Ku kumana Anegisemee wa'm nigina ko “Ekii'm ego kiyaake se kao ku kaa dimi peao gai kumana bada o bada. Ku guna miyo ndo tosea,” se nigeke. “Ku guna miyo ndo tosea,” se nigimai yako ekii'm ambii waa ku ko ekii akaa bae'm sese wisin'take ndo. Akaa bae'm sese wisin'take kindo ambii waa ku ogu ambii kaa dimi peke aoo. Waya ambii mesema ambii amage se kidai.
Kodose 3:5 - Anegisemee'm Mina Kapuge5 Eki ko eki Keditusi mesema maa poo yoo ndomapea se bage waa kumana eki nduwawe mee tuma kaa dimina da waa ku nde miya yaboyaabuu taae. Mee tuma kaa dimina ku yaboyaabuu taao kan tubaka nuwa, apea se kao ku nuwa, ku si awaae. Dim peke se dimina me nuwa, peu-pau awaao kan “Awaao oowoo,” se dimina me nuwa, ku nde miya si nigaae. Kena se-kao we-kao ku kaa dimoke se dimina me mbae da se anegisemee yapapa se mugo dodo kumana, me mugo dimina me nde miya yaboyaabuu taae. အခန်းကိုကြည့်ပါ။ |
Kodose 3:5
34 ပူးပေါင်းရင်းမြစ်များ
“Bada o, awas,” se nigimana dai kaa waa ko ku bage ku ko ekii'm woo-woo se ese wa-nini kidai. Eake sekii tau. Kena ekii'm peu-pau awake nde miya dodo. Ekii'm si maaneke nde miya dodo. Ekii'm woo-woo se kuwa mee'm kao ku kaa nuwa, mee'm dama toke yoo ku kaa nuwa, ku kaa ese dimoke aoo. Mee aii se mbatumake nde miya aoo. Awisine se nde miya aoo. Mee yadeba se nde miya aoo. Mee kaa dimi iyeke nde miya aoo. Ekii mee ekaa da waa peu yakiyaabuu taao kan mee agumee mbo peu yakiyaake se mina donaa asinaa se nde miya aoo.
Eduga ko enii'm woo-woo se ku enii'm moo wado ebo tomea. Mbeedi mbeaseke sekii tau. Enii'm woo-woo se ku enii dimina yaa napineana woo-woo taao gai se dimina ku ndo nakumawoo se. Se nakumawoo se koya endo ko tau. Dee, Keditusi wai eda piya aoo se piya tukuu me kaa paku wemana boke se dodo me kaa ko enii'm woo-woo se aoo se dimina da me namba wa mesema boke. Enii'm moo wado woo-woo se yaa mani da ku dano kisi na enii'm mee tuma kaa dimina me Keditusi mesema boke.
Ku ni'm ese yeao gai se mina koya iyo. Dee, ni nduwawe dimina wiya aoo. Ona me ko ndumbo ndo awaao gai se dimina. Ona me ko woo-woo taao gai se dimina. Kena ku dimina wiya ku ni nduwawe yape a-mase naa-mase nakea mugo dodo kumana ndumbo ndo awaao kana sima. Ni'm nduwawe woo-woo se aoo se dimina nagadimapi koena.
Eduga ko enii nduwawe “Mee tuma da kaa dimina” me ndo aoo. Mee tuma da kaa dimina me ndo aoo se dodo me kaa ko peu-pau awake se kao ku ndo awaao gai. Ku ndo awaao gai kumana enii'm maa buboo ku peu-pau ndo awawoo simea. Me gado me kaa ko Anegisemee'm okaa mee tupisi na mina ku aoo ko aoo koya ku mina ku ko ku peu-pau awaao waa “Oowoo,” se dimina ku mbeedi naakiyaan tau. Aii ebo naakiyaabuu siwoo se ndo. Kum seta kaa, enii kaa to ese tabeke ndo sekii se kao ku ndo awawoo simea.
