Se asemana Yesiusi wa'm se ambewaana ko “Tau, ni'm kasipa mina me Anegisemee wa'm mee wado ese ata emi tau ebo toi ae se nigisi na se mina da. Eduga ko me mina da me kaa mina waa ku Anegisemee wa'm koo gamami se mina waa. Ku koya endo ko wa'm ebo toke sese ku epi kisea na eki'm dimina da waa ku kawadaniyaapi,” aseke. “Yibanda kiyaa ogu bage waa ekii'm dimina da waa ku yawadaniyaan tau,” aseke.
Kodose 1:27 - Anegisemee'm Mina Kapuge27 Wa'm gai kan nayeyaabuu simi mina me ko me se de. Me wa'm Yahudi tau se bage eki tao dama aya kadotaa taao gai se mina da. Wa'm dama aya kadotaa taao gai se mina me ko me Keditusi wai eki nduwawe tosi na se mina da. Kena Keditusi wai eki nduwawe toi yako eki ko eki ese bani-bani se kan se nigiwoona ko “Abayai! Anegisemee wai enii tao ese asiyoo kam asiyoo abayai se natoyaabuu taasi ae,” se nigiwoo nakea. Waya kiyoo kam “Kauu gumba naa pi-naapamiyaasi naa ya?” se nigiwoona em'ndiwoo nakea. အခန်းကိုကြည့်ပါ။ |
Kodose 1:27
39 ပူးပေါင်းရင်းမြစ်များ
“Wai eki mesema omiwoo towoo se dodo ko Anegisemee kaa ndumbo mina kanige-maniimbi ndeo. Aii bage waa, aii ni kaa mina, ‘Ku mbae da mina ndo,’ se nanigeke bage kuwa ekii Anegisemee Dim'mba deao eo. Yaepi keke sekii tau. Aii bage waa yaepi keke sekii tau koya eki ko tau. Eki Anegisemee Dim'mba yaepi. Wai eki mbo yau kaa toke koena. Endo ko eki mbo yau kaa tomu nai koya, anikee waa ko tau. Anikee waa wai eki epuyiba ndemina towoo semuu taasi,” se aseke.
“Eki'm waya nadiisea se gapi me kaa ko eki'm epi kaasea se kao ona me ko me se de. ‘O, Yesiusi wai wa'm Naamee mesema dipinimapi se mee to ae,’ se epi kaasea, me ona. Ona me ko ‘Eki nde miya ni mesema dipinimapi se bage waa ae,’ se epi kaasea, me ona. Ku wiya ku epi kaasea, eki'm waya nadiisea se gumba me kaa kiyoo,” se aseke.
Se asemana Yesiusi wa'm se ambewaana ko “Tau. Ni kaa naembaake se bage waa ku ni'm mina si taman ndo dama yaa mu-mu siwoo taambea se bage waa kui,” se aseke. “Waya wada nda, ni'm mina yaa mu-mu nakea se bage waa ku ni'm Naamee wa'm yaembaambi se bage waa. Kam waa ko wa'm yaembaake bage waa ku ni'm Naamee, anai ekii mbo memana ekii mesema okaa towoo semuu taata ndeo. Ese dadaa se enimoo mugo dodo se towoo taasea,” aseke.
“Kena a'm sese ku nde miya ekii mbo uwa pana yaadeyaabuu sima. Waya wadobo nde miya yadeyaabuu siwoo taata,” aseke. “A'm sese ku aii se yaadeyaabuu taata se ku tau. A'm naembaake se dimina me ekii'm dim'mba nda nde miya kapisi na, me ona. Ona me ko ni nde miya ekii nduwawe tuwaao sekii kisi na, me ona. Ku kindo ko ni nuwa, a'm naembaake se dimina me nuwa, ku akaa ndepi ku ekii nduwawe aoo kisi na a'm sese ku waya wadobo nde miya yadeyaabuu siwoo taata,” se aseke. Ku Yesiusi wa'm Anegisemee Naamee mbo asetaami se mina waa, se naa aoo.
Abayai! Anegisemee wa'm sese ku ese asiyoo kam asiyoo masimaao kana se sese waa. Wa'm awaao kan sipi mina, “Ku se ku awaamba. Ku se ku si awaamba,” se mbeasipi mina ku nde miya masimaao kana se mina waa. Abayai! Wa'm dim pame kan awake-awake ku ese asiyoo kam asiyoo ae se nigeo. Wa'm se-epi we-epi ku nde miya kiyoo ndigi kema ndigi tau ae se nigeo.
