Ku nom'tana waa ko yambuu nda ndo endeke koena,” aseke. “Yambuu nda endemana waa ko bapu nda penaina ko baa seke. Ku ndo,” aseke. “Noke kao kuwa ku dimina nda pi-ndemeke se kao se ku tau,” aseke. (Ku mina ku aseke se dodo ndoe Yesiusi'm tupaao kan simi mina me ko me se de. Noke kao ku otuma dama ndo. Daa se noke kao ona kaa miya emi tau se tupaao kan simi.)
Kodose 2:16 - Anegisemee'm Mina Kapuge16 Keditusi wa'm se kaawami kumana ogu bage ekii'm “Me daa. Me dau,” se katupaao kaa mina ku si dito taae. Noke kao en'ndo otuma ku nuwa, uwo en'ndo otuma ku nuwa, ku otuma naao sekii. Kena Hadi Seab'tu gapi, daa se gapi si toke nde miya bada o. Kena Anegisemee yaapapa sisi na badii nuwa, ao ona memai se dodo me kaa badii noke me nuwa, ku se ku si noke nde miya bada o. Kena ku se ku si diton ndo ogu bage ekii'm kasina ko “Yai! A daa tamape kumana Anegisemee'm em kadaambi ndeo,” se kaseke nde miya tau! Ekii'm mina ku si dito taae. အခန်းကိုကြည့်ပါ။ |
Kodose 2:16
42 ပူးပေါင်းရင်းမြစ်များ
“Endo ko Yahudi tau se bage ekii tao kapuge yaawudumeke bada koya ekii'm awaao kana se mina ku si wudumaae. Ku kindo ko enii'm kapuge kaa yaawudumaambea mina ku ko ku se de. ‘Tubaka ku si awaae,’ me ona. ‘Mbae da anegisemee yapapa taao kan daa yaambeasipea se noke kao ku si naae,’ me ona. ‘Oo da gisiina minaawe mani kawiyaapi kao ku si naae,’ me ona. ‘Emu ku si naae,’ me ona. Ku mina ku ndo kapuge kaa wudumeina Yahudi tau se bage mbo pi-maneao nde,” aseke.
Anegisemee'm mina kapuge me nda kiyoo “Tuhani wa'm se enina ko ‘Ni'm toke yoo ku taa kiyaake sekii tau. Ku mugo yaa, ni'm kasiinka mina ku nde miya ese ba-gamitaao kana se mina. Me mina me ko me se de. Anikee waa ni ese ebo ae se nadiisea se gumba ndoe mee en'ndo otuma ni egi kaa kiyoo kau ku maa nda wemana amaa gapimaasea. Amaa gapimana mee en'ndo otuma ekii'm ebe kaa kam se nasina ko “A ko a mike Anegisemee ae, se kadeo,” se nasiisea,’ se enimi.” Wa'm enimi mina ku kaa kiyoo enii'm nigaao sekii se mina me ko me se de. “Ai, ai. Anikee waa Anegisemee wai mee'm awamea-awamea ku ndamana pikamoo taasi se gumba ndoe enii namba wa'm egi kaa kiyoo inewena mina daasea. Enii'm dama awamea-awamea nuwa, peu awamea-awamea nuwa, ku kaa mina nadaasea. Tuhani wa'm ndo mee'm sese pikamoo taasi kumana ogu Yesiusi kaa kinaa bage ekii'm nigeke wa-nini kipii, ‘Me gapi si toke daa. Me mugo noke kao naao daa,’ se nigeke kipii kindo ko ku kaa si yawisinaae. Kena mee agumee kaa ‘Yai, ai Anegisemee'm mina tamape kumana a ese peu se mee to,’ ku mugo mina ku nde miya ku si aseae. Me mugo mina asiimbi mee to me Anegisemee mesema mina aoo kaasi koena.”
Ku disi tau koya ni'm se kadeo. Dee, eki mike mina kaa duwa matana eki'm se nigina ko “O, Anegisemee wai nagai kisi na me gapi nuwa, me gapi nuwa, daa se gapi toke bada. Me aumo me kaa nuwa, me aumo me kaa nuwa, ku mbutu pemai se gumba badii noke bada. Me gado me kaa nuwa, me gumba me kaa nuwa, ku pemai se gumba ndoe badii noke bada. Me tahuni me me omana badii noke bada, ae,” se nigitakea. Anegisemee'm kagai kisi na, ku mugo Yahudi bage'm sese waa yaa mu-mu nakea se kadeo.
