Kodose 1:29 - Anegisemee'm Mina Kapuge29 Mee waa ekii Keditusi kaa en'kiki kisi na se mina ku yatupiwoo se me ko me etaa kan yaa mu-mu naka se ndanda se ku tau. Me ese edo kan kanam-kanam yaa mu-mu naka se ndanda mugo dodo. Ku kumana ni'm yaa mani da kaa yaa mu-mu taao be. Wa'm yaa mani da me kaa ndo yaa mu-mu taao gai. Dee, wa'm yaa mani da me ni nduwawe namugu-mugu siyaai yako me yaa mani da me kaa kiyoo ndo mina tupiwoo semuu naka. အခန်းကိုကြည့်ပါ။ |
Kodose 1:29
28 ပူးပေါင်းရင်းမြစ်များ
Ni ko ni Anegisemee'm dama mina donaa asinaa se se dodo ndoe, Keditusi kaa mina epi se bage ku mbo peao kan sipa se ku tau. Mee agumee'm tupipi yoo waya pi-tupeke waa, me mbeenaa mee agumee'm tukuu wetapi yoo me kaa ni'm ee meke mugo dodo kiyaa. Ku kumana ni Keditusi kaa mina eo se bage ku mbo pi-asinaa taao gai.
Nikinaa bage waa woe! Ni'm awaamba-awaamba ku kaa ni Anegisemee mbo asetoo naka koya eki namba ni mesema naasetoo taae. Enii ndepo naasetoo se se dodo me kaa ko ona me ko ese oyu kan ese si dan ndo Tuhani Yesiusi Keditusi ekaa da kaa Anegisemee mbo naasetoo taae, me ona. Kena ona me ko Anegisemee Dim'mba wai eki nduwawe a-embaa naa-embaa se dimina kakumapi kumana, me embaake se dimina me kaa kiyoo kam nde miya naasetoo taae, me ona.
Ku mike mina koya tau. Anegisemee wa'm aii se dama natoyaami kumana Edaseo se mee to se nakiyaami. Edaseo se mee to se nakiyaana ko wa'm aii se dama natoyaapi me me, me aii bada kimi se ku tau. Kase enta mugo ndoe, ni'm wa kaa wa tao ndanda yaa-awawoo naka ku ese oyu kan yaa-awawoo naka. Ogu Edaseo bage ekii namba Anegisemee tao ndanda yaa-awawoo nakea koya ekii'm sese mbeenaa miyo. Ni'm sese ko ese dimina ndidinina yaa-awawoo naka. Ku koya ni'm yaa mani da kaa se awake se ku tau. Anegisemee wai aii se dama natoyaabuu nai kumana ku kaa kiyoo wa kaa wa tao ndanda ku ese oyu kam oyu yaa-awawoo naka.
“O, enii Keditusi wa'm wa kaa wa tao ndanda yaa-awanaa nakea se bage waa,” se eneke koya ekii ko ekii mbeenaa miyo. Ni ko ni'm Keditusi wa tao ndanda yaa-awanaa naka ku ese asiyoo. Yai, ku mugo mina kasipa kuwa ku ese yuwe aoo se mee to wa'm kasiyaa se mina waa mugo dodo se kasipa koya ndumbo kaseo. Dee, ni'm Keditusi wa tao ndanda yaa-awake se dodo me kaa ko ese oyu kam oyu yaa-awawoo naka. Ku koya mbae da se Edaseo bage waa ekii mbeenaa tau. Kena peniyada ee nda ese ea oba mugo nadomoo simea koya ekii mbeenaa tau. Kena mee'm em nadata siwoo simea ku mike eake sekii tau koya ekii mbeenaa tau. Kena ni ese mbeenaa aoo kumana waa ko buwaao pasi se deke yoo ni oba dewoo sipa koya ku ekii mbeenaa tau, mbae da se Edaseo bage kuwa.
