Mandiusi 1:1 - Anegisemee'm Mina Kapuge

¹ Me kapuge me ko me Yesiusi Keditusi wa kaa mina kapuge. Yesiusi Keditusi wa ko wai Anegisemee'm wa-nini wenimana daa yambeasipi mee to. Me mina me Yesiusi Keditusi wa taii kaa eedoo bage'm one dake mina da. Yesiusi Keditusi me me wa'm taii to ko Daudi. Daudi wa'm taii to ko Abedaham.

Mandiusi 1:1 ပူးပေါင်းရင်းမြစ်များ

Mandiusi 1:18

Yesiusi Keditusi wa'm one yadami se mina da ku kasiinka ndeo. Mee ona me ko Yusepi. Kena wai Madiya, Yesiusi wayoi me yamaseao kaa mina ku mike mina bota. Ku ambii mina ku mike mina bota koya akaai akaa bubee kaan tau yoo me kaa “Ai, ai, Madiya wai daba aoo, ae,” se nigimi. Madiya wai daba aoo me ko me Anegisemee Dim'mba'm aoo yakiyaami koena.

Mandiusi 1:2

Ese eduga edugana ko Abedaham wa'm yuwa ko Isiaki. Isiaki wa'm yuwa ko Yakubi. Yakubi wa'm yuwa ku ko ku Yehuda nuwa, ekiikinaa bage ku nuwa.

Mandiusi 15:22

Me maa me kaa pemata mugo ndoe kiyoo toke se ambii ona me Yesiusi mbo ukii. Me ambii me ko me Yahudi ambii se ku tau. Me Kanakani ambii to. Kena me ambii me me, me Yesiusi mbo ukita mugo ndoe wai mina ebo mbeana se eniwoona ko “Ni'm ebo se Tuhani woe. Daudi wado one yadami se Yombai woe! Nagane kaae! Niyopane ogiyoo wa'm epuyiba nda mbaa aoo kumana wa'm bodi ababa siyaabuu nai ku se ene! Ku kindo ni kaa nagane kina me mbaa me naapeyaae! Me naapeyaae!” se eniwoo nai.

Mandiusi 3:16

Uu ndoiba yatakumewena ko Yesiusi wai ii da kaa pakaaneke. Waya ii da kaa pakemai ndoe, kuhai-kuhai epo wado asindaa Siduga maa kaa ebe da aoo kidai. Ebe da aoo kina ko Anegisemee Dim'mba wai umau bido mugo agidimana Yesiusi mbo endaanii se dei.

Mandiusi 9:27

Yesiusi wa kiyoo kam waya muuna peta mugo ndoe emaa diyoo aoo se bage akaa wiya ku Yesiusi ogudi metakea. Yesiusi ogudi metakea se dodo me kaa mina ebo mbeana se asina ko, “Daudi taii kaa Yombai woe, nagane kaae! Daudi taii kaa Yombai woe, nagane kaae!” se asi pe siwoo nakea.

Yohanesi 7:42

“Kase enta mugo ndoe, Anegisemee'm mina kapuge se nanige-manena ko Keditusi mee to me ebo tomi se Daudi, wa'm wado one daasea se mee to, me ona. Ona me ko wai Bendedehem okaa yoo, Daudi wa'm ebo kimi se okaa yoo me me, kiyoo kam aoo kaasi se mee to, me ona. Ku amanimamea mina wiya ku kaa kiyoo Yesiusi wai Keditusi mee to tau se deo,” aseke.

Edaseo Bage 2:30

“Daudi wa mike bomi koya eduga ko buwaan tau se dodo me kaa ko wai Yahawee'm mina yaa-enei se mee to se tomi. Ku kumana ko Anegisemee wai wa'm ese okaa ndumbo mina ku Daudi mbo se enina ko ‘Daudi a'm wado one daasi mee to wai ese a kaa a'm sese mugo yakiyaata. Ese ata emi tau se ebo se mee to se yakiyaata,’ se eneke. Me mugo mina me Daudi mbo se eneke se gumba ndoe, Daudi wai Anegisemee'm mina masimake.

