Kodose 3:2 - Anegisemee'm Mina Kapuge

^2-4 Dee, endo ko eki'm okaa toke yoo me nakayoo maa me kaa se ku tau. Eki Keditusi mesema bomana, maa poo yoo kandomana iyaao katoyaabuu simi koena. Ku kindo eki'm okaa toke yoo me Keditusi nda Anegisemee'm egi kaa kiyoo me kaa tutakea. Me ko me eki'm okaa toke yoo koya eki'm okaa toke yoo me eki'm yau-yau bage waa ekii'm deao kana se tutakea yoo. Endo ko ekii si deke ko si deke koya tau. Anikee waa Anegisemee wai eki'm katoyaabuu nai se Keditusi me me, me uwa da kaa yadeyaasi. Uwa da kaa yadeyaai ndoe, eki nde miya wa mesema mee'm emaa misi kaa uwa da kaa kadeyaabuu taasi. Wa'm ese abayai aoo-aoo aoo se ao da me nda toke se dodo me kaa uwa da kaa kadeyaabuu taasi. Me ko me eki'm ese okaa se toke yoo kumana maa kaa togea bage'm sese, peu-pau ku kaa nigi si pe se kuwa, ku si yaa mu-mu taae. Siduga maa me kaa dama se-kao we-kao ku kaa ndo nige-nige siwoo taae.

Kodose 3:2 ပူးပေါင်းရင်းမြစ်များ

Mandiusi 16:23

Wa'm se aseke koya Yesiusi wai duwa matana Petadusi se asina ko “Yai, a'm nasipe mina me Anegisemee'm gai-gai mbeana wisin'tasi na se mina da mugo dodo deo. Kase enta mugo ndoe, a'm nigeke me Anegisemee wa'm dimina dowoo nae se dimina se ku tau. Me mee tuma da kaa dimina ku ndo dowoo nae ae se kadeo. Ku kumana ni a kaa ogato kadamana ‘Ibedisi, ai ni mbo kam pee!’ se kaseo,” aseke. Yesiusi wa'm se asimi.

Mandiusi 6:19

Kena Yesiusi wa'm waya se tupina ko “Edeao kana se se-gai we-gai ku nakayoo maa kaa si bai-bai taae. Kase enta mugo ndoe, maa kaa bai-bai semapi kao ku dinuge'm kaa-nomita taao sekii se yoo. Ku wee kiyaana si maaniyaao sekii se yoo. Ku oma maseke bage ekii oyu kan oma ndemina oma maseao nde miya sekii se yoo.

Dukasi 12:15

Kena ko Yesiusi wa'm ekii se asina ko “Se-kao we-kao sinowi ku mani si bosi na se kao ku tau. Ku omiwoo towoo sisi na se kao waa se ku tau. Ku kumana mee'm se-kao we-kao ku kaa mbeenaa kaa miya si dimoae,” aseke. “Dimoke se dimina da me si nigisi na eki kaa to dama dito taae,” aseke.

Dukasi 16:11

“Ku kindo ko maa kaa se-sinowi we-sinowi ku dim'mba tau kan yaa mu-mu sipe kipii kindo ko waya wadobo Siduga maa me kaa pemata mugo ndoe, se-sinowi we-sinowi si kamataasi kao waa sima!” aseke.

Kodose 3:1

Eduga ko Keditusi me maa poo yoo yandomana ko Anegisemee wa'm meyaa yato ebo animana se yatoyaami. Se yatoyaami koya wa ndo se yatoyaami se ku tau. Eki nde miya Keditusi mesema maa poo yoo kandomami. Kena kiyoo kam eki'm okaa toke yoo me Siduga kumana Siduga maa epoo bage ekii'm sese ku kaa kiyoo ndo dimina mbikana tuta taae.

Kodose 3:5

Eki ko eki Keditusi mesema maa poo yoo ndomapea se bage waa kumana eki nduwawe mee tuma kaa dimina da waa ku nde miya yaboyaabuu taae. Mee tuma kaa dimina ku yaboyaabuu taao kan tubaka nuwa, apea se kao ku nuwa, ku si awaae. Dim peke se dimina me nuwa, peu-pau awaao kan “Awaao oowoo,” se dimina me nuwa, ku nde miya si nigaae. Kena se-kao we-kao ku kaa dimoke se dimina me mbae da se anegisemee yapapa se mugo dodo kumana, me mugo dimina me nde miya yaboyaabuu taae.