Eki ko eki Keditusi mesema dipinimana bomea se bage waa. Eki Keditusi kaa bomea se bage waa kumana mbaa waa ku nuwa, mee tuma kaa bage'm tupitakea se mina waa ku nuwa, ekii'm guna miyo si toke se bage waa kimea. Ku koya ni eki'm sese kadito sita mugo ndoe, ni'm kadena ko eki ekii'm tupina mina waa waya dito se se kadetaka. Ekii'm guna miyo waya toke se bage'm sese mugo dodo se kadetaka. Yai! Eki Yesiusi mesema dipinimana bomea kumana ku kao ku uwo kaa wamaake ko wamaapea koya tau. Waya wadobo masewena yaa mu-mu nakea se kao waa se kadetaka. Yai, ku kase koena? Dee, ku mugo bage ekii'm tupitakea mina waa ku se de.
Ku kumana ogu bage ekii'm ese wa-nini se-mina we-mina katupaao kan sipea ku si dito taae. Ku aii bada kaambea se enda da waa ku nda ndaa ombe kawoedona peembea se mina waa koena. Dee, ebanaa bage ekii'm dito se mina ku ko ku se de. “Anegisemee'm emaa misi kaa ku mugo noke kao naao sekii. Ku mugo noke kao noke sekii tau,” se mina dito nakea. Ku mugo tupeke mina ku kaa ekii ese dimina ona ndo kan dito nakea koya aii bada kaambea se mina waa ku ndo. Ku ekii'm toke yoo maaniyaambea se mina waa se ku tau. Ku koya enii'm dimina maaniyaambea se kao me ko me Anegisemee wa'm aii se dama natoyaabuu taao gai se mina da. Me mina me ko me eki'm dimina takunina oyu kan toyaabuu nai se mina koena. Ku kumana me mina me ndo dito taae. Wa-nini mina ku tau de!
Dee, ku eduga mina ku ko ku uwa da kaa deao sekii se kao ku kaa ndo tupisi na se mina waa. Ku kumana ku noke kao ku nuwa, noke uwo mugo kao ku nuwa, ku kaa tupisi na mina waa. “Ku nao daa, ku nao dau ae,” se tupisi na se mina waa. Waya uwo wiseke sese me kaa nde miya tupisi na se mina waa. Ku uwo wiseke mina ku kaa kiyoo ku awe da waa ku dau kisi na, kena mee'm maa buboo ku dau kisi na, ku se ku wiseke bada ae se tupisi na se mina waa. Ku kumana ku mina ku ko me kidaa ndo yaa mu-mu sisi na se mina waa. Ku eduga kam ata kisee ese namaaniyaabuu taasi se yipi se okaa mina aoo kaasi kam miyo, epopi nda kuwa ku ndo yaa mu-mu sisi na se mina waa. Kam wado se yaa mu-mu taambea kao se ku tau.
Yesiusi kaa eniikinaa bage waa woe. Ogu Yesiusi mbaya bage waa ekii kaa peu mina ku mee mbo pi-aseke kipii kindo, me si maaneke. Me mugo mina si aseae. Kase enta mugo ndoe, Yesiusi mbaya bage ku kaa peu mina aseke kipii kindo ko ku mina ku kaa kiyoo Anegisemee'm okaa mee tupisi na mina me kaa nde miya peu mina asiyaa mugo dodo, me ona. Waya ona me ko mee'm sese ndamana “O, me peu, wa si maaneke aoo,” se aseke se dodo nde miya Anegisemee'm tupina mina ku kaa nde miya pikamoo siyaa mugo dodo! “O, ku mina ku si maaneke aoo kumana yito taao be,” se pikamoo siyaa mugo dodo, me ona. Yai, Anegisemee'm okaa mee tupisi na mina ku a'm guna miyo mbeana tamoo se ku badaa!
ကြော်ငြာတွေ