Kodose 1:21 - Anegisemee'm Mina Kapuge

²¹ Dee, eduga ko eki Anegisemee mesema apoiin tau. Wa mbaya wa-nini, eki mbaya eki-nini se tomea. Kase enta mugo ndoe, eki'm nigeke-nigeke nuwa, eki'm awake-awake nuwa, ku otuma peu-pau yaa mu-mu siwoo simea kumana Anegisemee wa'm emaa misi kaa eki wa'm yape bage mugo dodo se kademi.

Kodose 1:21 ပူးပေါင်းရင်းမြစ်များ

Edoma 1:30

Ku bage kuwa ekii Anegisemee kaa ese, ese yabeake nde miya aoo. Mee kaa namba yawisin'takea nde miya aoo. Ekii kaa to dodo se nde miya aoo. Ekii kaa to apake nde miya aoo. Kena yipi se peu-pau awasi na sese ku ekii nigita kaa aoo kiyaake sese waa. Kena ekii'm naamee oko akaa'm mina yeao be. Aii tamoo siwoo nakea ndo.

Epesiusi 2:12

Ku kaa dama nigi si pe taae. Eduga ko Yahudi tau se bage, eki'm toke yoo aii bada ndo. Kase enta mugo ndoe, me gado me kaa ko eki Yahudi tau se bage ku ko eki Keditusi mbaya bage tau kimea. Eki ko eki-nini se bage waa ku ndo tomea. Me ona. Kena Anegisemee wa'm wa tao wenimapi bage ku Isedeo bage ku ndo. Yahudi tau se bage eki ko tau. Me ona. Kena, Anegisemee'm dama tosi na mina waa, wa'm anikee waa mike pi-pamiyaasi se mina kuwa, ku nde miya Isedeo bage ku ndo yanige-manemi se mina waa. Eki Yahudi tau se bage eo kimea se mina waa. Me ona. Yai, Yahudi tau se bage eki'm eduga tomea yoo ese si maaneke aoo. Eki Anegisemee kaa eo kumana anikee waa dama tuwaasea mina ku nde miya si nige-neke. “Omiwoo towoo tuwaasea yoo ku kaa aii bada ae,” se nigiwoo simea.

Epesiusi 2:15

Yesiusi wai mee tuma kaa yuwa mugo one yadamami. One yadamana wadobo boke se dodo me kaa kiyoo Anegisemee'm okaa mee tupisi na mina ku dasimeoyaapi kidai. Endo ko me mina me ko uuda emi tau. Yahudi bage ekii'm “Me daa. Me dau ae,” se tupisi na mina ku mina kuwa, ku mike dasimeomi koena. Kena aii se dasimeomi se ku tau. Yahudi bage mesema, Yahudi tau se bage mesema ku Yesiusi nda dipinimana ese yipi mee ona ndo mugo nakiyaao kan ku tupeke mina kuwa dasimeoyaami. Enii eki mesema awisine se ku dano kisi na Keditusi wa'm se awami.

Epesiusi 2:19

Eduga ko Yahudi tau se bage eki ko eki aii aneke bage mugo dodo kimea. Aii medaa penaa ominaa nakea se bage waa mugo dodo kimea. Ku koya endo tau. Endo ko eki nde miya Anegisemee wa'm ee nda okaa togea sepao mugo dodo kidai. Anegisemee wa'm wa tao wenimapi bage ku mesema kadipinimai yako ese mbaya ona ndo kidai.

Epesiusi 4:18

Waya na kiyaa, Anegisemee kaa eo se bage ekii'm dimina ese mbiseoo. Ekii'm dimina ese mbiseoo kumana Anegisemee'm sese ku kaa si nige-neke se bage waa se tutakea. Ese emaa diyoo aoo. Ese ndumbo mina ku kaa dimina kapaan tau se bage waa. Ku kaa kiyoo ku mugo bage ekii Anegisemee'm omiwoo towoo natoyaasi yoo peao kana se bage waa. Aii dim mbiseoo kan boke ndo sekii se bage waa. Se detaa.

Yakobusi 4:4

Yai, eki Anegisemee kaa dimina ona ndo tau. Peu-pau ku kaa nde miya dim petakea kumana ese tubaka awawoo nai se ambii to wa'm sese dimina mugo dodo se kadeo. Ku kaa dimina dama kapaae. Nakayoo maa kaa peu-pau se kao kuwa, ku se ku gai kipii kindo ko Anegisemee wa'm emaa misi kaa ai wa'm yape mee to mugo dodo se kadetai. Kiyoo kam mee ona wai “O, nakayoo maa kaa se-peu we-peu ku ni'm ese gai se kao waa. Ku ni'm yaa mu-mu taamba se kao waa, ae,” se nigeke kipii kindo ko me gado me kaa kiyoo mee me me, wai wa kaa to se mbeana ko “Ni Anegisemee mesema yape se mee to,” se mbeaseke mugo dodo.