Kodose 3:12 - Anegisemee'm Mina Kapuge12 Kodose bage waa woe. Eki ko eki aii bage se ku tau. Eki Anegisemee wa'm wa kaa wa tao daa kambeana wa-nini kawenimapi se bage waa. Wa'm ese dimi kan kaembaake se bage waa, eki. Ku kumana dama se dimina da waa ku matake bada, ese dama se duka matake mugo dodo. Ku taao kan mee kaa gane se dimina da nuwa, mee kaa dama yaawake nuwa, a kaa to si dodo se se dimina me nuwa, ese tunaa kan mee agumee'm nigeke ku nde miya dito taao gai se dimina da me nuwa, dimina mani si maseke se dimina me nuwa, ku mugo dimina da waa ku matake bada. အခန်းကိုကြည့်ပါ။ |
Kodose 3:12
50 ပူးပေါင်းရင်းမြစ်များ
“Kena ndo waa ko tuwoo-tuwoo awe da ona me ese mina ebo se ‘Puu,’ ata mugo ndoe, ni'm epo wado bage waa ku yapeyaabuu taata. Ku yapeyaabuu sita mugo ndoe daamee wokumo yato nde miya, daamee yagokumo yato nde miya, ndee yato nde miya, awea yato nde miya, naa mu naa yapeyaao, naa muu naa yapeyaao maa en'ndo otuma se yapeyaabuu taata. Ni'm eki-nini wenimapa se bage ku en'ndo otuma pi-bada naamawee sisi na epo wado bage waa se yapeyaabuu taata,” aseke. Yesiusi wa'm se asimi.
“Kena ese wa-nini bodi ababa taasea se gumba me pi-pamiyaana dai kaa waa ko onu oba omaasea se ku tau. Yahawee wai wa'm wa tao wenimana yapikimapi se bage waa ku kaa gane kumana ku mbeenaa mani yaadano kiyaasi. Ku mbeenaa mani si yaadano kiyaake waa, mee tuma en'ndo otuma boyaabuu-payaabuu semayaa,” aseke.
“Kena ni'm se endaaneo se dodo ndoe, epo wado bage waa ku yapeyaabuu taata. Ku yapeyaabuu sita mugo ndoe, daamee wokumo yato nde miya, daamee yagokumo yato nde miya, ndee yato nde miya, awea yato nde miya, naa mu naa yapeyaao, naa muu naa yapeyaao maa en'ndo otuma se yapeyaabuu taata kui,” aseke. “Ni'm eki-nini wenimapa se bage ku en'ndo otuma pi-bada naamawee sisi na epo wado bage waa se yapeyaabuu taata,” aseke.
Anegisemee wai ese, ese dama nagane keo koena. Ese, ese nagane kumana naagapeke mee to wai Siduga kaa kam enii mbo ukaasi. Enii Anegisemee mesema apoesi na. Enii widigi tau toke yoo bada namaao kan ukaasi. Se naanige maneao kan ukaasi. Wa'm ukaasi yoo ese daamee emaa misi pakemana ao da aumapi mugo kui. Dee, Siduga kaa kam ukeke se mee to me enii'm tuku epuyiba toke yoo ao da aoo kisi na, ukaasi. Enii'm buwaao pasi se taa se yoo si widaasi na, ukaasi,” aseke. Sekadiya wai Anegisemee Dim'mba'm yakumapi mina se yaaenimi.
“Kase enta mugo ndoe, dim kupoo se mee to me kogaa ambii tao ndumbo yaawasi na se mina yambeaseao sekii kipii kindo ko ‘O, ese dim bada se Anegisemee wa ko wai wa'm bage tao dama yaawasi na mina ese mike yambeaseao sekii ae,’ se nigaao sekii. Ku kumana Anegisemee wa'm wa tao dimi se bage waa, ku mugo bage ku widigi toke kindo eki apikaa nde miya ndeemaa nde miya ‘Nagane kaae! Nagane kaae!’ se asetoo se kipii kindo ko eki'm asetoo sipea mina ku Anegisemee wa'm mani si kaambewaake yee?
