Ku kaa nigi si pe semana ndo waa ko omeke. Onu omii ndoe wa'm onu kaa se dena ko Yahawee'm epo wado mee to aoo kidai. Epo wado mee me me wa'm se asina ko “Daudi taii kaa Yusepi woe, a'm Madiya maseke ku si widaae,” aseke. “Wa'm daba me ko me tubaka me kaa tau. Me Anegisemee Dim'mba wa'm ndo se yakiyaami kumana si widaae,” aseke.
Mandiusi 2:13 - Anegisemee'm Mina Kapuge13 Okude dito se bage ekii pemana ndo waa ko Yusepi wa'm onu kaa dena ko Yahawee'm epo wado bage ona aoo kidai. Epo wado bage ona aoo kidai se dodo me kaa ko wa'm Yusepi se asina ko “Anowee,” aseke. “Anowee! Me yuwa me nuwa, wayoi nuwa, ku bada madona Mesida maa kaa oika pewee! Kiyoo ndo pi-towee taae,” aseke. “Mesida maa kaa pi-tona ko ni'm kasiin tau yoo waya si ukaae. Hedodesi wai me yuwa me mbatumaao kan yaebinaa nai koena,” aseke. အခန်းကိုကြည့်ပါ။ |
Mandiusi 2:13
29 ပူးပေါင်းရင်းမြစ်များ
“Kena ni kaa mina donaa asinaa se se dodo me kaa ko kiyoo toke bage ku peu-pau bodi se kao kaawake kipii kindo ko me okaa yoo kam oika oona wa-nini okaa yoo peae,” aseke. “Ndumbo mina kasiinka ndeo. Ni kaa mina asinaa se se dodo me kaa Isedeo maa kaa okaa yoo en'ndo otuma odeeniyaan tau yoo, me kaa miyo Mee Yombai, ni ko, ni kita waya ukaata sima,” aseke.
Ku semana ndo waa ko Hedodesi wa'm se nigina ko “Ai, ai, okude dito se bage kuwa ekii mike nadeba sipea, ae,” se nigeke. Se nigimai ndoe ese, ese yima kiki kidai. Wa'm yima kiki ku ese wa-nini kumana wai wa'm tentada bage waa se asina ko “Ekii pewee,” aseke. “Ekii pena ko Bendedehem okaa yoo me kaa nuwa, Bendedehem okaa yoo yau-yau maa waa ku kaa nuwa, ku maa ku kaa penaa taae,” aseke. “Ku maa ku kaa penaa sita mugo ndoe mbayuwaa yuwa ku otuma mbatumei taae,” aseke. “Ekii'm tahuni toke yoo daamee endii pakei wiya omapea me kaa miyo kipii kindo ko ku otuma mbatumei taae,” aseke. “Kase enta mugo ndoe, me okude epi se bage ekii'm eduga okude demea se gumba kumana ku kisiu om'pea se mbayuwaa yuwa kam miyo ku otuma mbatumei taae,” aseke. Se asemana ko wa'm tentada bage ekii pedona se awanaa simea.
Isedeo maa kaa peta, peta, peta mugo ndoe maa kaa waya mina ona se yena ko “Hedodesi bomi koya wa'm yuwa Akedausi me ko wai wa'm naamee kumo-kumo kumatana Yudea maa kaa ebo toke,” se mina yeke. Se mina yemai se dodo ndoe Yusepi widaake aoo. Widaai yako “Kiyoo peao be ae,” se nigeke. Se nigimana ko Yusepi wai onu omeke se dodo me kaa ko waya onu kaa se yanige-manena ko “Yudea maa me kaa si peae,” se yanige-maneke. Ku mina yemana yau nda tasinaana Gadidea maa kaa pemake.
Se aseke se dodo me kaa ko ekii'm asina ko “Enii Konediusi mbo kam memapa,” aseke. “Konediusi wa ko wai tentada bage wado ebo dito se se mee to. Wa guna miyo tentada bage waa ekii mee ndo mee edibi aoo. Wai ese dimi ndumbo se mee to. Wai Anegisemee kaa widaake se mee to. Ogiyoo togea se Yahudi bage waa ekii otuma ku namba se yanigina ko ‘Konediusi wa ko wai ese dama ndumbo se mee to, ae,’ se yanigitakea,” aseke. “Kena Anegisemee'm yapeyaapi se epo wado mee to wa'm Konediusi mbo se asina ko ‘Petadusi wa'm eniimbi-eniimbi mina ku yeao kan, a'm bage ku wa mbo yapeyaake bada. Me Petadusi me a'm ee kaa pi-bada kaamawesi na, se awake bada,’ ” aseke. “Ku taao kan enii Konediusi mbo kam memapa,” aseke.