Edoma 4:13

Ese eduga ko Anegisemee wa'm Abedaham mbo ba-gamitaao kana se mina ona me se asina ko “A nuwa, a'm wado one daasea se bage waa ku nuwa, ku eki tao kanena ko maa en'ndo otuma, mee en'ndo otuma kaniita,” se asimi. Se aseke se dodo me kaa ko wai mbao kaa dena se asimi naa ya? Abedaham wai Anegisemee'm okaa mee tupisi na mina ku dama yaa mu-mu nai ae se dei yako se asimi yee? Tau na! Abedaham wai Anegisemee'm mina kaa “Mike ae,” se nigimana dim ndumbo se mee to ae se demi. Se dei yako Anegisemee wai “Mee en'ndo maa en'ndo otuma kaniita,” se asimi.

Edoma 9:5

Ona me ko ekii'm eedoo bage ku aii bage waa se ku tau. Ku Abedaham nuwa, Isiaki nuwa, Yakubi nuwa, ku mugo eedoo bage waa, me ona. Kena ona me ko ku taii kaa kam wado one dana ko Keditusi se mee to one yadamea mei, me ona. Keditusi wa ko wai aii miga mee to se ku tau. Wai maa nuwa, epo nuwa, se-kao we-kao ku nuwa, ku wado ebo toi se Anegisemee mei! Yai, enii wa kaa ese si dan ndo “Paamee. Mataae,” se mina ku ndo eniwoo semuu taao ndo bada. Aii omiwoo towoo semuu nakea kui. Ku kasipa mina kuwa ku enii Isedeo bage waa enii'm sese kui. Ku koya aii bada ndo. Enii ese oba mugo Keditusi kaa “Mike ae,” se yanigaao be koena.

Gadasiya 3:16

Ese eduga ko Anegisemee wai Abedaham mbo dama tosi na mina yaadotaami. Dama tosi na mina yaadotaami se dodo me kaa ko me Abedaham kaa nuwa, wa'm wado one daasi mee to me kaa nuwa, akaai kaa akaai tao ba-gamitaao kana se mina yaadotaami. Akaai tao ba-gamitaao kana se mina yadotaata mugo ndoe Anegisemee wai Abedaham mbo se asina ko “A'm wado one daasea bage waa,” se asimi se ku tau. Wa'm asina ko “A'm wado one daasi mee to,” se asimi. “Bage waa,” se mina asimi waa, “Mee oba ae,” se nigiyaa. Ku koya “mee to,” se asimi kumana “Ai, ai. Me ese ona ndo se Keditusi wa kaa ba-gamitaao kana se mina asimi ae,” se nigaao sekii.

1 Timotiusi 2:5

Ese kasiinka ndeo. Anegisemee wai mike ona ndo. Kena enii'm epota kaa mee to me nde miya ese ona ndo, Keditusi Yesiusi wa ko. Enii Anegisemee mesema apoesi na Yesiusi wai enii kaa enii tao epota kaa mee to kimami koena.

2 Timotiusi 2:8

Timotiusi woe. A'm dimina da me si katu kise na Yesiusi Keditusi wa kaa mina ku si andibuu taae. Dee, Yesiusi Keditusi wa ko wai ese ata emi tau ebo tomi se Daudi wa taii kaa one damea se mee to. Wai Anegisemee wa'm maa poo yoo yandomami se mee to. Ku enii tao dama tosi na mina ku ko, ku ni'm eniwoo naka se mina waa. Ku se ku si andibuu taae.

Wahayu 22:16

“Ni ko ni Yesiusi. Ese ata emi tau ebo tomi Daudi, wa'm wado one damea mee to me ni,” asimi. “Kena ni'm sese ko ni aweao pasi se dodo ndoe mbane-mbane petai se okude wa'm sese mugo dodo se mee to. Ni ko ni ese yipi se gumba aoo kiyaabuu taamba se mee to koena,” asimi. “Kena me epo wado mee to me me, wa'm kasipi mina ku ni'm yamatana mi-kasipi mina waa. Dee, ni kaa andagatagea se bage eki ko eki ku mina yemana ‘Ku ndumbo mina waa ae,’ se nigisea na ni'm epo wado mee to ona wa kaa yamatana eki mbo kameyaapa,” asimi. Yesiusi wa'm se asimi.