Ku kaa kiyoo, eki ko eki Anegisemee wa'm ese kaembaake se bage waa se kadeo, me ona. Ona me ko eki Anegisemee wa'm wa tao dimi se bage kisi na mina kawoemi se bage waa se deo, me ona. Ku mugo Edoma okaa yoo togea se bage en'ndo otuma, ni'm kaawudumapa kapuge, eki tao eewee! Aba! Enii'm Naamee, Anegisemee me mesema Tuhani Yesiusi Keditusi me mesema, akaa'm aii se dama katoyaai waa bada ae se kaanigeo, me ona. Kena ona me ko, akaai ese widigi tau se dimina da nde miya kakumai waa bada ae se kaanigeo, me ona. Ku se ku kaa-awatai waa bada ae, se kaanigimana “Aba, aba,” se kaseo.
Kena a nduwawe mee tuma kaa dimina me me, me peu-pau awaao gai koya ku si dito taae. Woo-woo taao sekii se yoo me kaa si peae. Ku se ku si awan ndo Tuhani Yesiusi Keditusi wa'm sipi mugo ku masewena enii'm mee tuma kaa dimina ku otuma dapimake bada. Ese duka matake mugo dodo, Yesiusi wa'm sipi mugo dodo se matake bada. Wa'm sese ku ndo awaao kan se awaae. Siduga maa kaa dama natoyaasi yoo ese pasi kumana ao da nda togea se bage ekii'm sese ku ndo awawoo taae, se kaseao kan sipa.
Daba kina ko wa nduwawe kiyoo gudao yuwa aoo kimea. Kena ku gudao yuwa ku one daan tau yoo Anegisemee wa'm Edibaka se asina ko “Yaamee me ko wai winaamee wa'm wa tao masii yaamata se mee to kaasi,” se amanimami. Ku mugo mina se yambeasimi se dodo me kaa ko akaai dama se kao ku nde miya awaan tau. Peu se kao ku nde miya awaan tau. Ese mike aii dodo se dodo me kaa ko Anegisemee wa'm pikimami me kaa ndo se yambeasimi. Kiyoo kam enii'm deao sekii se mina ku se de. Anegisemee wai mee mbo mina yawoeweke se dodo me kaa ko wa'm mina yawoewepi mee me me, wa'm awake-awake ndamana me kaa kiyoo mina yawoeweke se ku tau. Wa'm awaao gai ku maanisi na ku kaa ndo nigimai yako mee mbo mina yawoewepi, se deao sekii.
Mee kaa yaembaake sese waa ku se de. Ona me ko enii mee kaa yaembaake kipii kindo ko enii mee agumee kaa dimina mani maseke sekii tau. Aii dama tosi na se kao yaa-awawoo se ndo, me ona. Kena ona me ko mee kaa yaembaake kipii kindo ko mee agumee'm dama se toke yoo deta mugo ndoe, “Ni too waa ‘Oowoo,’ ” se dimina emi tau. Aii “Bada o bada. Awas,” se nigeke se nigaao sekii, me ona. Kena mee kaa yaembaake se dimina me a kaa to apake sekii tau se dimina da, me ona. Me a kaa to dodo taao kana se dimina da, me ona.
Waya enii ese mike, Anegisemee tao ndanda yaa-awawoo naka se bage waa ae se ku nadesi na sese waa ku se de. Ona me ko enii si maaneke kao ona kaa miya awaao be, me ona. Ona me ko Keditusi kaa mike mina ku enii'm ese dama masimake se mina, me ona. Ona me ko enii mee agumee mesema dimina mani si maseke, me ona. Ona me ko enii mee agumee kaa dama ndo yaawawoo naka, me ona. Ona me ko Anegisemee Dim'mba'm nakumamoo nai se dimina waa ku ndo yaa mu-mu naka, me ona. Ona me ko mee kaa yaembaake se dodo me kaa, “Wa mbao niimbi ee?” se dimina emi tau. Ese mike yaembaake ndo, me ona.
Kum seta kaa Keditusi Yesiusi mesema dipinimake bage enii'm ebo se kao me paita endii da-mbeaseke ebeabea da me tau. Dake nde miya, si dake nde miya, tau. Me dama tosi na se kao tau. Enii'm ese ebo se kao me ko me se de. Keditusi kaa “Mike ae,” nigeke se dimina me ndo ese ebo. Waya “Mike ae,” nigeke se dimina me kaa kiyoo kam Anegisemee kaa yaembaake nuwa, mee kaa yaembaake me nuwa, ku nde miya ese ebo se kao waa. Kam tau.
