Mandiusi 14:5 - Anegisemee'm Mina Kapuge

⁵ Peniyada ee nda yadomaana ko Hedodesi wai Yohanesi yambatumaao gai koya iyo. Kase enta mugo ndoe, Yahudi bage ekii Yohanesi kaa se yanigina ko “Yohanesi wa ko wai Yahawee'm mina yaa-enei se mee to ae,” se yanigigea. Ku kaa kiyoo Hedodesi wa'm nigina ko “Yai widaa ndeo. Yohanesi yambatumake waa, Yahudi bage en'ndo otuma nagodeyaa, ae,” se nigeke. Se nigimai yako Yahudi bage ku kaa widaai yako Yohanesi yambatumaao kan sipi ku aii wisin'tami ndo.

Mandiusi 14:5 ပူးပေါင်းရင်းမြစ်များ

Mandiusi 11:9

“Ku kindo ko ekii maa ndani se maa me kaa peke se dodo me kaa kase mugo mee to deao kan pemea? Tau, Yahawee'm mina yaa-enei sisi na se nabi mee to deao kan wa mbo pemea, tau se? Ku koya Yohanesi wai aii miga nabi se mee to se ku tau. Wai ese ebo se nabi mee to, se kaseao kan sipa.

Mandiusi 21:26

“Yibanda kiyaa enii ‘Tau, Yohanesi me mee'm ndo yapeyaami mee to,’ se aseke kipii, yai, widaa ndeo. Kase enta mugo ndoe, ogu Yahudi bage en'ndo otuma ekii Yohanesi kaa se yanigina ko ‘Wai ese mike nabi se mee to, ae,’ se yanigigea. Ku kumana ‘Mee'm ndo yapeyaami mee to,’ se mina aseao widaa,” aseke. “Ku mee kooda waa nagodaambea kumana Yohanesi wai aii mee'm ndo yapeyaami mee to se mina ku nde miya aseao kana, ae, se nigeke,” aseke.

Dukasi 20:6

“Yibanda kiyaa enii ‘Tau, Yohanesi me mee'm ndo yapeyaami mee to,’ se aseke waa, yai, widaa ndeo. Kase enta mugo ndoe, ogu Yahudi bage en'ndo otuma ekii Yohanesi kaa se yanigina ko ‘Wai ese mike nabi se mee to, ae,’ se yanigigea. Ku kumana ‘Mee'm ndo yapeyaami mee to,’ se mina aseao widaa,” aseke. “Se ambewaake waa, ku yegea yako ogu Yahudi bage waa ekii'm oma nawoemana nambatumayaa,” aseke. “Ku kindo ko Yohanesi wai aii mee'm ndo yapeyaami mee to se mina ku nde miya aseao kana, ae,” se nigeke.

Edaseo Bage 4:21

Se asemana ko ebo bage ku akaai em yadaao gai koya, iyo. Yau-yau bage en'ndo otuma Anegisemee yapapa se aoo koena. “Anegisemee ai peao eo se mee to peao epi yakiyaame kumana paamee! Mataae!” se mina ku yau-yau bage en'ndo otuma se asetoo nakea se mina da. Ku se ku degea yako ebo bage ekii'm se asina ko “Aka'm tupeke mina ku waya aseke kipii kindo ko mike em kadaamba ndeo,” se aseke. “Mike em kadaamba ndeo,” se mina ku, ku oba ata semana ndo waa ko akaai yaa yapatatana peyaake ndo. Se.

Edaseo Bage 5:26

Se asemai se dodo me kaa ko Yahawee'm ee dito se bage nuwa, ekii moo wado ebo toke mee to me nuwa, ekii pedona Yahawee'm ee yoo da kaa pemake. Yoo da kaa pemana ko Yesiusi kaa yapeyaami bage ku bada madona peke. Oyu kan yaa wedona peke se ku tau. Aii bada madoke ndo. Ekii'm nigina ko “Oyu kan bada madoke kipii aii bage'm oma nawiimbea ee?” se nigeke kumana tunaa kan bada madoke.