Mbao awasi na oyu kan kaawaao gai ee? Tau, eki'm nasiwoo sipea mina ku se de. “Paudusi woe, a'm nasipe mina ku mike Keditusi wa'm ebe kaa mina ae se nadeyaase na enii mbo kiyoo ebeabea da naawaae,” se nasiwoo sipea. Eki'm se nasipea kumana bada o bada! Ni'm oyu kan kaawaata ku nadegea yako ku kaa kiyoo kam “Ai, ai. Keditusi wai enii'm woo-woo se kaa maboo kan naawatai se ku tau. Wa'm ese oyu se yaa mani da me kaa kiyoo kam natupitai ae,” se nadiisea.
Waya ku kaa uketake mina me ko me se de. Enii bona dai kaa waa ko enii otuma Keditusi wa'm egi kaa kiyoo mina daasea. Wa'm egi kaa kiyoo enii wa mesema mina dake se dodo me kaa ko enii'm maa kaa eduga tomea yoo awamea-awamea ku kaa mina dana napikamoo taasi se gumba. Dama awamea kipii kindo dama aya nadotaasi. Peu awamea kipii kindo peu aya nadotaasi. Mee en'ndo otuma kui kaasea. Kui kaasea kumana omiyaa siyaa ku ndo wa'm gai-gai ku ndo awawoo taao gai. Enii maa kaa ndigi se dodo nde miya, enii'm maa buboo gimitana Siduga maa me kaa pake-toke se dodo nde miya, Keditusi wa'm emaa misi kaa gai kaambi kao ku ndo awawoo taao gai.
Waya mee'm em nadake nde miya, peniyada ee waa ku nda nadomoo sipea nde miya, ese yima kiki se mee kooda waa ku enii'm yau-yau nakusin'tapea nde miya, ese kanam-kanam se ndanda yaa mu-mu se nde miya, ese gigi kan onu omaao kana nde miya, nam tapoo omeke nde miya, ku se ku aoo se dodo nde miya enii aii tukuu wemana kusipimana towoo naka.
Kena ona me ko Anegisemee wa'm enii kaa enii tao namaaniyaabuu nai se yaa mani da me ko me ese asiyoo kam asiyoo abayai naawatai se yaa mani da. Eneke sekii tau. Me ona. Ku abayai natoyaabuu nai se kao wido kuwa ku otuma masimasea na ku kaa kiyoo Anegisemee mbo eki tao si dan ndo kaasetoo siwoo naka. Enii kaa enii tao namaaniyaabuu nai se yaa mani da me ko me mbeedi se yaa mani da tau. Me ese em'mbee se yaa mani da.
Endo ko “Anegisemee paamee! Mataae!” se aseke bada. Wa'm enii nduwawe nda namugu-mugu siyaabuu nai se yaa mani da me ese maan'dai koena. Kase enta mugo ndoe, enii'm nigina ko “O, Anegisemee wai ku kisiu awaao sekii ae,” se nigeke. Se nigeke koya tau. Wa'm awaao sekii ku enii'm nigeke-nigeke mike miyo damana ese asiyoo, mike eneao kana. Kena enii'm edaake mina ku kaa namba kui. Enii'm wa mbo edaake mina waa ku otuma mbeedi. Anegisemee wa'm enii nduwawe nda yaa mani da me kaa awaao sekii se kao waa ku ese, ese asiyoo koena. Ese eneke sekii tau. Ku kindo ko Anegisemee kaa “Paamee! Mataae!” se eniwoo taae.
Ku dama mina kuwa nanige-manena ko ku mina ku donaa asinaa sisi na mee to nakiyaake. Ni'm gai kan se nambeaseke se ku tau. Anegisemee wa'm aii se dama natoyaapi ku ese asiyoo wa-nini kumana ku kaa kiyoo mina donaa se mee to se nambeasipi. Kam wadobo wa'm yaa mani da namagasiyaabuu nai kumana ku mina ku donaa asinaa semuu naka.