Dee, ese eduga edugana ko maa en'ndo otuma anegi semaan tau yoo Anegisemee wa'm enii kaa naambeasimi se mina ona me ko “Anikee waa Keditusi mesema dipinimaasea bage ku ko ku ni'm emaa misi kaa ni kaa ni tao daa naambeaseke bage waa kaasea.” Me ona. Ona me ko “Ese dimi ndumbo si maaneke kaa miya emi tau se bage waa, ku mugo bage kaasea.” Me ona.
Kena enii'm kanige manemea mina ona me ko “Keditusi kaa dimina da me matana dama yito taae,” se kanige manema. Dee, Keditusi kaa dimina me Anegisemee wa'm enii tao naanegi semapi se dimina da. Enii nde miya wa'm sipi mugo dodo kisi na se dimina da, ese ndumbo se dimina me ko. Ese woo-woo se kaa miya emi tau se dimina da. Ku Yesiusi wa'm sipi mugo dodo kisi na se mina kuwa enii'm eduga kanige-manemea mina waa kui. Se.
Ku peu-pau ku wisin'tana ko Anegisemee wa'm sipi mugo dodo ndo awaae. Dee, Anegisemee wai Keditusi'm naa-awami ku kaa kiyoo a'm woo-woo se ku otuma kaawise-mbeaseke. Ku kindo ko wa'm kaawami ku a namba dodo ndo awaae. Mee'm peu kaawapi ku kaa aii wisin'take ndo bada. Eé, mee agumee kaa gane se dimi ku ndo yanigaae. Ese dama tosi na kao ku ndo yaawaae. Ku se kuwa ese Anegisemee'm kaawatai sese kumana eki namba ku mugo dimina masewena dodo ndo a-awa naa-awa taae. Se.
Kiyoo kam Anegisemee'm emaa misi kaa kiyoo ese ndumbo mina kasiinka ndeo. Keditusi Yesiusi wa'm eki kaa kanigitai se dimina da me ese ni namba eki kaa kanigitaka se dimina da me ndo. Wa'm eki kaa kaembaake se dimina me ni'm kaembaake se dimina mei! Waya ni'm kaembaake se dimina da me kaa kiyoo ni'm dimina da eki mbo kambikana towoo naka.
Kena mee ona wai peu se kao kaawake se dodo me kaa ko wa'm peu kaawapi ku dodo abuu yamaseao gai se dimina da me si maaneke. Abuu maseao gai se mee to wa mbo “Ku tau de! Ku tau de!” se mina pi-aseae. Eki otuma me bage dimina wisin'tana ndo ogu bage kaa dama ndo yaawa-de siwoo taae. Yesiusi mbaya bage ku kaa nuwa, mee en'ndo otuma ku kaa nuwa, ekii tao dama ndo yaawawoo taae. Me ona.
Me Anegisemee me me, wai enii'm woo-woo se ku mbeedi naambeana dama natoyaabuu simi se Anegisemee to, me ona. Ona me ko wai, enii enii-nini nawenimana dama se kao ku ndo awawoo sisi na, mina nawoewemi se Anegisemee to, me ona. Kena me Anegisemee me me, wai enii tao dama naawake se dodo me kaa ko ku enii'm dama awake-awake ku naadei yako dama aya nadotaake se ku tau. Ku wa'm gai kan aii se dama natoyaabuu sipi me ndo. Dee, ese eduga edugana ko maa nuwa, epo nuwa, ku ona kaa miya anegi taan tau yoo se dodo me kaa ko Anegisemee wa'm enii tao se naambeana ko “Anikee waa Keditusi Yesiusi wa'm awaasi me kaa kiyoo kam mee tuma kaa bage ekii tao aii se dama yatoyaabuu taata,” se asimi. Wa'm aii dodo se naambeasimi.
Ku kumana ni dim katu tau. Mee'm bodi naababa siyaabuu nakea ku kaa nigina ko “Bado o! Naawa o!” se nigeke. Mbao awasi na “Bada o! Naawa o!” se nigeke ee? Tau. Anegisemee wa'm pikimami se bage waa ebanaa ku Anegisemee'm dama mina yiin tau. Kum seta kaa ekii nde miya ekii'm woo-woo se kaa si em yadasi na waya ese asiyoo kam asiyoo abayai se omiwoo towoo sisi na, ni'm ekii tao yaawaao be se kao ona kaa miya emi tau. Ese yai, bodi ababa se aoo se dodo nde miya Keditusi Yesiusi wa'm naawami mina ku eniwoo semuu naka ndo, se nigeo.
