Kodose 1:20 - Anegisemee'm Mina Kapuge

²⁰ Kena Anegisemee wa'm yambeaseke ona me ko me Wayombai me eda piya aoo se piya tukuu me kaa yayugumana wa'm emu yaogayaake. Wa'm emu ku aii se yaogayaake se ku tau. Siduga maa kaa toke se-kao we-kao en'ndo otuma ku nuwa, maa kaa toke se-kao we-kao ku nuwa, ku otuma Anegisemee mesema apoeke sekii kisi na, Wayombai'm emu ku yaogayaake se yambeasimi, me ona, wiya. Ku kasipa wiya ku aoo kiyaasi na Anegisemee wai Wayombai ese ebo yambeasimi.

Kodose 1:20 ပူးပေါင်းရင်းမြစ်များ

Mandiusi 1:21

“Waya wada nda anikee waa wai mbayuwaa yuwa one yadaasi. One yadamana ndo waa ko a'm mbayuwaa yuwa me ekaa manina ko Yesiusi se ekaa da maneae,” se aseke. “Anikee waa wai wa'm bage eki'm woo-woo se kaa em si dasi na kaagapasi nde. Ku kumana ko Yesiusi se ekaa da maneae,” aseke.

Dukasi 2:14

“Ese asiyoo kam asiyoo toi se Anegisemee, paamee! Mataae! Dee, maa kaa togea se bage waa, Anegisemee'm ese gai kan dama aya yadotaa sipi se bage kuwa ku mugo bage ku ndo widigi tau tuwaao sekii. Ku mugo bage ku ndo Anegisemee mesema apoeao sekii. Ku kumana ‘Paamee! Mataae!’ se ku ndo aseao bada,” se en'takea.

Edaseo Bage 10:30

Se asemana Konediusi wa'm asina ko “Onu wui om'pa kuwa ni'm ee nda Yahawee asetaama. Mbeenaa endo mugo dodo. Yam 3 mugo, ni Yahawee asetaama. Yahawee asetaata mugo ndoe kuhai-kuhai ni egi kaa kiyoo mee ona aoo kidai. Wa'm manaa se kao ku ese wiki-wiki nai se dema.

Edoma 5:1

Ni'm kasipa mina ku mike mina waa. Enii Yesiusi kaa “Mike ae,” se nigimai ndoe Anegisemee wa'm nasina ko “O, me dimi ndumbo se mee to se kambeaseo,” se naseke. Se nasemana ko Tuhani Yesiusi Keditusi wa'm naawami ku kaa dimi ndumbo se mee to se naambeasipi kumana Anegisemee mesema apoemapi kidai.

Pidipi 2:10

Ku se ku yaawami se dodo me kaa ko aii se ebo yambeasimi se ku tau. Mee en'ndo otuma kau ku maa nda wemana Yesiusi guna miyo tosi na se yakiyaami. Ku kaa kiyoo Siduga maa kaa toke se-kao we-kao ku nuwa, maa kaa toke se-kao we-kao ku nuwa, maa yiba nda toke se-kao we-kao ku nuwa,

Kodose 1:16

Kase enta mugo ndoe, Siduga maa kaa se-kao we-kao ku nuwa, maa kaa se-kao we-kao ku nuwa, ku aoo kiyaabuu sita mugo ndoe, Wayombai wa'm yaa mani da kaa kam aoo kiyaabuu simi. Deao sekii se kao ku nuwa, deao kana se kao ku nuwa, ku otuma wai Wayombai'm yaa mani da kaa kam aoo kiyaabuu simi kao waa. Enii'm deao kana se kao ebanaa ku ko ku se-tuma we-tuma se epo wado bage waa. Ku ese ebo toke se bage waa. Ku ese yaa mani da aoo se bage waa. Ku koya ku mugo bage waa ku nuwa, enii'm yau-yau degea se kao waa ku nuwa, ku otuma Wayombai wa kaa wa tao yaa-aoo kiyaabuu simi se kao waa. Kum seta kaa ku otuma Wayombai wa'm guna miyo se kao waa.

Ibedani 2:17

Ku taao kan wai wa kaa “Mike ae,” yanigaambea se bage waa, wa'm winaanee se bage kuwa, enii'm sipea mugo mee to ese dodo ndo keowaao ndo sekii kimi. Mbao awaao kan mee tuma da kaa bage kimi ee, enta mugo ndoe, tau. Wai ese ata emi tau imam mee to kaao kan mee tuma kaa bage kimami. Me mugo imam mee to aii se kimami se ku tau. Ona me ko wai Anegisemee wa'm yambeaseke ndanda ku dimina ona ndo kan dama ndo pi-yaapamiyaabuu taao gai, me ona. Ona me ko wai enii kaa enii tao nagane kan dama natoyaabuu taao gai, me ona. Wa ko wai me mugo ese ata emi tau imam mee to kimami kumana me kaa kiyoo wai enii'm woo-woo se kaa naatabeao sekii, ese wa'm enii kaa naawaao kan simi kui.