Yesiusi kaa eniikinaa bage waa woe. Eki ko eki Keditusi kaa dama tosi na mina me kaa “Mike ae,” se nigigea yako Siduga maa okaa tuwaasea se bage waa kimea. Eki me bage Siduga maa epoo bage kimea kumana endo nde miya Siduga maa epoo bage waa, eki'm awaao disi sese waa ku ndo awawoo taae. Ni'm kaseao kan sipa mina ku se de. Eki mbo kiyoo mbeedi kambeaseao gai se bage waa ku oba aoo. Ku mugo bage eki Keditusi kaa dama tosi na se mina ku dapimaao gai se bage waa. Ku koya ni eki mbo memana ade taamba nde miya, si meemba nde miya, ni'm eki kaa kayeao gai kitaa se mina wido aoo. Ona me ko “Pidipi okaa yoo togea se Yesiusi mbaya bage mbeedi kambeaseao gai se bage waa aoo nde miya eki mbeenaa kaa miya widaa tau kan se takea,” se kayeo waa “Oowoo,” me ona. Ona me ko eki'm “Mike ae,” nigigea mina waa ku kaa magi tau. Aii dimina ona ndo kan kusipimana “Mike ae,” se nigiwoo nakea ae, se mina se kayeo waa “Oowoo,” me ona, wiya. Kena ona me ko eki ese mbaya ona ndo kina Anegisemee'm dama mina edimiwoo nakea ae, se mina se kayeo waa “Oowoo,” me ona, wido. Ku wido kuwa, ku ni'm eki kaa se kayeo waa “Oowoo,” se mina waa. Ku Siduga maa epoo bage waa eki'm awaao disi sese kumana ku ndo awawoo taae. Kabeapea bage ku kaa widaa tau kipii kindo ko ku kadegea yako kabeapea bage waa ekii'm se kanigina ko “Ai, ai. Anegisemee wa ko wai nadano kiyaabuu taambi ae. Wa mike naboyaasi koya ku Yesiusi wa mbaya bage ku tau. Ku Anegisemee'm dama ndo yatoyaabuu taasi se bage waa ae,” se kaanigaambea. Mbugu tau se dimina kadegea yako ekii'm se kaanigaambea.
Kiyoo kam eki ko eki mbeedi kambeaseao gai se bage waa mesema ese bodi kan eba ata naata siwoo nakea mugo dodo. Kena me bage awake se dodo me kaa ko ni'm sipa mugo dodo awatakea ae se kadeo. Dee, eduga ko ni eki mbo aoo se dodo me kaa ko eki'm se nadena ko “O, Paudusi wai ese bodi kan mbeedi yambeaseao gai se bage waa mesema eba ata naata siwoo nai, ae,” se nademea. Endo nde miya “Dodo ndo awatai, ae,” se mina se nayemea. Ku kaa kiyoo enii'm bodi kan eba ata naata se me ko me ese dodo ndo. Ku kindo ni'm kaseao gai se mina me ko me se de. Me Anegisemee wa'm enii kaa nambeasipi kao kumana si widaae, se kaseao kan sipa.
Anegisemee'm gai-gai awawoo sisea na me wa'm ndo eki nduwawe nda kiyoo kamugu-mugu siyaabuu nai se kao. Dee, wa'm kakumake ona me ko me wa'm gai-gai ku awaao “Oowoo,” se dimina da se kakumawoo nai, me ona. Ona me ko wa'm gai-gai ku awaao sekii se yaa mani da me nde miya kakumawoo nai, me ona. Ku kindo wa'm kakumawoo nai ku kaa kiyoo kam wa'm gai-gai yaawawoo taae.
Waya wada nda omiwoo towoo sisi na se mina me nde miya mee mbo yaeniwoo taae. Ku se ku awawoo nakea kipii kindo ko anikee waa Keditusi wa'm waya ukaasi se gapi me kaa ko ni eki kaa kabani-bani taata. “O, eduga ko ni'm Pidipi bage mbo kanam-kanam mina tupiwoo sima ku aii bada kimea se ku tau. Mike maaneke ae, se deo. Yai, bada kee kanam-kanam yatupiwoo sima see,” se kanigaata. Ni'm anikee waa se kanigimaa yako ni eki kaa kabani-bani taata.