Se asemana ko epo wado mee to wai peke. Pepi se dodo waa ko Konediusi wai ekii wido mina woeweke. Mina woewepi kuwa wiya ku wa'm wa tao masii yaamata se bage waa. Ona wa namba wa tao masii yaamata se mee to koya wa'm guna miyo tentada se mee to. Wai Anegisemee kaa dimina ona ndo kan yaapapa nai se mee to. Ku wido kuwa Konediusi wa'm mina woeweke.
Kiyoo egidai se dodo me kaa ko Petadusi wa'm asina ko “Ai, ai. Endo nigi seo ndeo. Onu kaa depa se ku tau. Uwa da kaa ae,” se nigeke. “Hedodesi wa'm yaa da naapatataao kan Tuhani wa'm epo wado mee to naameyaapi ae,” se nigeke. “Kena Yahudi bage ekii'm naawaao kan sipea ku si maanisi na ndo Tuhani wa'm se naawapi ae, se mina ku nigi seo,” se aseke.
Ku koya abayai! Petadusi wai onu omitai se dodo ndoe, kuhai-kuhai Tuhani wa'm epo wado bage ona aoo kidai. Aoo kii yako peniyada dukune nda ese ao da kidai. Epo wado me to aoo kina ko wai Petadusi'm pame kaa mantai. Mantana anoweyaake. “Mani anowee! Mani anowee!” se aseke. Se asemai ndoe Petadusi yaa da kaa epetapea se besi one ku ekata-pata semana mbeaseke.
Ebaake, ebaake, ebaake koya hayoiyo'm peu yaawaao kan sipi ku aii bada kisi na me ambii me tao manina ko gidigaa da wiya maneke. Gidigaa da wiya maneke ku ese em'mbee kam'daabido wa'm gidigaa da mugo dodo, wiya maneke. Dee, ogiyoo mee tuwaan tau yoo maa ndani se maa me kaa kiyoo Anegisemee wa'm me ambii me tao yaa-epipina ko ese dama yaedimisi na yoo yaa-epipi semami. Ku mugo yaa-epipi semami kumana kiyoo pi-toke kipii kindo ko tahuni wido kumana wui aoo me kibe da ku kisiu widigi tau kan dama ndo omiwoo towoo taao sekii. Anegisemee wai dama yaedimina maniwoo taambi koena. Ku kumana me ambii me maa wada pemana kiyoo pi-toweesi na wa tao manina ko gidigaa da wiya maneke. Se.
Ku se ku dena ko wa'm apu da me epiyoo da kaa apu wadu pai ndoe okude waa oba mugo epiyoo kaa kam gimeyaana maa me kaa odi pai miyaabuu nai. Se awamai ndoe epiyoo asiyoo ona dano, wiya ndigi. Ona dano, wiya ndigi. Ku kisiu maa kaa odi pai miyaabuu sipi. Ni'm se dema. Kena me hayoiyo me me, wai me ambii me egi kaa kiyoo dito nai. Daba aoo se ambii me'm one daanki yuwa me naao kan kiyoo dito nai, se dema.
Kena me yuwa me asiyoo yadotaana ndo waa ko wayoi me me ooke. Ooke se dodo me kaa ko ogiyoo mee tuwaan tau yoo maa ndani se maa me kaa pi-toke. Dee, wa'm oona pi-tuwaao sekii se yoo me Anegisemee wa'm dama yadito taao kan aii dodo yaa-epipi semami se yoo kumana me kaa kiyoo pi-towee se. Me kaa pi-towee se se dodo me kaa onu 1.260 mugo ku kisiu omigea ndoe peu toke se ku tau. Wa'm noke kao ku nuwa, dama tosi na se-kao we-kao ku nuwa, ku se ku nde miya Anegisemee wa'm wa tao maniwoo taasi koena. Se.
ကြော်ငြာတွေ