“Ku mugo yaa, Anegisemee'm mina ku mee'm dama yesi na se mina waa. Dee, Anegisemee'm mina ebanaa ku tuku nda deao kana se mina waa mugo dodo. Ebanaa ku mee si desi na koo gamami se mina waa mugo dodo. Ku mugo mina yeao kana koya waya wadobo koo gamami se mina waa se tutakea ku tau. Ku Anegisemee'm uwa kaa kiyaabuu taambi se mina waa koena,” aseke. “Ese ao nda mugo ao kapaniyaake se mina waa mugo dodo,” aseke.
Kodose 1:8 - Anegisemee'm Mina Kapuge8 Dimina ona ndo kan katupiwoona ndo waa ko mi-ndagidi medona ana mbo memami. Ana mbo memana wa'm depi-depi mina ku ana mbo mi-nasei simi. Ku kaa kiyoo wa'm se nasina ko “Anegisemee Dim'mba wai Kodose bage ekii'm dimina da nda dama yakumamoo nai kumana eki ogu bage kaa ese dama yaembaake aoo se depa,” se mina mi-nasei simi. Epapedasi wa'm se nasimi. အခန်းကိုကြည့်ပါ။ |
Kodose 1:8
7 ပူးပေါင်းရင်းမြစ်များ
Nikinaa bage waa woe! Ni'm awaamba-awaamba ku kaa ni Anegisemee mbo asetoo naka koya eki namba ni mesema naasetoo taae. Enii ndepo naasetoo se se dodo me kaa ko ona me ko ese oyu kan ese si dan ndo Tuhani Yesiusi Keditusi ekaa da kaa Anegisemee mbo naasetoo taae, me ona. Kena ona me ko Anegisemee Dim'mba wai eki nduwawe a-embaa naa-embaa se dimina kakumapi kumana, me embaake se dimina me kaa kiyoo kam nde miya naasetoo taae, me ona.
Anegisemee wai enii tao ese abayai natoyaasi yoo ku kaa dim pipi kan em'ndoo se se dimina me aii bada kaasi ae se ku si nigaae. Kase enta mugo ndoe, Anegisemee wai ese naembaake koena. Wa'm naembaake me yima mina tau. Wa'm nemi se Dim'mba me me, me, wai enii'm dim'mba nda se nakumamoo nai kumana “Ai, ai. Anegisemee wai ese mike naembaawoo nai ae,” se nigaao sekii. Wa'm se naembaake kumana “Aa-oo peeto. Wa'm naawaao gai ku pi-pamaan tau ae,” se nigeke dimina mbeenaa kaa miya si nigaasea.
Ku peu-pau kasipa kuwa ku mee tuma kaa dimina'm aoo kiyaake kao koya Anegisemee Dim'mba wa'm enii nduwawe aoo kiyaake se dimina da waa ku se de. Ona me ko embaawoo nai se dimina da, me ona. Ona me ko bani-bani siwoo nai se dimina da, me ona. Ona me ko widigi tau towoo nai se dimina da, me ona. Ona me ko dimina mani si maseke se dimina da, me ona. Ona me ko ogu bage kaa dama yaawawoo taao gai se dimina da, me ona. Ona me ko dama ndo awawoo taao gai se dimina da, me ona. Ona me ko dimina ona ndo se dimina da. Me mugo dimina deke kindo ogu bage ekii'm nigina ko “Wa'm ‘Awaamba,’ se enipi mina me ndo mike awaambi ae,” se nigeke, me ona.
Kena ana'm “Paamee,” se kaasetoo naka mina me yima'm kaasetoo se se ku tau. Dee, ese eduga ko eki'm yemea se mina me mike mina me kaa yemea. Me mike mina me ko me Anegisemee wa'm dama mina me yemea. Kena me mina me kaa kiyoo eki'm se yena ko “Ai, ai! Siduga maa kiyoo Anegisemee wai enii tao dama tosi na se-kao we-kao naabai-bai semapi ae,” se mina yemea. Se mina yegea yako wa'm kaabai-bai semapi kao ku eki'm mbikana dito nakea se kao waa. Waya ku kaa mbikana dito nakea kumana eki'm yaa mu-mu nakea se dimina da wiya mugo aoo. Ona me ko eki'm Keditusi Yesiusi kaa “Mike ae,” se yanigiwoo nakea se dimina da, me ona. Ona me ko me eki'm Anegisemee wa'm wa tao bage waa ku kaa en'ndo otuma yaembaawoo nakea se dimina da, me ona. Ku dimina ku eki'm yaa mu-mu nakea se dimina waa kumana ku kaa kiyoo anai eki kaa Anegisemee mbo “Paamee,” se mina se kaasetoo naka.
Kase enta mugo ndoe, Anegisemee wai wa'm Dim'mba enii nduwawe nadomaake se dodo me kaa ko me mee kaa widaasi na nadomaami se ku tau. Waya na kiyaa, ona me ko enii tao yaa mani da aoo kisi na wa'm Dim'mba nadomaami me ona. Ona me ko Anegisemee kaa nuwa, mee kaa nuwa, ku kaa yaembaasi na nadomaami me ona. Ona me ko enii kaa to enii yimbi maneao sekii kisi na nadomaami me ona. Ku wido ku enii tao aoo kisi na wa'm Dim'mba enii tao nadomaami.
Ni'm kasipa mina ku Anegisemee kaa mike mina waa. Kena ku mina kuwa ku eki'm yemata mugo ndoe tamaan tau se mina waa. Ku ese mike ndumbo se mina kuwa eki'm ese dama yaa mu-mu se kumana eki'm woo-woo se ku kaawise-mbeasimi. Waya kiyoo kam ogu Yesiusi kaa kinaa bage waa ekii kaa ese dim ndumbo kan yaembaao sekii kimea. Kum seta kaa, waya wadobo nde miya ese dimi kea se dimina me mbeenaa kaa miya si awana dimina ona ndo kan a-embaa naa-embaa siwoo taae.
ကြော်ငြာတွေ