Ni'm sese ku kaa dama masimasea na ku kaa mina kanige-manepa. Dee, ni'm kanam-kanam awawoo naka se ndanda me ko me eki tao dama tosi na se ndanda. Me Daodikiya okaa yoo togea se Yesiusi mbaya bage ekii tao nde miya dama tosi na se ndanda. Kena ogu Yesiusi mbaya bage waa, ni'm ade taan tau se Yesiusi mbaya bage kuwa, ku en'ndo otuma ku nuwa, me ekii tao nde miya dama tosi na se ndanda. Ku kaa dama masimasea na se kaseao kan sipa.
Eki'm mee tuma kaa dimina me kase dodo kada-mbeasimi ee? Tau. Eki Keditusi mesema kadipinimai yako wa bomana maa yiba yamanemamea se dodo me kaa eki nde miya wa mesema maa yiba kamanimami mugo dodo. Kam waa ko Anegisemee wai maa poo yoo yandomami se dodo me kaa eki nde miya wa mesema maa poo yoo kandomami. Eki wa'm yaa mani da kaa dim wiya-wiya se mbeenaa kaa miya emi tau kumana me dimina me kaa kiyoo maa poo yoo kandomami. Se kaawami se dodo me kaa kiyoo wai eki tao mee tuma kaa dimina kada-mbeasipi kidai.
Kena Epapedasi wa namba “Aba, aba,” se mina kaseao gai. Me Epapedasi me me, me eki'm epi se mee to, wa namba Kodose bage sima. Wai Keditusi Yesiusi tao ndanda yaawawoo nai se mee to. Kena omiyaa siyaa ku ndo wai eki tao ese oyu kan Anegisemee mbo kaasetoo siwoo nai. Mbao kaa kaasetoo se ee, tau na. Ona me ko eki oyu kan tukuu wemana Yesiusi kaa en'kiki kiwoo sisea na eki tao kaasetoo nai, me ona. Kena ona me ko eki dimina ona ndo kan “Anegisemee'm gai-gai ‘Se ae. Se ae,’ ” se ku nigi sisea na me kaa nde miya kaasetoo nai, me ona. Ku wiya ku kaa Epapedasi wai eki tao ese oyu kan Anegisemee mbo kaasetoo siwoo nai.
Keditusi kaa eniikinaa bage waa woe. Eki dama tosea na enii eki tao kaa-awawoo sima sese ku kaa dama nigi si pe taae. Eduga ko enii eki mbo Anegisemee'm dama mina ku kaaeniwoo se se dodo ndoe, “Uwani nii. Namo nii,” se mina ku mbeenaa kaa miya kaedaan tau. Ku se ku kaseao be kumana enii kaa to uwani maseao kan apikaa nde miya ndeemaa nde miya masii masiwoo sima. Ese egaa'm ndo masii masiwoo sima. Ku tau se!
Ku kumana ni dim katu tau. Mee'm bodi naababa siyaabuu nakea ku kaa nigina ko “Bado o! Naawa o!” se nigeke. Mbao awasi na “Bada o! Naawa o!” se nigeke ee? Tau. Anegisemee wa'm pikimami se bage waa ebanaa ku Anegisemee'm dama mina yiin tau. Kum seta kaa ekii nde miya ekii'm woo-woo se kaa si em yadasi na waya ese asiyoo kam asiyoo abayai se omiwoo towoo sisi na, ni'm ekii tao yaawaao be se kao ona kaa miya emi tau. Ese yai, bodi ababa se aoo se dodo nde miya Keditusi Yesiusi wa'm naawami mina ku eniwoo semuu naka ndo, se nigeo.
ကြော်ငြာတွေ