Mandiusi 11:23 - Anegisemee'm Mina Kapuge

²³ “Kena Kapenaum okaa yoo togea se bage waa woe. Eki nde miya kui. Anegisemee wai Siduga maa me kaa kadotoo-patoo semai yako ebo katoyaasi baa! Waya na kiyaa asindaa si kadotaan ndo aii yugindaa mee bota da waa mbembo sisi na yoo kiyoo ndo kadomoo-pamoo taasi sima! Kase enta mugo ndoe, ni'm eki'm emaa misi kaa ese abayai, mee'm awaao kana se kao awawoo sima kuwa, ku eduga Sedomi bage mbo awake waa, ekii'm woo-woo se ku mbana-mbeasiyaa. Waya ku kaa kiyoo, si yapisime-mbeasiyaa,” aseke.

Mandiusi 11:23 ပူးပေါင်းရင်းမြစ်များ

Mandiusi 10:15

“Ese ndumbo mina kasiinka ndeo. Anikee waa mee'm awake-awake pikamoo taasi se gapi me aoo kaasi. Me gapi me ko eduga tomea se Sedomi bage nuwa, Gomoda bage nuwa, ekii'm woo-woo simea ku kaa em yadaasi. Ku em yadaasi koya ku mbeenaa etaa kan em yadaasi. Ese ebo em yadaasi se okaa yoo waa ku ko ku a'm mina kabeamea se bage waa ku kaa ese asiyoo kam asiyoo em yadaasi ndeo,” aseke. Yesiusi wa'm se asimi.

Mandiusi 16:18

“Waya mina ona kasiinka ndeo. A ekaa da ko me Petadusi. Me enii'm ebe kaa mina ‘Oma,’ se aseke mugo dodo. Kena me ko me mike mina. A'm sese me ko me oma mugo dodo. Kase enta mugo ndoe, a kaa kam ata ese em'mbee oyu se ee to mewoo taata koena. Dee, a'm ni kaa nasipe mina ku mee mbo eniwoo taase se dodo me kaa ko ogu bage ku ni kaa ‘Mike ae,’ se nanigaasea. Ku kaa kiyoo kam ni kaa ‘Mike ae,’ nigimagea yako andagataasea bage waa ku ese oba se yakiyaabuu siwoo taata. Ese em'mbee ee meeta mugo dodo. Waya wada nda a'm asipe mina ku kaa ekii'm tuku wemana kusipimaasea se mina kumana Ibedisi nuwa, wa'm yaa da kaa mee yaboyaasi na se yaa mani da nuwa, ku ni mbaya bage mbeedi yambeaseke sekii tau. Aii oyu ndo se towoo semuu taasea kui,” aseke.

Mandiusi 17:24

Kisena ndo waa ko Yesiusi mesema wa'm tupinaa se bage waa ku mesema ekii Kapenaum okaa yoo me kaa pemake. Me kaa pemana ko payaki uwani masiwoo nakea se bage waa ku kiyoo aoo. Ekii'm masiwoo nakea se payaki uwani ku ko ku ogiyoo Yedusedem okaa yoo Yahawee'm okaa ee me maanisi na se payaki uwani waa. Kena ku bage ku ko ekii Petadusi mbo memana se amba dena ko “A katupeke mee to, Yesiusi me me, wa'm sese kase? Wa namba Yahawee'm okaa ee maanisi na se payaki uwani naa ediwoo sipi yee? Ediwoo taan tau yee?” se aseke.

Mandiusi 4:13

Kisena ndo waa ko Naseadesi okaa yoo batana waya muuna Kapenaum okaa yoo me kaa pi-towee nai. Kapenaum okaa yoo me Gadidea uu ndoo da kibu da kaa kiyoo aoo se okaa yoo. Me maa me ko me Isedeo bage ekii'm taii wiya akaa'm maa, Sebudoni taii nuwa, Napatadi taii nuwa, ekii'm maa.