Mee tuma kaa dimina kakumake mina ku yito se kipii kindo ko ku kaa mike buwaambea sima. Ku kaa mike boke ndo sekii koya Anegisemee Dim'mba wa'm yaa mani da me kaa kiyoo enii'm maa buboo peu-pau awake sese ku uwo kaa wamaake kipii kindo ko boke sekii tau. Aii dimina etaa kan si dan ndo towoo taasea ndo kui.
Ni ko ni mina ona me se yena ko “O, Kodintusi okaa yoo toke se Yesiusi mbaya bage ekii mbo ese tubaka aoo,” se mina yepa. “Mbeenaa tubaka se ku tau. Me Anegisemee mbaya tau se bage ekii'm awaan tau se mugo tubaka. Me mugo apea se tubaka eki mbo aoo,” se mina kayepa. Kase enta mugo ndoe, “Mee ona wai wa'm naamee'm ambii yaa-dopi,” se mina yepa.
Eduga ko eki ebanaa ku mugo bage se towoo simea. Ku koya endo ko tau. Kase enta mugo ndoe, eki Tuhani Yesiusi Keditusi wa kaa nuwa, wa'm awami-awami ku kaa nuwa, ku kaa “Mike ae,” se yanigimea. “Mike ae,” se yanigimagea yako Anegisemee wai wa'm Dim'mba me kaa kiyoo eki tao kaa-awami se mina wido aoo. Ona me ko eki'm woo-woo se kaawise-mbeasipi, me ona. Ona me ko eki Anegisemee wa kaa wa tao ese daa se bage waa kawenimapi, me ona, wiya. Ona me ko eki Anegisemee'm emaa misi kaa dimina ndumbo se bage waa kakiyaapi, me ona, wido. Ku wido ku eki tao se kaa-awapi kumana eki'm sese ko wa-nini kidai. Dimina kupoo se bage ekii'm sese ku tau. Se.
Kena ebanaa bage ekii'm aseke mina me ko me se de. “Yambuu me maanisi na kao me ko noke kao. Noke kao ku maanisi na kao me yambuu,” se mina aseke. Ku mina ku nde miya ndumbo ko ndumbo koya anikee waa Anegisemee wai yambuu mesema noke kao, akaa ndepi dano kiyaasi. Akaa ndepi dano kiyaasi koya enii'm maa buboo ku Anegisemee wa'm yaa mani da kaa maa poo yoo nandomana waya natoyaasi kao waa. Wa'm maa poo yoo nandomaasi ku eduga Tuhani maa poo yoo yandomami sese mugo dodo se maa poo yoo nandomaasi. Ku kindo ko endo se gumba enii'm maa buboo ku enii'm kao tau sima. Ku Tuhani wa'm kao waa. Ku wa'm guna miyo nadito nai se kao waa koena. Waya ku kaa kiyoo kam enii'm maa buboo ku wa'm gai-gai awasi na se kao waa. Tubaka awasi na se kao se ku tau.
Ku kumana tubaka mugo sese waa ku mbeenaa kaa miya si awaae. Ku se ku uwo kaa wamoo taao ndo bada. Kase enta mugo ndoe, wa-nini woo-woo se waa ku otuma ku enii'm maa buboo enii kaa to si maaniyaake se woo-woo se se ku tau. Ku koya tubaka awake me ko me wa-nini. Kase enta mugo ndoe, tubaka awapi mee to wai wa'm maa buboo wa kaa to si maaniyaapi mugo dodo. Ku kumana tubaka ku si awaae.
Dee, eduga ko eki oba mugo peu-pau sese yaa mu-mu simea. Ese dim peke aoo. Tubaka nde miya aoo. Ese si maaneke sese ku yaa mu-mu nakea se kadema. Kena ni'm widaana ko endo nde miya eki oba mugo ku kaa si mbanamana ndo waya dodo ndo awawoo nakea se kadiita. Ku kaa kadeao widaa ndeo! Ku mugo kadiita kipii kindo ko ese dim dano-dano se kan yee semuu taata. Waya wada nda ni'm se nigina ko “O, ni'm eki mbo awama-awama ku aii bada kumapea ae,” se nigaata. Se nigimata mugo ndoe, Anegisemee wa ko wai ese ego aoo se dimina da nakumai yako ni mike ego kaata sima. Yai, widaa ndeo!
