“Se awawena ndo waa ko masii yaamata se mee to wa'm se asina ko ‘Ni'm ebo se mee to woe. A'm “Pi-awaae,” se mina ku awawepa,’ aseke. ‘Ku mugo bage otuma ku pi-bada-mawena ee nda mi-yambeasipa koya mee oba ko oba koya ee nda ese simi se ku tau. Noke kao nosi na animake yoo ku mbeenaa koma toi,’ se aseke.
Kodose 2:9 - Anegisemee'm Mina Kapuge9 Mbae da mina ku si dito sisea na mike mina kasiinka ndeo. Keditusi wa ko wai mee'm sipi mugo maa buboo aoo kimi koya, aii miga mee to se ku tau. Me mee'm sipi mugo maa buboo me nda kiyoo ese okaa se Anegisemee mei! အခန်းကိုကြည့်ပါ။ |
Kodose 2:9
20 ပူးပေါင်းရင်းမြစ်များ
Mina Mee to, Yesiusi me me, wai mee tuma da kaa maa buboo matana enii mesema towee simi. Enii mesema towee sita mugo ndoe, ea naa gapi Yesiusi wai Yohanesi mbo ukeke. Ukita mugo ndoe Yohanesi wai Yesiusi dei yako wa'm mina ebo mbeana se asina ko “Mee me me, ambe dewee! Me ni'm eduga kasima se mee to mei! Dee, eduga ko ni'm se kasina ko ‘Ni ko ni mbeedi. Ni ogudi ukaao pasi se mee to wai ese ebo se mee to se ukaasi. Mbao kaa ebo se mee to ee, enta mugo ndoe, tau, ni one nadaan tau yoo, wa aoo ndo se towoo simi,’ se kasima. Kena ni'm kasima mee to me ko me, me Yesiusi mei!” se asimi, Yohanesi wa ko. Yohanesi wa'm enimi se mina ku mike mina. Dee, Yesiusi wai enii mbo towee sita mugo ndoe enii'm yadena ko wai aii miga mee to me tau ae se yadema. Wa'm sese ku ese asiyoo wa-nini sese waa ae se yadema. Se yadegea yako abayai! Wai ese mike, Anegisemee Naamee wa'm ese ona ndo se Yombai me ko me enii mbo naameyaana towoo simi ae se yadema. Waya wada nda wa'm eniwoo simi mina ku kupoo mbeenaa kaa miya emi tau se mina waa. Ku otuma ndumbo mina ndo eniwoo simi ae, se yemea. Kena wa'm dimina nda kiyoo mee tuma bage tao aii se dama natoyaao gai se dimina da me ndo dowoo simi ae se demea.
“Eki'm waya nadiisea se gapi me kaa ko eki'm epi kaasea se kao ona me ko me se de. ‘O, Yesiusi wai wa'm Naamee mesema dipinimapi se mee to ae,’ se epi kaasea, me ona. Ona me ko ‘Eki nde miya ni mesema dipinimapi se bage waa ae,’ se epi kaasea, me ona. Ku wiya ku epi kaasea, eki'm waya nadiisea se gumba me kaa kiyoo,” se aseke.
“Ku mbao awasi na yaasetaake ee, tau. Naamaa a ko ai ni nduwawe toe. Kena ni namba a nduwawe too. Ese dimina ona ndo, anai. Ku mugo yaa, ekii otuma namba ana'm sipa mugo dimina ona ndo kisi na ku kaa ekii tao yaasetaao gai,” se aseke. “Kena ekii nde miya ana nduwawe tosi na ku kaa nde miya ekii tao yaasetaao gai. Kase enta mugo ndoe, ekii'm dimina ku ana mbo aoo ae se ku deao sekii kipii kindo ko ni mbaya tau se bage waa ekii'm nigina ko ‘O, Yesiusi wai ese mike Anegisemee'm yameyaami mee to, ae,’ se nanigaambea,” aseke.
“Ku kindo ko enii otuma Anegisemee wa'm natoyaabuu nai se yopaa waa mugo dodo kumana ‘Me Anegisemee me me, me ese asiyoo ae,’ se yanigeke bada. Wai mee'm nigita kaa epipi semapea se kao mbato mugo tau. Wai eamasi oma mugo kao tau. Pedaki oma mugo kao tau. Aii oma mugo tau. Ku se ku si nigeae,” aseke.