Mandiusi 8:5

Se awamana ndo waa ko Yesiusi waya muuna Kapenaum okaa yoo me nda pi-ndemeke. Me nda pi-ndemina ko Edoma bage'm ebo se tentada mee to ona aoo. Mee me me, wa guna miyo tentada bage waa, ekii mee ndo mee edibi aoo. Kena wai Yesiusi mbo ukii se dodo ndoe wa ese oyu kan se yaedaana ko

Dukasi 10:15

Kena Yesiusi'm waya se asina ko, “Kapenaum okaa yoo togea se bage waa eki nde miya kui. Anegisemee wai Siduga maa me kaa kadotoo-patoo semana na ebo katoyaasi baa! Waya na kiyaa asindaa si kadotaan ndo aii yugindaa mee bota da waa mbembo sisi na yoo kiyoo ndo kadomoo-pamoo taasi sima!” aseke.

Dukasi 14:11

“Ku kaa kiyoo, ni'm katupaao kan sipa mina me ko me se de. Ekii kaa to ebo mbeasipea se bage waa ku Anegisemee wa'm mbeedi yakiyaabuu taasi se bage waa,” aseke. “Waya na kiyaa, ekii kaa to mbeedi-mbeedi semapea se bage waa ku Anegisemee wa'm ebo yakiyaasi se bage waa,” aseke. “Ku kumana eki kaa to si dodo taae, se kaseao kan sipa,” aseke.

Dukasi 16:23

Maa yiba manemana ko wa'm dimina da dopeana dimi peu se bage bota-pata ku mbo pi-toyaake. Ekii mbo pi-toyaana ko wai ese, ese bodi ababa semuu nai. Ese bodi ababa semuu sita mugo ndoe, ese, ese bende kaa asiyoo iyataai ndoe Abedaham mesema Daseadusi, akaa deke.

Dukasi 4:23

Se asemana Yesiusi wa'm se asina ko “Eki'm naseao gai se mina ebeabea da ni epi. Me mina ebeabea da me ko me se de. ‘Dotodo se mee ona wai wa'm kee ku wa kaa to nde miya yadano kiyaake bada, wa'm yau-yau bage yadano kiyaabuu nai mugo dodo,’ se mina ebeabea da. Kena ni'm kadena ko eki me mugo mina naseao gai se kadeo. Kase enta mugo ndoe, yau-yau bage ogiyoo Kapenaum okaa yoo kiyoo ni ese abayai mee'm awaao kana se kao yaawawoo sima. Ni'm awama ku nakayoo bage eki'm yegea yako eki'm naseao gai se mina me ko me se de. ‘Yesiusi woe. A'm ogiyoo Kapenaum okaa yoo me kaa yaawawoo sime ku nakayoo nde miya a'm okaa yoo kiyoo, dodo naawaae. Yau-yau bage ekii mbo ndo awake ku enii be,’ se naseao gai, tau se,” aseke.

Edaseo Bage 2:27

‘Dee, boke ko boke koya bota ndo se tai se ku tau. Ni'm dim'mba me mee bota da yoo pemana kiyoo si nawisin'taambi koena,’ asimi. ‘A'm gai-gai ku ese ndumbo ndo kaawanaa se mee to aii dibeoyaake ku a be kumana iyo. Kum seta kaa ese bani-bani se aoo ae, se nigeke,’ asimi.

Edaseo Bage 2:31

Anegisemee'm mina masimake kumana anikee waa aoo kaasi mina ku diin tau yoo deao sekii kimi. Dee, Keditusi wa'm maa poo yoo ndomake mina ku aii dodo nde miya uwa da kaa yaa-enimami. Ku kumana wa'm aii dodo se enina ko ‘Boke ko boke koya wa'm dim'mba me mee bota-pata koo manei se yoo me kaa pemana kiyoo si yawisin'taambi. Wa bota da si dibeoyaambi,’ se yaa-enimami,” aseke.