Yai, Anegisemee wa'm ese dama se kao kaawawoo nai kuwa ku a si masimake yee? Dee, a'm woo-woo se ku wisin'tana ndumbo ndo awasi na Anegisemee wai mani kagodaan tau, me ona. Mani em kadaan tau, me ona. Kena ese dama ndo kaawawoo nai, me ona. Wa'm dama kaawawoo sipi ku eneke sekii tau. Ku koya ku degea yako “Tau. Ku mbeedi. Ni be,” se yawisinigea yee? Yai!
Anegisemee mesema apoemapi me ko me Yesiusi wa'm enii tao aii se dama natoyaake kumana me kaa kiyoo ndo. Wa kaa “Mike ae,” se nigimai yako “O, enii Anegisemee mesema apoemapi se bage waa ae,” se kusipimana tutakea. Ku ese mike mina kumana anikee waa nde miya Anegisemee wa'm ese abayai ebo se toke yoo enii namba wa mesema tuwaasea sima. Ku kaa dimi wiya-wiya se ona kaa miya emi tau kumana enii otuma bani-bani se kan em'ndoo se ndo.
Kena Anegisemee Dim'mba wa kaa kiyoo Keditusi wai enii nduwawe aoo kipii kindo ko enii'm maa da me woo-woo se kaa boke ko boke koya enii'm dim'mba poo me si boke. Dee, Anegisemee wa'm emaa misi kaa enii Keditusi kaa dimi ndumbo se bage se naadeke kumana enii'm dim'mba poo ku si boke. Aii iyaao natoyaabuu nai.
Mbao awasi na mani em si yadake ee? Tau. Mani em si yadake ae se ku degea yako wa'm aii se gane kan dama yatoyaabuu taasi se bage waa, ekii'm se nigina ko “Abayai! Anegisemee wa'm sese ku ese asiyoo kam asiyoo wa-nini sese waa ae,” se yanigaambea. Ku kindo wa'm sese se desi na wai mee'm woo-woo se kaa mani em si yadake. Kena Anegisemee wa'm aii se gane kan dama yatoyaabuu taasi se bage waa ku Yahudi bage ku ndo yee? Tau, ku enii, Yahudi bage nde miya, Yahudi tau se bage nde miya, wa'm mina nawoewepi se bage waa, enii. Kena wa'm mina nawoewena wa mbaya kumana ndo waa ko wa'm waya se nakiyaana ko wa'm aoo-aoo aoo se ao da nda omiwoo towoo tuwaao sekii se bage waa se nakiyaabuu simi. Aii dodo se dodo me kaa ko Anegisemee wa'm gai kan se nambeasimi koena.
Dim gado kan pema koya, tau. Ni Anegisemee kaa ese “Paamee,” se nigeke. Kase enta mugo ndoe, enii Keditusi nda dipinimake kumana Ibedisi wa'm peu-pau naawaao kan sipi ku otuma Anegisemee wa'm enii tao mbeedi naambembo siwoo nai, me ona. Ona me ko Anegisemee wa'm enii nduwawe namugu-mugu siyaai yako enii wa'm mina donaa asinaa naka. Donaa asinaa sita mugo ndoe, Keditusi kaa epi kisi na se mina ku maa en'ndo otuma mee en'ndo otuma odeeniyaabuu siwoo nai. Ese dama eponu peyaabuu semai yako mee en'ndo otuma yeao sekii se eponu mugo dodo, me ona. Ku wiya ku kaa kiyoo ni Anegisemee kaa “Paamee,” se nigeo.
Enii'm dimina guu nandemita siwoo nai kumana enii'm se nigina ko “Ai, ai, endo se gumba bodi ababa se aoo ko aoo koya ku mbeedi. Ku anikee waa dano kaasi se kao,” se nigaao sekii. Waya wada nda enii'm bodi ababa se aoo kiyaake kao ku ebata tau. Kase enta mugo ndoe, Anegisemee wai enii'm bodi yaa-ababa se ku nadei yako ku kaa kiyoo kam dama tosi na aya naa-epipi semuu nai. Ese asiyoo kam asiyoo abayai se nigi taao kana se kao waa. Ku ese si dan ndo taa kiyaao kana se kao waa. Ku mugo dama tosi na aya naa-epipi semuu nai.
