Ku se ku asemata mugo ndoe Anegisemee Dim'mba wai Yesiusi'm dim'mba nda yakumai yako yabani-bani siyaai. Yabani-bani siyaai yako Yesiusi wa'm se asetaana ko “Epo nuwa, maa nuwa, ku wado ebo tutae se Naamaa woe, paamee!” se asetaake. “Ni'm ‘Paamee,’ se kasetaake se mina me ko me kase enta mugo ndoe, a'm dama mina ku mee mbo uwa da kaa yanige-mane sipe koya ekii kaa to dodo se bage waa ekii mbo tau. Ku mugo bage eki'm nigina ko, ‘Ni epi. Ni ese dimina aoo, ae,’ se nigeke kumana a'm dama mina ku eki'm emaa misi kaa aii koo game-game semape ndo. Ku koya yopaa'm sese dimina dowoo nakea se bage waa, tunaa se dimina aoo se bage kuwa, ku mbo a'm dama mina ku uwa da kaa yanige-manemape,” aseke. “Ku kumana Naamaa woe, paamee! A'm gai kan se awape kumana, ‘Paamee,’ se kaseo,” aseke. Yesiusi wai bani-bani se kan Anegisemee mbo se asetaake.
Kodose 1:19 - Anegisemee'm Mina Kapuge19 Mbao awasi na ebo yambeaseao gai ee? Tau. Keditusi wa ko wai mee tuma da kaa yombai mugo one yadake se dodo me kaa ko wa'm sese me ese Anegisemee wa'm sese mugo dodo kisi na, kena wa'm yaa mani da me nde miya Anegisemee wa'm yaa mani da mugo dodo kisi na, ku se ku deao sekii kisi na ebo yambeasimi. Anegisemee'm gai kan se yambeasimi, me ona. အခန်းကိုကြည့်ပါ။ |
Kodose 1:19
12 ပူးပေါင်းရင်းမြစ်များ
Wa mbaya bage ku wa mesema dipinimai yako enii wa'm maa buboo mugo dodo kidai. Wa ko enii'm moo to mugo dodo kidai. Kena maa en'ndo epo en'ndo ku otuma puseoyaana magasiyaabuu nai se Keditusi me me, wai enii nduwawe nde miya napuseoyaana namagasiyaabuu nai. Napuseoyaana namagasiyaai yako enii Yesiusi mbaya bage ku otuma maan'dai. Ku se ku dama masimasea na Anegisemee mbo kaasetoo naka. Se.
Anegisemee mataae! Tuhani Yesiusi Keditusi wa'm Anegisemee Naamee me me, wa kaa mataae! Kase enta mugo ndoe, enii Keditusi mesema dipinimai yako enii'm dimina da dama natoyaabuu sipi. Enii'm dimina da dama natoyaake ku ko ku Siduga maa kaa kam enii'm dimina da nda dama tosi na se-kao we-kao en'ndo otuma naadomoo sipi. Wa'm bakabu se kao ona kaa miya emi tau. Otuma nemi se kao waa. Ku kaa kiyoo “Paamee, mataae,” se aseao ndo bada.
Ona me ko “Yesiusi Keditusi wa'm awami ku kaa kiyoo ekii ni'm okaa mee se yombai waa yakiyaata.” Me ona. Anegisemee wa'm aii dodo naambeasimi mina waa kui. Aii se naambeaseke se ku tau. Wa'm ese naembaake kumana se naambeasimi mina waa. Ku se ku ese dimina etaa kan naawaao gai se kao waa. Yai, Anegisemee wa'm Keditusi kaa dama natoyaabuu nai ku ese asiyoo kumana “Paamee. Mataae!” se aseao bada.
Kena maa kaa endemapi se Keditusi me me, wai wa'm yape bage ku otuma mbeedi mbeaseke. Wa'm yape bage ku mbeedi mbeana epo wado pakeke. Epo wado pakemana ese, ese asiyoo ebo toke mee to kidai. Wai aoo-aoo ku en'ndo otuma aoo kisi na se awake. Wa'm emi tau se yoo ona kaa miya emi tau. Kam waa ko wa'm ebo toke yoo kiyoo kam enii tao yaa mani da waa naawademoo sipi.
Keditusi wa ko wai Anegisemee wa'm dim pame se dimina da waa ku uwa da kaa yaadeyaabuu nai se mee to. Wa'm sese dena ko “O Anegisemee wa'm sese, se ae, se ae,” se ku mike deao sekii. Ku se ku desi na ku mbeedi se kao se ku tau. Ku ese abayai, kipe'm edeke nde miya edeao kana se kao waa. Waya wada nda ku kaa Keditusi'm naadeyaabuu taan tau waa ku mina se ku epi kaao kana kiyaa.
Anegisemee wai yipi se bage naanegi semami kumana se-tuma we-tuma emi tau nakiyaapi kidai. Ku kaa kiyoo Yahudi tau se bage eki-nini, Yahudi bage eki-nini se pikamoo taao gai se dimina me dano kidai. O, ku paita endii da-mbeasipea bage waa ae. O, ku paita endii da-mbeasiin tau se bage waa ae. O, ku aneke bage waa ae. O, ku piba nda togea se bage waa ae. O, ku yaa pineana masii mata se bage waa ae. O, ku yaa pineasiin tau se bage waa ae. Me mugo pikamoo taao gai se dimina ku mike emi tau kidai. Kase enta mugo ndoe, Keditusi wai enii nduwawe okaa toi kumana ku kaa kiyoo enii otuma dodo kidai. Ku kindo se-tuma we-tuma dito se ku mbeedi. Ese ebo me ko me Keditusi wa ndo ebo mbeana yadito taao sekii. Se.