Wa'm namatami mina me ko me se de. Anegisemee wa ko wai mee tuma da bage tao wa mesema apoesi na se enda da naawadeke. Kase enta mugo ndoe, Keditusi wa'm boke yoo me kaa kiyoo enii'm woo-woo se kaa mina ku Anegisemee'm emaa misi kaa mina bota kidai. Kena wa mesema apoesi na se mina me ko me enii'm yaa da kaa namatami. Aii se namatami se ku tau. Mee mbo donaa asinaa sisi na namatami.
Mbao awasi na ebo yambeaseao gai ee? Tau. Keditusi wa ko wai mee tuma da kaa yombai mugo one yadake se dodo me kaa ko wa'm sese me ese Anegisemee wa'm sese mugo dodo kisi na, kena wa'm yaa mani da me nde miya Anegisemee wa'm yaa mani da mugo dodo kisi na, ku se ku deao sekii kisi na ebo yambeasimi. Anegisemee'm gai kan se yambeasimi, me ona.
Ese ndumbo mina kasiinka ndeo. Anegisemee wa'm ndumbo mina ku ko enii'm “Mike ae,” se nigeke mina waa. Ku ese abayai se mina waa. Eduga ko ku wa'm nanige-maniin tau se mina waa koya endo ko tau. Endo ko Keditusi naadeyaai yako epi kumagea. Wa kaa kiyoo enii'm epi kimana “Mike ae,” se nigimagea mina ku ko ku se de. Anegisemee wai mee tuma da kaa mee to agidimake. Me ona. Kena Anegisemee Dim'mba wa'm se yaadeyaana ko Keditusi wai mike Anegisemee Yombai se yaadeyaami. Me ona, wiya. Kena epoo wado bage waa ku nde miya Keditusi yademea. Me ona, wido. Kena Anegisemee wai Keditusi Siduga maa kaa yadotaana ese abayai ebo yatoyaami. Me ona, wui. Kena Keditusi kaa mina ku Yahudi tau se bage mbo donaa asinaa simea. Me ona, edibi. Kam waa ko maa kaa togea bage ekii wa kaa “Mike ae,” se yanigimea. Me ona, bidimi. Ku mina kuwa ku enii Yesiusi mbaya bage enii'm “Mike mina waa ae,” nigimana yaa mu-mu nakea se mina waa. Se naa aoo.
Kena Anegisemee wa'm gai se kao ku ndo awawoo sita mugo ndoe, enii'm em'ndoo nakea se kao ona aoo. Ku kaa kiyoo enii ese dimina ona ndo kan se ditona ko “Yesiusi Keditusi wa'm ukaambi yoo me kaina gumba ukaambi ee?” se dito siwoo nakea. Kase enta mugo ndoe, wa'm wadobo ukaasi mina ku mike pi-pamii se gumba ndoe, enii'm bani-bani se ese wa-nini kaasea. Dee, ese asiyoo abayai toi se Anegisemee to, me Yesiusi mei! Kena enii'm woo-woo se kaa si naboyaana ndo dama natoyaabuu nai se mee to me nde miya me Yesiusi mei! Ku kaa kiyoo wa'm waya ukaasi yoo me enii'm bani-bani taasea ku se ene!
Ona me ko enii ese mike se Anegisemee wa kaa yaepi kisi na Anegisemee Yombai wai enii mbo memana enii'm dimina nda ku nawadaniyaabuu sipi, me ona, wido. Waya kiyoo kam ona me ko enii ese mike se Anegisemee mesema Wayombai, Yesiusi Keditusi me me, enii akaa mesema dipinimana enimoo se bage waa se towoo nakea ae, se nigeke me ona, wui. Ku wui kuwa ku enii'm ese epi kitakea se mina waa. Ni'm kaseao kan sipa mina me ko me se de. Ese mike toi se Anegisemee me ko me Yesiusi Keditusi. Wa ko wai enii tao omiwoo towoo natoyaabuu nai se mee to mei! Se kaseao kan sipa.
ကြော်ငြာတွေ