Kena mee'm egipina yapapa se se mbae da se anegisemee waa ku dopeana Anegisemee wa'm wa kaa yapapa sisi na se okaa ee me nda pi-mbeaseke bada yee? Tau na, akaa ndepi yaa mu-mu se sekii tau. Ku mugo yaa, Anegisemee mbaya bage ku nde miya mee'm egipina epipi semapea se mbae da se anegisemee waa yapapa se me ese si maaneke se kao. Kase enta mugo ndoe, enii aii bage tau. Enii ko enii ese mike iyaao toi se Anegisemee wa'm okaa ee to mugo dodo se bage waa. Dee, Anegisemee wa'm enimi mina ona me ko me se de. “Ni ekii nduwawe okaa towoo taata. Ni ekii mbo penaa taata. Ekii'm yapapa se se Anegisemee me ni, se kaata. Kena ni'm bage ku, ekii, se kaasea.” Anegisemee wa'm se enimi.
Dee, Anegisemee Yombai wai ese naembaake kumana wai wa kaa to ekamana eda piya aoo se piya tukuu me kaa yugumana naabomi. Wai ni tao naabomi se dodo me kaa ko ni wa mesema nadipinimai yako ni namba wa mesema boma. Wa mesema boma kumana endo ko ni'm toke yoo wa-nini kima. Keditusi wai ni nduwawe iyaao tai koena. Kum seta kaa, ni'm Keditusi wa kaa “Mike ae,” se dimina da me yaa mu-mu sita mugo ndoe, wai ni'm dimina da nda namugu-mugu siyaabuu nai. Ku kindo ni toke ko taka koya ni'm awake-awake ku ni'm yaa mani da kaa awake se ku tau. Ku wa'm namugu-mugu siyaai yako awawoo naka se kao waa.
Wai, wai, aa-oo, ni'm dimi se yopaa waa woe. Eduga ko eki yipi se dimina one kadasi na kanam-kanam katupiwoo sima. Bodi ababa se nde miya aoo. Ni'm toma sese me ko me ese ambii ona yuwa one daao kan andine-wandinena bodi ababa se mugo dodo se toma. Kena endo nde miya ni eki kaa kai-bai se dimina waya meaneke. Kase enta mugo ndoe, anikee waa Anegisemee wai eki tao Keditusi'm sipi mugo dodo se kakiyaabuu taasi. Ku koya endo se gumba Keditusi wa'm sipi mugo dodo kakiyaan tau kumana “Yai, wa'm sipi mugo kigea waa bada ae,” se kanigimaa yako dim kai-bai aoo.
Anegisemee wa'm aii se nagane kan dama natoyaabuu nai me ko me ese wa-nini keo. Eneke sekii tau. Kena Keditusi wa'm naa-awami ku kaa kiyoo Anegisemee'm aii se nagane kan dama natoyaake dimi me me, me enii kaa nameaniyaapi kidai. Dee, wa'm emu ogayaana boke ku kaa kiyoo enii'm woo-woo se naatabemapi kidai. Me ona. Enii'm woo-woo se otuma naawise-mbeana mina dano kidai. Me ona, wiya. Kena ese se-nigemoo we-nigemoo epi se dimina waa ku nde miya nakoemoo se. Me ona, wido. Kena ese dimina aoo se dimina waa ku nde miya otuma enii nduwawe nakoemoo se. Me ona, wui. Ku wui kasipa kuwa ku Keditusi kaa naameaniyaapi kao waa. Yai, Anegisemee paamee!
Eki nde miya enii mesema Yesiusi nda dipinimai yako ee mugo dodo nametai. Anegisemee tao wa'm Dim'mba tosi na ee to se nametai mugo dodo. Ni'm kaseao kan sipa mina me ko me se de. Yahudi tau se bage eki ko eki nde miya Yesiusi mbaya bage mesema dipinimake se bage waa. Yesiusi mbaya bage mesema dipinimake kumana Anegisemee wa'm dama aya enii kaa naadotaapi ku eki kaa eki nde miya se kaadotaapi. Se kasipa.
Kena eki'm ni tao naawawoo sipea kuwa, ku waya kawitana Anegisemee wa'm namba eki tao kaawawoo taambi sese kui. Dee, ni'm yapapa naka se Anegisemee wa ko wai ese asiyoo kam asiyoo sinowi se Anegisemee to. Kena eki Keditusi Yesiusi mesema dipinimapea se bage waa kumana tapoo omeke sekii tau. Tapoo si omina ndo wa'm se-sinowi we-sinowi ku masewena eki tao kanewoo semuu taambi sima.
Keditusi wa ko wai Anegisemee wa'm dim pame se dimina da waa ku uwa da kaa yaadeyaabuu nai se mee to. Wa'm sese dena ko “O Anegisemee wa'm sese, se ae, se ae,” se ku mike deao sekii. Ku se ku desi na ku mbeedi se kao se ku tau. Ku ese abayai, kipe'm edeke nde miya edeao kana se kao waa. Waya wada nda ku kaa Keditusi'm naadeyaabuu taan tau waa ku mina se ku epi kaao kana kiyaa.
