. “One kaadamapea se yuwa me ko me ese ebo toi se Tuhani. Wa ko wai Keditusi, Anegisemee'm gai-gai awasi na wa-nini wenimana daa yambeasipi se mee to mei,” se aseke.

Dukasi 23:3

Ku se ku yei yako Pidatusi wa'm se asina ko “Yesiusi woe. A ko ai Yahudi bage ekii'm ese ata emi tau ebo se mee to yee? Tau yee?” aseke. Yesiusi wa'm asina ko “A'm nasipe kui,” aseke.

Dukasi 23:38

Ekii'm se awake se dodo me kaa ko Yesiusi wa'm moo wado piya tukuu kaa kiyoo kapuge ona aoo. Me kapuge me kaa wudumapea mina me ko me se de. “Me Yahudi bage'm ese ata emi tau ebo se mee to,” se mina wudumapea.

Yohanesi 1:49

Yesiusi'm mina yemai yako Nataneo wa'm se asina ko “Mee Tupeke Mee to woe. A ko Anegisemee Yombai ae se kadeo. A ko Isedeo bage wado ese ata emi tau ebo toe se mee to ae, se kadeo,” aseke.

Yohanesi 12:13

Se yegea yako Yedusedem okaa yoo batana Yesiusi mesema ade taao kan enda yayaa si pe nakea. Enda yayaa si pe sita mugo ndoe, Yesiusi yapapa taao kan ndaudagi iye dawena yaa kaa dopeana petakea. Waya mina ebo mbeana se eniwoona ko “Anegisemee kaa yaapapa taae! Yaapapa taae! Yahawee Anegisemee wa ekaa da kaa mitai se mee to, wa kaa mataae! Wai Isedeo bage'm ese ata emi tau ebo toi se mee to kumana wa kaa mataae!” se eniwoo nakea. Ku mee kooda waa ekii'm mina ku ebo mbeana se eni pe siwoo nakea.

Yohanesi 18:37

Kena Pidatusi wa'm asina ko “Ku kindo a mike ese ata emi tau ebo se mee to, tau se,” aseke. Yesiusi wa'm asina ko “A'm ni kaa nasipe mina da, ni ko ni ese ata emi tau ebo se mee to se nasipe se mina me ko me mike ndumbo se mina. Yibanda kiyaa, ni maa kaa memana one nadamamea me ko me aii se awama se kao se ku tau. Ni ko ni ese mike ndumbo mina ku mee mbo donaa asinaa taao kan memama. Kum seta kaa, mike ndumbo se mina ku ndo yaa mu-mu taao gai se bage waa ku ni'm eniwoo naka mina ku nayito nakea se bage waa kui,” aseke.

Yohanesi 19:19

Ku semagea ndoe Pidatusi wa'm wudumapi se piya kade mbee to me nde miya Yesiusi'm paku yawemapea se piya tukuu me kaa mbeaseke. Wa'm wudumapi mina me ko me se de. “Naseadesi okaa yoo ebo kimi se Yesiusi, Yahudi bage'm ese ata emi tau ebo se mee to,” se mina wudumapi.

Yohanesi 20:28

Kiyoo kam Tomasi wa'm se asina ko “Mike ae! A ko a ni'm ebo se Tuhani. A ko a ni'm Anegisemee, se kadeo,” aseke.

Yohanesi 5:23

Mee'm sese pikamoo se ndanda me ko me ni yaa da kaa nambeasimi se dodo me kaa me aii se nambeasimi se ku tau. Dee, mee tuma kaa bage ekii'm nigina ko ‘Anegisemee Naamee wa ese ebo ae,’ se yanigeke. Ku kindo mee en'ndo otuma ku ni kaa namba ‘A ese ebo ae,’ se nanigi sisi na me ndanda me ni yaa da kaa nambeasimi. Ku kumana ni ekaa da ebo nambeaseao be se bage waa ku maa kaa naameyaami se Anegisemee Naamee wa ekaa da kaa nde miya ebo yambeaseao be se bage waa mugo dodo,” se aseke.

Yohanesi 9:38

Se asemata mugo ndoe, “O, ni'm ebo se Tuhani, ni a kaa ‘Mike ae,’ se kanigitaka,” se aseke. Se asemana kau ku maa nda wemana yapapa se.

Ibedani 1:6

Kena ku kaa waya uketake mina ona me ko me se de. Anegisemee Yombai me ko me Anegisemee wa'm ese ata emi tau ebo se yombai. Kiyoo kam Wayombai me maa kaa yapeyaanki ae se dodo ndoe, wai Wayombai kaa mina se enina ko “Anegisemee'm epo wado bage waa en'ndo otuma ku wa kaa yapapa taae,” se enimi.

Wahayu 22:16

“Ni ko ni Yesiusi. Ese ata emi tau ebo tomi Daudi, wa'm wado one damea mee to me ni,” asimi. “Kena ni'm sese ko ni aweao pasi se dodo ndoe mbane-mbane petai se okude wa'm sese mugo dodo se mee to. Ni ko ni ese yipi se gumba aoo kiyaabuu taamba se mee to koena,” asimi. “Kena me epo wado mee to me me, wa'm kasipi mina ku ni'm yamatana mi-kasipi mina waa. Dee, ni kaa andagatagea se bage eki ko eki ku mina yemana ‘Ku ndumbo mina waa ae,’ se nigisea na ni'm epo wado mee to ona wa kaa yamatana eki mbo kameyaapa,” asimi. Yesiusi wa'm se asimi.