Ku kumana ko Abedaham wa'm bea da kam ata kisee Daudi wa'm bea da kam miyo, epopi nda kuwa, ku bea da waa haas kumana bado kaa wui. Kena Daudi wa'm bea da kam ata kise yape bage'm Yahudi bage yaa pineana Babeo maa kaa pi-mbeaseke se bea da me kaa miyo, epopi nda kuwa, ku bea da waa haas kumana bado kaa wui. Kena Babeo maa kaa pi-mbeana dai kaa waa ko kisee Keditusi wa'm bea da kam miyo, epopi nda kuwa, ku bea da waa ku nde miya haas kumana bado kaa wui. Se.
Mandiusi 11:2 - Anegisemee'm Mina Kapuge2 Yesiusi wa'm se awanaa se se dodo me kaa ko ogiyoo wa-nini yoo kiyoo Uwo Ndoiba Mee Takumiyaabuu se Mee to, Yohanesi me me, wai peniyada ee nda ndigi. Kiyoo ndigi se dodo me kaa Yohanesi wa'm se yena ko, Keditusi wa'm awake-awake mina ku kaa mina yeke. Ku yena ko Yohanesi wai wa'm tupinaa se bage waa ku Yesiusi mbo yapeyaake. Wa'm Yesiusi mbo bubaao kan sipi mina ku pi-asisi na yapeyaake. အခန်းကိုကြည့်ပါ။ |
Mandiusi 11:2
11 ပူးပေါင်းရင်းမြစ်များ
Hedodesi wa'm asipi mina ku aii se asipi se mina se ku tau. Dee, eduga ko Yohanesi mbatumaan tau yoo, Hedodesi wa'm winaamee ko Pidipusi. Pidipusi wai ambii aoo. Pidipusi wa'm ambii me ekaa da ko Hedodiyasi. Kena me Hedodiyasi me me, me Hedodesi wa tao oma masimi. Wa tao oma masimana ko Yohanesi wa'm Hedodesi se asina ko “Hedodesi woe. A winaa buwaan tao yoo, wa'm ambii maseke me si maaneke. Kase enta mugo ndoe, Musia'm wudumami se kapuge me nda ‘Daa, si awaae,’ se mina ku a'm tamape kumana me si maaneke se kaseo,” se asimi. Yohanesi wai me mugo mina oba asiwoo simi kumana me ambii me me wai Hedodesi se asina ko “Yohanesi yapamitana peniyada ee nda ndomake bada,” se asimi. Se asimi kumana Hedodesi wai wa'm tentada bage ku se asina ko “Yohanesi me pi-yapamitawee,” se asimi. Yohanesi pi-yapamitana ko Hedodesi'm waya se asina ko “Wa'm yaa-yaa, bado-bado ku one pai wetana peniyada ee nda naadomaawee,” se asimi.
Mbao kaa naa se enta mugo ndoe ee? Tau, eduga ko Yohanesi mbatumaan tau yoo, Hedodesi wa'm winaamee ko Pidipusi. Pidipusi wai ambii aoo. Pidipusi wa'm ambii me ekaa da ko Hedodiyasi. Kena me Hedodiyasi me me, me Hedodesi wa tao oma masimi. Wa tao oma masimana ko Yohanesi wa'm Hedodesi se asina ko “Hedodesi woe. A winaa buwaan tao yoo, wa'm ambii maseke me si maaneke. Kase enta mugo ndoe, Musia'm wudumami se kapuge me nda ‘Daa, si awaae,’ se mina ku a'm tamana awape kumana me si maaneke se kaseo,” se asimi. Yohanesi wai me mugo mina oba asiwoo nai kumana me ambii me me wai Hedodesi se asina ko “Yohanesi yapamitana peniyada ee nda ndomake bada,” se asimi. Se asimi kumana Hedodesi wai wa'm tentada bage ku se asina ko “Yohanesi me pi-yapamitawee,” se asimi. Yohanesi pi-yapamitana ko Hedodesi'm waya se asina ko “Wa'm yaa-yaa, bado-bado ku one pai wetana peniyada ee nda naadomaawee,” se asimi.
Yohanesi wai oyu kan mina eniwoo nai se dodo me kaa ko wai Gadidea maa wado ebo tutai se Hedodesi wa kaa mina ku nde miya eniwoo simi. Dee, Hedodesi wai peu-pau oba awawoo nai kumana Yohanesi wa'm wa kaa se asina ko “Yai, Hedodesi wai ese dim'mba tau se kao oba awawoo nai,” se asimi. Kena ndo waa ko Hedodesi wai wawinaa'm ambii, Hedodiyasi me me, me oma yaake. Hedodiyasi oma yaake kumana Yohanesi wa'm waya se asina ko “Yai, ku nde miya dim'mba tau,” se asimi.
Yesiusi wa'm tupinaa se bage waa eki'm se awawoo nakea se dodo me kaa ko ogiyoo Gadidea maa kaa wado ebo toke se mee to, Hedodesi me me, wa namba ekii'm awanaa nakea ku kaa mina yemai. Ku kaa mina yemana ko wai Yesiusi kaa dimina abu-gabu se kidai. Ku kindo wai abu-gabu se kan se nigina ko “Yai, me Yesiusi me me, me mii?” se nigi si pe nai. Kase enta mugo ndoe, ebanaa bage ekii'm asina ko “Tau, me Yesiusi me ko me Yohanesi bota da ae se deo,” se asigea. “Me Yohanesi bota da me eduga uwo ndoiba mee yatakumiyaabuu simi se mee to. Me bota da me me maa poo yoo ndomapi ae, se deo,” se asigea. Ebanaa bage ekii'm se asigea kumana Hedodesi wai dimina abu-gabu se.
Yesiusi wai mina tupeke se dodo me kaa mee kooda waa ku wa mbaya oba anewegea. Wa mbaya oba anewegea se dodo me kaa ko wa'm tupinaa se bage ku ko ekii ku mee kooda waa uwo ndoiba yatakumiyaabuu se. Ku Yesiusi wa'm awake se ku tau. Wa'm tupinaa se bage ekii'm ndo uwo yatakumiyaabuu simea. Se awawoo nakea se mina ogiyoo Padisi mbaya bage ekii namba yegea. Ekii'm se yena ko “Endo ko Yesiusi wai mee waa ku wa mbaya tupewei yako ese oba kiyaabuu siwoo nai. Kena wa'm uwo ndoiba yatakumiyaabuu nai se bage waa ese oba kiwoo sipea. Yohanesi mbaya mbeenaa miyo,” se mina yepea. Ku mina yemana ko mee ona medona Yesiusi mbo se asina ko “A mbaya oba kiwoo sipea se mina, me Padisi bage namba yepea,” se aseke.
ကြော်ငြာတွေ