Anegisemee wai yipi se bage naanegi semami kumana se-tuma we-tuma emi tau nakiyaapi kidai. Ku kaa kiyoo Yahudi tau se bage eki-nini, Yahudi bage eki-nini se pikamoo taao gai se dimina me dano kidai. O, ku paita endii da-mbeasipea bage waa ae. O, ku paita endii da-mbeasiin tau se bage waa ae. O, ku aneke bage waa ae. O, ku piba nda togea se bage waa ae. O, ku yaa pineana masii mata se bage waa ae. O, ku yaa pineasiin tau se bage waa ae. Me mugo pikamoo taao gai se dimina ku mike emi tau kidai. Kase enta mugo ndoe, Keditusi wai enii nduwawe okaa toi kumana ku kaa kiyoo enii otuma dodo kidai. Ku kindo se-tuma we-tuma dito se ku mbeedi. Ese ebo me ko me Keditusi wa ndo ebo mbeana yadito taao sekii. Se.
Me kapuge me ko me Paudusi, ni'm kapuge. Ni ko ni Keditusi Yesiusi wa kaa napeyaami mee to. Kase enta mugo ndoe, Anegisemee mesema Keditusi Yesiusi mesema akaa'm mina kaa Edaseo se mee to se nambeasimea koena. Me Anegisemee me me, wai enii'm woo-woo se kaa naagapemana omiwoo towoo natoyaake se mee to. Kena me Keditusi Yesiusi me ko wai anikee waa ese dama natoyaabuu taasi se mee to. Ku kaa kiyoo enii dimina ona ndo kan se yanigina ko “Kauu gumba naa ukaambi ee? Kauu gumba naa ukaambi ee?” se yadito siwoo nakea. Me Keditusi Yesiusi me mesema Anegisemee mesema, akaa'm mina kaa Edaseo se mee to se nambeasimea.
Yesiusi wa'm naawami ku kaa kiyoo Anegisemee wa'm ese mike naawaasi kao ku enii'm ese dim pipi kan dito se kao. Dee, Yesiusi wa ko wai enii kaa enii tao ese ata emi tau se imam mee to kumami. Wa'm sese ko me eduga tomi se imam mee to, Meokisedeki me me, wa'm tomi-tomi sese mugo dodo se kumami. Waya wada nda Yesiusi wai ese si dan ndo me mugo imam mee to se omiwoo towoo semuu taasi kui. Wai me mugo imam mee to kumana ndo waa ko Anegisemee mbo pakemake. Wa mbo pakemata mugo ndoe wa'm sese ku ko ku se de. Wai Anegisemee wa'm okaa ee nda pi-ndemina kaini se gine watana Ese, Ese Daa se Dukune me nda pi-ndem'pi. Me nda pi-ndemita mugo ndoe aii se pi-ndemeke se ku tau. Wai enii tao enda naawadeao kan wa kita me nda pi-ndemeke. Kena wa'm se naa-awami kumana enii wa ogudi peesea yoo me kaa kiyoo enii dim wiya-wiya tau. Aii dim pipi kan dito nakea ndo. “Yesiusi wa'm naa-awami me kaa kiyoo mike pi-naapamiyaabuu taasi ae,” se ku ndo nigeke. Kase enta mugo ndoe, wa'm naa-awami me ko me Anegisemee wa'm egi kaa kiyoo tukuu pi-wemana, kena enii'm dimina da waa ku me tukuu me kaa ombe naepei siyaa mugo dodo. Mbeenaa kaa miya magi tau. Badeweke nde miya sekii tau. “O, enii kiyoo mike peesea ae,” se ku ndo nigaao sekii. Yesiusi wai enii'm ese ata emi tau imam mee to koena.
Ni'm yopaa se bage waa woe. Eki ko eki Anegisemee mbaya bage waa. Eki nduwawe kiyoo ko Anegisemee Dim'mba aoo. Ku koya ogu bage ku ko ku Ibedisi wa guna miyo togea se bage waa. Me Ibedisi me me, me ebo ko ebo koya tau, mbeedi. Enii nduwawe toke me ko me ese asiyoo kam asiyoo oyu se Anegisemee Dim'mba mei! Waya wa'm yaa mani da me kaa kiyoo eki mbae se nabi bage waa mbeedi mbembo semapea ae se kadeo. Ekii'm mina ku mbeenaa kaa miya si ditona ogato damapea ae se kadeo.
ကြော်ငြာတွေ