Waya wada nda Keditusi Yesiusi wa'm bage ku ko ekii'm sese ku se de. Eki mee tuma kaa dimina da waa en'ndo otuma uu kaa wamaapea se dimina da waa. Ese eda piya aoo se piya tukuu kaa paku wemamea se dimina da waa mugo dodo. Ku kindo mee tuma kaa dimina da kaa dim petakea se dimina da waa ku nuwa, ku kaa “Oowoo,” se nigeke kao waa ku nuwa, ku se ku guna miyo mbeenaa kaa miya tuwaao be kumana “Ku uu kaa wamaapea kao waa ae,” se ku ndo nigitakea, Yesiusi mbaya bage ku ko.
Ekii'm dimina mike mbiseoo kimea. Ese dimi mbiseoo kan ekii'm si maaneke ku kaa “Yai! Ni ego aoo. Ni woo-woo sipa ae,” se dimina da me ona kaa miya nigaan tau. Kam wadobo tubaka awake nuwa, peu-pau awake en'ndo otuma ku nuwa, ku kaa “Yai, ku se ku awaanka ndeo,” se ku ndo nigi si pe siwoo nakea se detaa. Ekii'm dimi peke kao ku kaa “Yai, sekii. Endo ebata ae,” se ku nigaan tau. Aii waya “Awaanka, awaanka,” se ku ndo nigiwoo nakea se detaa. Ese dimi mbiseoo se bage kuwa. Ni Tuhani kaa ndumbo ndo se kaseo.
Yahudi bage ekii'm sese ko ekii paita endii da-mbeaseke ebeabea da awake. Kena eki namba Keditusi mbaya bage kimea se dodo me kaa ko eki kaa da-mbeaseke ebeabea da kaawami koya mee'm yaa da'm paita endii da-mbeaseke ebeabea da se ku tau. Me Keditusi wa'm ndo mee tuma kaa dimina kada-mbeasimi mugo dodo.
Kipe kaa embaake se dimina me ko me ese se-peu we-peu aoo kiyaambea se dimina da mugo dodo. Dee, ebanaa bage ekii'm awamea ku se de. Ekii kipe kaa embaake se dimina da me ndo yaa mu-mu se kumana Anegisemee kaa ndumbo mina ku kaa duwa matana kipe ku kaa kiyoo ndo nigi si pe se. Ku kaa nigi si pe sita mugo ndoe, ku mbeenaa yado'm masewena ekii kaa to nugemake mugo dodo. Ekii'm kipe kaa dimoke ku ekii kaa to ese bodi ababa siyaapea koena. Ese dimina bodi mike ebata tau. Ebanaa bage ekii'm se awamea se dema.
Waya wada nda tubaka mbeenaa kaa miya si awasea na eki kaa to dama dito taae. Kena Anegisemee wa'm gai-gai ku kaa duwa matana mee tuma kaa dimina dito se me daa. Ku mbeenaa kaa miya si awasea na eki kaa to dama dito taae. Tubaka awaao gai se dimina me nuwa, mee tuma kaa dimina dito taao gai se dimina me nuwa, ku dimina ku eduga Eseau wa'm sese dimina mugo dodo. Dee, Eseau wa ko wai yaamee kumana wa'm naamee'm daa yaambeasiisi kao maseke me ese ebo se kao. Ku koya tau. Ea na gapi wai ese namo naadi kan wai wa'm winaamee mbo se asina ko “Noke kao nese na daa naambeasiisi kao ku a'm ndo mase o,” se asimi. Ku yemai yako wawinaa wai ea ona ndo noyaa ku kisiu Eseau tao manii yako mina bota kidai.
Kena mina ona me ko tubaka awake se bage en'ndo otuma ku Anegisemee wa'm mike em yadaasi se bage waa. Se-tubaka we-tubaka otuma kui. Ku kumana mee ona wai ambii maseke se dodo me kaa kiyoo mee en'ndo otuma akaai kaa yanigaao bada se mina ku se de. “Yai, me ese ebo se kao ae. Wa naa mesema tubaka awana akaa bubee kaa si maaniyaake ni be. Akaa bubee'm sese akaa'm ndo awake bada ae,” se ku ndo nigaao sekii. Tubaka aoo se bage ku Anegisemee'm mike em yadaasi se bage waa koena.
