“Ese ndumbo mina kasiinka ndeo. Anikee waa mee'm awake-awake pikamoo taasi se gapi me aoo kaasi. Me gapi me ko eduga tomea se Sedomi bage nuwa, Gomoda bage nuwa, ekii'm woo-woo simea ku kaa em yadaasi. Ku em yadaasi koya ku mbeenaa etaa kan em yadaasi. Ese ebo em yadaasi se okaa yoo waa ku ko ku a'm mina kabeamea se bage waa ku kaa ese asiyoo kam asiyoo em yadaasi ndeo,” aseke. Yesiusi wa'm se asimi.
Mandiusi 11:22 - Anegisemee'm Mina Kapuge22 “Ku kaa kiyoo kam ni'm kasiinka mina ku dama nayito taae. Anikee waa mee'm awake-awake pikamoo taasi se gapi, eduga tomea se Sidusi bage nuwa, Sidoni bage nuwa, ekii kaa em yadasi na aya ku mbeenaa miyo. Ku koya ese ebo em yadaasi se bage ku ko ku endo togea se Kodasim bage nuwa, Betaida bage nuwa, ku eki'm dim mbiseoo ku ese wa-nini kumana eki kaa em kadasi na aya ku nde miya ese asiyoo wa-nini kaasi,” se aseke. အခန်းကိုကြည့်ပါ။ |
Mandiusi 11:22
22 ပူးပေါင်းရင်းမြစ်များ
“Kodasim okaa yoo me nda togea bage waa ku nuwa, Betaida okaa yoo me nda togea bage waa nuwa, ni'm eki kaa ‘Ka! Ka! Widaa ndeo! Be, be as!’ se kanigeo,” aseke. “Kase enta mugo ndoe, ni'm eki mbo ese abayai mee'm awaao kana se kao ku oba kaadeyaabuu sima koya aii bada ndo. Dim mbiseoo ndo se tutakea se kadetaka. Ku kaa kiyoo kam anikee waa eki kaa em kadaasi yoo me ese wa-nini kaasi. Ku kaa ‘Be, be, aa-oo. Wai, wai, peeto!’ se kanigeo,” aseke. “Ese edugana ko Sidusi okaa yoo nuwa, Sidoni okaa yoo nuwa, ku nda tomea bage waa ku ese dim peu se bage waa. Ku ese dim peu se bage tomea koya ni'm abayai awawoo se kao ku ekii mbo yaadeyaake waa, ekii'm woo-woo se ku mani mbana-mbeasiyaa. Waya ekii'm woo-woo se kaa dim bodi kan peu se duka mata-pata semana au ku ekii moo kaa ekii kaa to pawita siyaa,” aseke.
“Ku kaa kiyoo ni'm kaseao kan sipa mina me ko me se de. Anikee waa mee'm awake-awake ku ndamana pikamoo taasi se gapi aoo kaasi. Me gapi me ko eduga tomea se Sedomi bage ekii'm woo-woo simea ku kaa em yadaasi. Ku em yadaasi koya ku mbeenaa miyo. Ese ebo em yadaasi se bage ku ko ku Kapenaum okaa yoo togea se bage eki! Eki'm dim mbiseoo ku ese wa-nini kumana ku kaa ese asiyoo kam asiyoo em kadaasi ndeo,” aseke. Yesiusi wa'm se asimi.
“Eki'm eneke mina ku eki'm dimina uwa pana desi na se kao kumana anikee waa Anegisemee wai mee'm sese ndamana pikamoo taasi se gapi me kaa ko eki'm enimea-enimea mina ku otuma kandamaasi. Dama se mina eniwoo simamea kipii kindo ko ‘O a dim ndumbo se mee to kumana si em kadaamba,’ se kasiisi. Yibanda kiyaa si maaneke mina eniwoo sime ndo kipii kindo tau. ‘O, em kadaamba ndeo,’ se ku ndo kasiisi. Ndumbo kaseo. Mee'm dama si nigi si pekea yako aii si maaniyaake mina aseke kipii kindo ku mugo mina ku otuma ku kaa nde miya Anegisemee wai ‘A mbao nigina si maaniyaake mina asime naa ya?’ se kasiisi. Ku kaa nde miya mina daasea, sima,” aseke. Yesiusi wa'm se tupimi.
“Ku kaa kiyoo mee'm awake-awake pikamoo taasi se gapi, eduga tomea se Sidusi bage nuwa, Sidoni bage nuwa, ekii kaa em yadasi na aya ku mbeenaa etaa. Ku koya ese ebo em yadaasi se bage ku ko ku endo togea se Kodasim bage nuwa, Betaida bage nuwa, eki'm dim mbiseoo ku ese wa-nini kumana eki kaa em kadasi na aya ku nde miya ese asiyoo wa-nini kaasi,” se aseke.