Yudasi 1:7

Kena ona me ko Sedomi okaa yoo nuwa, Gomoda okaa yoo nuwa, ogu yau-yau okaa yoo waa ku nuwa, ku nde miya dodo kimea. Dee, ku bage kuwa ekii tubaka oba awamea. Waya wada nda ese apea, ese si maaneke se tubaka ku kaa nde miya dim peta semuu simea. Ku se ku awatakea ae se demai yako Anegisemee wai aii se wisin'taan tau. Ku em yadaao kan bidea me yaponoyaabuu simi, me ona, wido. Ku wido ku kaa kiyoo enii'm nigaao sekii se mina me ko me se de. Peu-pau awawoo simea bage ku em yadaao kan deowaao kana se bidea ku nda yadomoo-pamoo semana em yadawoo taasi ae. Aii omiwoo towoo bodi ababa semuu taasea ae. Se ku nigaao sekii. Kum seta kaa peu-pau awake ku kaa awaao widaasea na, “Mike ae,” nigaao beamea se Isedeo bage waa ku kaa nuwa, dim peu se epo wado bage waa ku kaa nuwa, peu-pau awawoo simea se okaa yoo waa ku kaa nuwa, ekii kaa em yadami se mina ku kaa si andibuu taae. Se kaseao kan sipa.

Wahayu 1:18

“Eduga ko ni boma ko boma koya waya wadobo boke sekii tau. Ese ndumbo mina kasiinka ndeo. Ni ko ese mike si bona ndo omiwoo towoo semuu naka kui,” se nasimi. “Mee boyaao sekii se yaa mani da me nde miya ni guna miyo se kao. Mee bota-pata koo manei se yoo me nde miya ni guna miyo dito se kao. Ku kaa kiyoo mee bota-pata ku yaa patatana maa poo yoo yandomei taao sekii se mee to me ko me ni,” se nasimi. “Ku kumana si nawidaae,” se nasimi.

Wahayu 11:8

Akaa'm boke yoo me ese em'mbee Yedusedem okaa yoo me kaa kiyoo boke. Yedusedem okaa yoo me ko me eduga akaa'm Tuhani wa'm eda piya aoo se piya tukuu me kaa yugumana bomi se okaa yoo, mei! Kiyoo togea se bage ekii'm dimina waa ku ese si maaneke kumana me okaa yoo me waya ekaa wiya aoo. Ona me ko Sedomi okaa yoo. Ona me ko Mesida. Ku mugo ekaa da waa aoo, epoo bage ekii dimina mbiseoo kumana. Kena me okaa yoo me kaa kiyoo Yahawee'm mina yaa-enei se bage akaa ndepi mbatumaasea se dema. Akaai boke se dodo waa ko akaa bota da ku me okaa yoo me nda em'mbee enda da me kaa boke. Me kaa bona ko maa yiba manemaan tau. Kiyoo ndo omitakea, se dema.

Wahayu 6:8

“Mee!” se mina woeweta mugo ndoe, abayai! Iuu gitaba epoda se kuda kamino dema. Kena wa'm duwa da kaa animai mee to wa ekaa da ko “Mee Boyaabuu nai” se mee to. Kena Mee Boyaabuu nai se mee to wa ogudi mitai me ko me ekaa da ko “Mee bota-pata mbembo se yoo,” se mee to. Kena Anegisemee wa'm akaai se asina ko “Maa kaa togea bage ku ende-mbatumei taae,” se aseke. “Ku ende-mbatumei se koya otuma se ku tau. Ona yambatumake, wido mbeu. Ona yambatumake, wido mbeu. Kisee, maa en'ndo otuma kui,” se aseke. “Ku kita yambatumei-pai se dodo me kaa ko yado-yado, namo apuu - namo apuu, mee buwaa - mee buwaa, yóo se emii - yóo se emii, ku mugo kao ku kaa kiyoo mee tuma kaa bage pi-yambatumei siwee,” se aseke. Se asemana ko akaai pidoseomigea.