Mandiusi 14:1 - Anegisemee'm Mina Kapuge

¹ Yesiusi wa'm mina eniwoo nai nuwa, wa'm abayai se kao awawoo nai nuwa, ku se ku awawoo nai se dodo me kaa ko ogiyoo Gadidea maa kaa wado ebo toke se mee to, Hedodesi me me, wa namba Yesiusi kaa mina yemai.

Mandiusi 14:1 ပူးပေါင်းရင်းမြစ်များ

Mandiusi 13:58

Wa'm okaa yoo togea se bage waa ku Yesiusi kaa dim wiya-wiya se aoo kumana wa kiyoo towee nai se dodo me kaa ko mee'm ese abayai awaao kana se kao ku ese mbeenaa ndo awami. Oba tau. Se.

Mandiusi 9:26

Ku semana ndo waa ko Yesiusi wa'm awapi se mina me mee kam mee kam pi-odeeniyaabuu semagea yako kiyoo maa kaa togea bage en'ndo otuma epi kidai.

Mandiusi 9:31

Yesiusi wai oyu kan se aseke koya iyo. Akaai wa mbo kam batana peta mugo ndoe wa kaa mina nde miya dopeana mee mbo donaa asinaa nakea. Ku kaa kiyoo kam me maa kaa togea bage en'ndo otuma ku Yesiusi kaa epi kimea.

Madakusi 8:15

Kena Yesiusi wa'm se asina ko “Padisi mbaya bage nuwa, ebo toke se Hedodesi nuwa, ekii'm edoondi ebo iisi na se edagi dea ku eki kaa meanina si kamaaniyaambea kao. Ku kindo ku taa kisi na dama dito taae,” se aseke.

Dukasi 23:15

“Waya wada nda ‘Peu se kao ona kaa miya awaan tau ae,’ se depa me ko me Hedodesi wa nde miya Yesiusi kaa depi mei! Dee, Hedodesi wai Yesiusi wa'm peu awapi se kao ona kaa miya diin tau kumana waya ni mbo yameyaapi nde!” aseke. “Ku kaa kiyoo ni'm mina dama nayewee,” aseke. “Mee me me wa'm peu-pau awai yako yambatumaao ndo sekii se mina ku ona kaa miya emi tau ae, se depa,” aseke.

Dukasi 3:1

Eduga ko Edoma bage ekii'm moo wado ese ata emi tau ebo toke se Kaiseda, wa ekaa da ko Tibediusi. Tibediusi wa ko wai ebo tona wado daamee endii pakei 15 omimi se dodo me kaa wa guna miyo bage waa ku se de. Ona me ekaa da ko Pon'tusi Pidatusi. Pon'tusi Pidatusi wa ko wai Yudea maa wado ebo toke se gubenuda mee to. Me ona. Ona me ekaa da ko Hedodesi. Hedodesi wa ko wai Gadidea maa wado ebo dito se mee to. Me wiya. Ona me ekaa da Pidipusi. Pidipusi wa ko wai Hedodesi wa'm winaamee. Pidipusi wa ko wai Itudea maa nuwa, Tadakonitisi maa nuwa, ku wado ebo dito se mee to. Me wido. Ona me ekaa da ko Diseaniasi. Diseaniasi wa ko wai Abidene maa wado ebo dito se mee to. Me wui. Ku bage ku ko ku Tibediusi wa'm guna miyo ebo tomea se bage waa.

Dukasi 3:19

Yohanesi wai oyu kan mina eniwoo nai se dodo me kaa ko wai Gadidea maa wado ebo tutai se Hedodesi wa kaa mina ku nde miya eniwoo simi. Dee, Hedodesi wai peu-pau oba awawoo nai kumana Yohanesi wa'm wa kaa se asina ko “Yai, Hedodesi wai ese dim'mba tau se kao oba awawoo nai,” se asimi. Kena ndo waa ko Hedodesi wai wawinaa'm ambii, Hedodiyasi me me, me oma yaake. Hedodiyasi oma yaake kumana Yohanesi wa'm waya se asina ko “Yai, ku nde miya dim'mba tau,” se asimi.

Dukasi 8:3

Kena ambii ona wai ekaa da ko Yohana. Yohana wa'm yimee to me ko me Kusea. Me Kusea me ko me, wai ese ata emi tau ebo toke se Hedodesi wa'm ee yaadito se mee to. Kena waya ambii ona wai ekaa da ko Siuseana. Kena ogu ambii waa ku nde miya Yesiusi mesema penaa siwoo simea. Aii se penaa se se ku tau. Yesiusi nuwa, wa'm tupinaa se bage waa ku nuwa, ku tao dama tosi na se kao yaawaao kan ku ambii ku Yesiusi mesema penaa sinaa simea. Ku taao kan ekii'm oto kao nuwa, ekii'm uwani ku nuwa, ku se ku aii se maniwoo simea.

Edaseo Bage 12:1

Se awake se dodo me kaa ko ese ata emi tau ebo toke se mee to Hedodesi wa ko wai Yesiusi mbaya bage kaa ese peu, bodi se kao yaawaao gai kumana wa'm se asina ko “Yesiusi mbaya bage ebanaa ku yaa pineana peniyada ee nda domoo siwee,” se aseke. Se asemana ko wa'm tentada bage ekii'm se awagea.

Edaseo Bage 13:1

An'diokiya kota okaa yoo toke se Yesiusi mbaya bage mesema andagatagea ku ko ebanaa ku nabi se bage waa, ebanaa ku Yesiusi'm mina kaa tupinaa se bage waa. Ku bage kuwa ekii ekaa da ko ona me ko Banabasi. Ona me ko Simeoni. Wa ekaa da Simeoni koya eba tukuu kumana ekii Nigeda se ekaa da maneke. Kena ona me ko Dukiusi. Wai Kidene okaa yoo kam memi se mee to. Ona me ko Menahemi. Me Menahemi me me, me eduga mbeedi se dodo ko wai ese ebo se mee to Hedodesi An'dipasi wa namba mbeedi se dodo me kaa wa mesema akaamoo simea se mee to. Kena takanu me ko me Seaudusi. Se.

Edaseo Bage 4:27

“Kena, Anegisemee woe. Daudi wa'm kaa-enimi mina ku mike pi-pam'dai. Dee, Hedodesi nuwa, Pon'tusi Pidatusi nuwa, Yahudi tau se bage waa ku nuwa, Isedeo bage waa ku nuwa, ekii Yesiusi mbeedi mbeaseao kan nakayoo Yedusedem okaa yoo me kaa andagatamea,” aseke. “Me Yesiusi me me, me a'm yapeyaame se Keditusi mei! Me a'm gai-gai kaa-awanaa se mee to mei! Wai si maaneke mbeenaa kaa miya emi tau koya ku ebo bage ku ko ekii andagatana Yesiusi kaa mina kapita simea.