Kena mina ona me se de. Ese edugana ko Anegisemee wa'm se asina ko “Ni a mbo si kabataamba ndeo. Ese mbeenaa kaa miya si kagimitaamba sima!” se asimi. Wa'm se asimi kumana kipe kaa embaake se dimina me mbeenaa kaa miya si awaae. “Ni'm aya mba nda aoo ku ndo sekii ae,” se dimina da me ndo yaa mu-mu taae.
Nemugoi nakawaa woe, dama nigi si pe taae. Eki'm a-wisine naa-wisine se nuwa, mina a-bade naa-bade se nuwa, ku kayoo kam naa aoo kiyaabuu nakea se kao waa ee? Ku bende kaa ogu yoo kam aoo kiyaake se mina waa se ku tau. Ku eki'm dim'mba nda kiyoo kam aoo kiyaake se kao waa. Kase enta mugo ndoe, eki peu-pau se kao ku kaa dim petakea kumana me dimina me kaa kiyoo kam dama awaao gai se dimina da waa ku mesema akaa yape aoo. Kena ku kaa kiyoo aoo kiyaana ko eki'm a-wisine naa-wisine se nuwa, mina a-bade naa-bade se ku nuwa, ku se ku aoo kiyaabuu nakea.
Ku kindo ni'm ese kaembaake se nemugoi nakawaa woe. Ni'm kakoeta taao gai se mina ku se de. Eki ko eki Siduga maa kaa epoo bage waa kimea. Ku kumana nakayoo maa kaa ndigi se dodo me kaa eki'm sese ko oga-yuga penaa nakea se bage waa mugo dodo. Aii aneke bage waa mugo dodo se towoo nakea. Kum seta kaa mee tuma kaa dimina mbeenaa kaa miya si dito taae. Ku mugo dimina ku kaa kiyoo kam dim petakea se dimina da waa ku dama katoyaasi na se dimina da waa se ku tau. Ku eki kaa to si maaniyaambea se dimina da waa mugo dodo. Ku mugo dimina ku Anegisemee kaa dimina da mesema yape masiwoo nakea se dimina da waa koena.
“Ku koya peu-pau awawoo sipea se bage waa ekii tao manina ko ese ndani, ese dibita eponu aoo se bidea uwo ndoo da nda towoo se yoo me ndo maniita. Ku kindo me nda domoo taata se bage ku ko ku mbugu kan duwa namatamea bage waa ku nuwa, ni kaa ‘Mike ae,’ nigaao be se bage waa ku nuwa, apea se kao awamea se bage waa ku nuwa, mee agumee yambatumamea se bage waa ku nuwa, tubaka awamea se bage waa ku nuwa, mbaa wan'ta simea se bage waa ku nuwa, mbae da se anegisemee yapapa simea se bage waa ku nuwa, dim dake mina enimea se bage en'ndo otuma ku nuwa, ku se ku ese dibita eponu aoo se bidea uwo ndoo da nda towoo taasea se bage waa. Me nda ndemeke me ko me ekii'm ea wiya aoo me buwaasea yoo ndemeke mugo dodo,” se asimi.
Ku koya me okaa yoo me nda ndemaao kana se bage waa ekii'm sese ku ko ku ese ogaitata se kamino waa ku mugo dodo. Ku mugo bage ekii'm awake-awake ku se de. Ku mbaa waneke se bage waa, me ona. Ona me ko ekii tubaka aoo se bage waa, me ona. Ona me ko ekii mee agumee oma yambatumake se bage waa, me ona. Ona me ko ekii mbae se anegisemee waa yapapa nakea se bage waa, me ona. Ona me ko ekii mee agumee yadeba siwoo taao gai se bage waa, me ona. Ku mugo bage ekii me okaa yoo me nda pi-ndemaao kana se bage waa. Aii yau kaa kiyoo ndo tomu taasea se bage waa.
ကြော်ငြာတွေ