Ku kindo Anegisemee'm okaa mee tupisi na mina me ebo ko ebo koya mbeenaa miyo. Ese asiyoo kam asiyoo abayai se mina me ko me Anegisemee wa'm em si nadan ndo omiwoo towoo natoyaabuu sisi na se mina da. Me ese ebo. Ku kaa kiyoo kam enii'm nigaao sekii se mina me ko me se de. Eduga ko mbeenaa miyo se mee tupisi na mina ku tamake kindo em yadake ndo. Ku kindo endo ko Anegisemee wa'm ese abayai se mina me kaa duwa matapi se bage waa ku Anegisemee wa'm ba si gamitana mike em yadaasi se bage sima! Se ku ndo nigaao sekii. Enii'm woo-woo se ku kaa em si nadan ndo omiwoo towoo toyaasi na se mina me ko me Tuhani wa'm kita enimi se mina da. Kena wa'm mina yemea se bage waa ekii wa'm mina masewena enii mbo mi-nasei simea.
Ku kindo ko ni'm mina ku kaa kiyoo kam enii'm Tuhani wa kaa yanigaao sekii se mina me ko me se de. Ona me ko Anegisemee'm mina yaa mu-mu nakea se bage waa ekii'm widigi aoo se tuta se yoo ku yaadano kiyaana dama yatoyaabuu taao sekii se mee to me Tuhani. Me wa'm ese awaao epi se kao koena, me ona. Kena ona me ko peu-pau yaa mu-mu nakea se bage waa ku anikee waa Anegisemee mesema mina aoo kaasea. Me gapi me kaa pakemai ndoe, Anegisemee wai ekii kaa mina moo tukitana ese okaa em yadaasi sima. Ku taao kan me gapi pakemaan tau kam miyo Tuhani wai ku mugo bage dito taao epi kumana ooke sekii tau. Ku mike em yadaasi sima, me ona.
Ku kindo ko Anegisemee wa'm enimi mina me kaa kiyoo kam epo nuwa, maa nuwa, ku otuma aoo kiyaabuu simi. Kisena ndo waa ko endo nde miya wa'm mina da me kaa kiyoo kam epo nuwa, maa nuwa, ku otuma kidaa ndo yaosipita siyaabuu nai. Mbao awaao kan kidaa ndo yaosipita siyaabuu nai ee, enta mugo ndoe, tau na. Anikee waa Anegisemee wai wa'm gai-gai awaao be se bage waa ekii kaa mina moo yatukitana yaekide-mbeasiisi. Kena me gado me kaa ko epo nuwa, maa nuwa, ku en'ndo otuma ku nde miya bidea kaa yawideonoyaabuu taasi. Ku kumana ku se ku awaao kan endo se gumba mani yadano kiyaan tau. Aii kidaa kan yaosipita semuu nai ndo. Se.
Enii ko enii Yesiusi wa'm sipi dodo ekokedona ogu bage kaa yaembaawoo nakea kipii kindo ko me gado mee kaa kiyoo Anegisemee wa'm enii nduwawe kam awaao kan sipi ku mike pi-pam'dai. Waya wada nda enii Yesiusi wa'm sipi mugo ekokedoke kumana anikee waa Yesiusi wai mee'm sese ndamana pikamoo taasi se dodo me kaa enii mbugu tau kaasea. Aii, dimina etaa kan wa mbo pi-ade taasea.
Ken ndo waa ko ni'm se dena ko ese em'mbee pode da se ebo animana ta se yoo dema. Waya me kaa animana tai se mee to me nde miya dema. Ku se ku deta mugo ndoe, maa nuwa, epo nuwa, ku otuma egidaseopi se dema. Me kaa animai mee to wa kaa widaagea yako wa mbo kam oopea mugo dodo, se egidaseopi. Ku se ku ese okaa egidasiyaai yako waya wadobo deke mike iyo, se dema.
Kena ebo animana tai se mee to wa'm egi kaa inewena takea ku ko ku eduga bomea se bage waa maa poo yoo yandomai yako kiyoo inewena takea se dema. Ku bage kuwa ekii ebo tomea se bage waa ku nuwa, mbeedi tomea se bage waa kuwa, ku mugo bota-pata kooda waa se dema. Waya maakaa uwo ndoo da nda bomea se bage waa ku nuwa, mee bota-pata mbembo simi yoo kiyoo kam memapea se bage waa ku nuwa, ku bota-pata se bage en'ndo otuma maa poo yoo yandomana kiyoo inewena takea se dema. Ku se ku dena ko kapuge kooda waa ku namba kiyoo aoo ae se dema. Kapuge ona me ko me omiwoo towoo tuwaasea se bage waa, ekii ekaa da waa wudumami se kapuge, me ona. Kena ogu kapuge kooda waa ku ko ku mee'm awamea-awamea mina waa ku wudumei siwoo sipi se kapuge waa. Ku kapuge ku ekatai se dema. Mbao kaa ekatake ee? Tau. Bota-pata se bage ku ndumbo ndo em yadaao kan ekai-pai semai se dema. Ekai-pai semana ekii'm awamea-awamea mina ku ndamataina “Me dama. Me peu. Me dama. Me peu,” se pikamoo siwoo nai se dema. Ekii'm peu-pau ku oba awamea ae se ndamapi kipii kindo ebo em yadasi na aya yadotaake. Mbeenaa ndo kipii kindo mbeenaa ndo em yadasi na aya yadotaake. Ku kaa kiyoo ekii kaa moo tukitake mina waa ku otuma dodo tau koya otuma ndumbo ndo moo yatukita nai se dema.
ကြော်ငြာတွေ