Titusi woe, aba! Me kapuge me ni, Paudusi, ni'm kaawudumeo se kapuge. Ni ko ni Anegisemee wa'm wa kaa wa tao wa'm ndanda yaawanaa sisi na se mee to, me ona. Ona me ko ni Yesiusi Keditusi kaa Edaseo se mee to se napeyaami me ona. Kena wa'm napeyaami me ko me Anegisemee wa'm wa-nini wenimami se bage waa ekii mbo pi-yatupiwoo sisi na napeyaami. Ku kindo ko wa'm bage mbo pemana mina yatupitaka se dodo me kaa ko wa'm gai-gai ku ndo yaawawoo sisi na ni ko ni mbae da mina waa tupeke se ku tau. Anegisemee kaa mike mina waa ku ndo yanige-mane se, me ona. Ona me ko ekii'm Anegisemee kaa “Mike ae,” nigeke dimina da ku yatakuniyaabuu se, me ona. Ku wiya ku taao kan napeyaami koena.
Mbao kaa kapikimami ee? Tau na. Eki ko eki Anegisemee Naamee wa'm ese eduga edugana aii dodo kaepi se bage waa. Ku kaa kiyoo wa'm Dim'mba wai wa-nini kawenimami. Mbao awasi na wa-nini kawenimami ee, enta mugo ndoe, tau. Ona me ko Yesiusi Keditusi wa'm mina ku si taman ndo dama yayito sisea na wa-nini kawenimami, me ona. Ona me ko Yesiusi Keditusi wa'm ogayaami se emu ku kaa eki'm woo-woo se kaawise-mbeasisi na wa-nini kawenimami, me ona. Ku se ku awasi na kawenimami se bage waa. Ku mugo bage waa woe, eki tao kapuge eewee. Aba! Anegisemee wa'm aii se dama katoyaake nuwa, kena wa'm widigi tau se dimina kakumake nuwa, ku waya wadobo nde miya agi kiwoona ese asiyoo kam asiyoo se kaawawoo nai waa bada ae, se kaanigeo.
Ku kindo Yesiusi kaa eniikinaa bage waa woe. Emaa diyoo se bage'm sese ku si awan ndo dama sese kasipa kuwa ku ndo ndidinina awawoo taae. Dee, eki ko eki Anegisemee wa'm mina kawoewemi se bage waa. Eki Anegisemee wa'm kapikimami se bage waa. Kum seta kaa, eki kaa mina ku ese mike mina ae se ku desi na, ku dama sese kuwa uwa da kaa ndidinina awawoo taae. Kase enta mugo ndoe, dama sese ku ndo awawoo nakea kipii kindo ko peu-pau sese ku ese mbeenaa kaa miya si awaambea koena.
“Ku semana ndo waa ko ku ebo bage haas kuwa ekii Dom'mba Yuwa me mbeedi yambeaseao kan yape pi-masiisea. Yape pi-maseke ko masiisea koya aii bada kaasea ndo. Kase enta mugo ndoe, se-ebo we-ebo se bage en'ndo otuma ku Dom'mba Yuwa wa guna miyo se bage waa. Ku otuma mbeedi. Dom'mba Yuwa wa ndo ese ebo kam ebo se edaya mee to. Wa ndo ese ebo kam ebo se Tuhani. Kum seta kaa ku edaya bage haas kuwa ku Dom'mba Yuwa mbo yape pi-masiisea se dodo me kaa iyo kaasea. Wa'm ndo ku haas kuwa mbeedi yambembo-pambo semaasi koena,” se nasimi. “Ku se ku mbeedi mbeaseke se dodo me kaa me Dom'mba Yuwa wa mba nda penaa nakea bage ku ko ku aii bage waa se ku tau. Ku wa'm mina woewepi se bage waa. Ku wa'm ese dimi, wa-nini pikimami se bage waa. Ku wa kaa dimi wiya-wiya se mbeenaa kaa miya emi tau se bage waa. Ku mugo bage ku wa mbaya anewena wa ogudi penaa nakea se bage waa,” se nasimi.
ကြော်ငြာတွေ