Kodose 1:3 - Anegisemee'm Mina Kapuge

³ Omiyaa siyaa ku ndo anai eki kaa Anegisemee mbo kaasetoo sita mugo ndoe, “Paamee! Paamee!” se mina ku kaasetoo semuu naka. Ana'm kaasetoo naka se Anegisemee me ko me enii'm ebo toke se Tuhani, Yesiusi Keditusi me me, wa'm Naamee mei!

Kodose 1:3 ပူးပေါင်းရင်းမြစ်များ

Edoma 15:6

Kase enta mugo ndoe, eki mbaya dimina ona ndo yaa mu-mu se kipii kindo ko ku kaa kiyoo kam Tuhani Yesiusi Keditusi wa'm Naamee, Anegisemee Naamee me ko, wa ekaa da ebo mbeana yapapa taambea. Ku awasea na dimina ona ndo se dimina kakumai waa bada ae se nigeo.

1 Kodintusi 1:4

Eki ko eki Keditusi Yesiusi mesema dipinimapea se bage waa kumana ku kaa kiyoo Anegisemee wai aii se dama katoyaabuu simi. Kena wa'm aii se dama katoyaabuu simi ku kaa kiyoo ni Anegisemee mbo si dan ndo “Paamee,” se asetoo siwoo naka.

2 Kodintusi 1:3

Enii'm ebo toke se Tuhani, Yesiusi Keditusi me me, wa'm Naamee me ko me Anegisemee. Kena me Anegisemee Naamee me me wa kaa mataae! Kase enta mugo ndoe, enii ko enii widigi aoo se dodo me kaa me Anegisemee Naamee me me wai enii kaa ese nagane aoo. Ese nagane kii yako enii'm dimina takun natoyaabuu nai. Mbeenaa ndo se ku tau. Enii'm dimina takun natoyaake en'ndo otuma ku wa'm ndo takun natoyaabuu nai. Mbao awasi na takun natoyaabuu se ee? Tau na. Enii'm yau-yau bage waa ebanaa ku nde miya widigi aoo togea. Kena ku widigi aoo togea ae se deta mugo ndoe Anegisemee wa'm takun natoyaapi sese ku enii nde miya masewena ogu bage kaa dimina takun yatoyaabuu taao sekii. Ku se ku awaao sekii kisi na Anegisemee wai enii kita dimina takun natoyaabuu nai.

Epesiusi 1:15

Kum seta kaa eki'm awatakea ku kaa nde miya “Paamee,” asetaake. Dee, eki'm awatakea mina ona se kayena ko “Eki Tuhani Yesiusi kaa dimi wiya-wiya se kaa miya emi tau,” se mina kayepa. Kena waya eki kaa mina ona se yena ko “Eki Anegisemee wa'm wa tao wenimapi bage waa ku kaa ese yaembaake aoo,” se mina ku namba kayepa. Eki kaa mina se kayepa kumana

Epesiusi 6:18

Kena waya wada nda Ibedisi mbeedi mbeaseao kan se mina ona ndigi. Mina ona ndigi me ko me se de. Anegisemee wa'm enii tao naanegi semami kao ku yaa mu-mu sita mugo ndoe, omiyaa siyaa ku ndo Anegisemee mbo asetoo siwoo taae. Anegisemee mbo asetoo taao kan dimina wodoneae! Dimina wodonita mugo ndoe Anegisemee Dim'mba'm kakumamoo nai mina ku otuma masewena asetoo siwoo taae. Kena asetoo se mina ona ndo mugo se ku tau. Asetaake se mina nde miya, edaake se mina nde miya ku se ku si dan ndo asetoo siwoo taae. Kena Anegisemee wa mbaya bage en'ndo otuma ku kaa nde miya si dan ndo yaasetoo siwoo taae.

Pidipi 4:6

Waya wada nda eki'm dimina ku mbeenaa kaa miya si gigi kaae. Si gigi kin ndo eki'm toke yoo en'ndo otuma ku kaa Anegisemee mbo ndo yasetoo siwoo taae. Eki'm toke yoo ku maanisi na wa mbo yaedaake bada. Ku koya aii se yaedaake se ku tau. Eki'm “Oowoo,” se kao ku kaa yasetoo siwoo sita mugo ndoe, wa'm kaawawoo nai ku kaa nde miya “Paamee,” se asetoo siwoo taae.

Kodose 1:13

Eduga ko enii'm toke yoo me tuku nda tomea se toke yoo mugo dodo. Enii Ibedisi wa'm guna miyo yaa napineana tuta simea se bage waa koena. Ku koya endo se gumba tau. Dee, Anegisemee wa'm ese yaembaai se Yombai me me, wai enii'm woo-woo se ku enii tao naatabemami. Naatabemai yako enii'm woo-woo se ku kaa mina en'ndo otuma naadano kiyaami. Waya kiyoo kam enii yaa naekata-pata semai yako wa'm ese ata emi tau ebo toi se Yombai wa'm guna miyo kiyoo pi-natoyaabuu simi. Ku kaa kiyoo Anegisemee mbo “Paamee,” se asetoo siwoo taao ndo sekii.

Kodose 1:9

Eki kaa mina se nanige-manena dai kaa waa ko anai ese si dan ndo eki kaa eki tao Anegisemee mbo kaasetoo siwoo naka. Ana'm eki kaa kaasetoo naka mina me ko me se de. Eki ko eki Anegisemee wa'm gai-gai en'ndo otuma ku kaa epi kisea na “Ku kaa dama masimaao sekii se dimina da me nuwa, ese dim pame se dimina en'ndo otuma ku nuwa, ku se ku kakumamoo nai waa bada ae,” se kaasetoo naka.

1 Teseadonika 1:2

Enii ko enii Anegisemee mbo asetoo se se dodo me kaa ko eki kaa kaasetoo se mike si dan ndo kaasetoo siwoo naka. Omiyaa siyaa ku ndo eki kaa “Anegisemee paamee!” se kaasetoo naka.

2 Timotiusi 1:3

Eduga ko ni'm eedoo bage waa ekii'm Anegisemee wa kaa wa tao ndanda yaawamea ku ese dama, ese ndumbo ndo yaawawoo simea. Kisena ndo waa ko endo se gumba ni nde miya ekii'm simea mugo dodo ndo awawoo naka. Ni peniyada ee nda nadomaapea koya ni kaa to se nigina ko “Tau! Ni Anegisemee wa tao ndanda ku yaawawoo sita mugo ndoe mbeenaa kaa miya peu-pau awaan tau, ae,” se nigeo. “Ni, ese dama, ese ndumbo ndo yaawawoo naka ae,” se nigeo. Kena me Anegisemee me me, me ni'm ndeemaa nde miya, apikaa nde miya, asetoo siwoo naka se Anegisemee to. Wa mbo asetoo siwoo naka se dodo me kaa ko ni a kaa kanigi seo yako a kaa “Anegisemee paamee!” se mina nde miya kaasetoo siwoo naka.