Anegisemee wai maa en'ndo otuma ku aoo kiyaami se dodo me kaa ko Mina Mee to wa kaa kam aoo kiyaabuu simi. Kisena ndo waa ko me Mina Mee to me me, wai nakayoo maa kaa ukimi. Maa kaa ukimi koya maa kaa togea bage waa ekii wa kaa si nige-neke aoo. “O, me enii'm Anegisemee ae,” se ku yanigaan tau koena.
Kodose 1:16 - Anegisemee'm Mina Kapuge16 Kase enta mugo ndoe, Siduga maa kaa se-kao we-kao ku nuwa, maa kaa se-kao we-kao ku nuwa, ku aoo kiyaabuu sita mugo ndoe, Wayombai wa'm yaa mani da kaa kam aoo kiyaabuu simi. Deao sekii se kao ku nuwa, deao kana se kao ku nuwa, ku otuma wai Wayombai'm yaa mani da kaa kam aoo kiyaabuu simi kao waa. Enii'm deao kana se kao ebanaa ku ko ku se-tuma we-tuma se epo wado bage waa. Ku ese ebo toke se bage waa. Ku ese yaa mani da aoo se bage waa. Ku koya ku mugo bage waa ku nuwa, enii'm yau-yau degea se kao waa ku nuwa, ku otuma Wayombai wa kaa wa tao yaa-aoo kiyaabuu simi se kao waa. Kum seta kaa ku otuma Wayombai wa'm guna miyo se kao waa. အခန်းကိုကြည့်ပါ။ |
Kodose 1:16
29 ပူးပေါင်းရင်းမြစ်များ
Kase enta mugo ndoe, se-kao we-kao en'ndo otuma ku wa'm ndo aoo kiyaabuu simi kao waa. Endo nde miya ku wa'm yaa mani da kaa yatoyaabuu siwoo nai se kao waa. Ku aii se yatoyaabuu siwoo nai se ku tau. Ku kaa kiyoo kam wa ekaa da ebo mbeana yapapa sisi na wa'm se awawoo semuu nai. Kum seta kaa endo kam wado enii si dan ndo wa ekaa da ebo yambeana yapapa siwoo nakea waa bada ae, se nigeo. Kui!
Ku kaa dimi wiya-wiya se mbeenaa kaa miya emi tau. Ni ese dimina ona ndo kan se nigina ko Anegisemee'm naembaake se dimina me dapimake iyo. Boke se dodo nde miya iyo. Toke se dodo nde miya iyo. Endo dodo aoo kaambea se kao ku nuwa, anikee waa aoo kaasea ku nuwa, ku nde miya wa'm naembaake se dimina me dapimake iyo. Epo wado bage nuwa, mbaa waa ku nuwa, ese ata emi tau yaa mani da aoo se bage waa ku nuwa, ku nde miya Anegisemee'm naembaake se dimina me dapimake mike iyo.
Ona me ko ekii'm eedoo bage ku aii bage waa se ku tau. Ku Abedaham nuwa, Isiaki nuwa, Yakubi nuwa, ku mugo eedoo bage waa, me ona. Kena ona me ko ku taii kaa kam wado one dana ko Keditusi se mee to one yadamea mei, me ona. Keditusi wa ko wai aii miga mee to se ku tau. Wai maa nuwa, epo nuwa, se-kao we-kao ku nuwa, ku wado ebo toi se Anegisemee mei! Yai, enii wa kaa ese si dan ndo “Paamee. Mataae,” se mina ku ndo eniwoo semuu taao ndo bada. Aii omiwoo towoo semuu nakea kui. Ku kasipa mina kuwa ku enii Isedeo bage waa enii'm sese kui. Ku koya aii bada ndo. Enii ese oba mugo Keditusi kaa “Mike ae,” se yanigaao be koena.
Kiyoo kam enii'm se nigina ko Anegisemee wa ko wa ese ona ndo, me Anegisemee Naamee, mei! Waya wada nda ese ebo toke se Tuhani me nde miya ese ona ndo, me Yesiusi Keditusi mei! Kena me Tuhani wa kaa kiyoo Anegisemee wai se-kao we-kao en'ndo otuma aoo kiyaabuu simi. Wa ko enii natoyaabuu siwoo nai se Tuhani mei! Waya enii'm toke yoo me aii toke se ku tau. Enii'm toke yoo me Anegisemee ebo yambeana yapapa sisi na se toke yoo.
Kena Anegisemee wa'm yambeaseke ona me ko me Wayombai me eda piya aoo se piya tukuu me kaa yayugumana wa'm emu yaogayaake. Wa'm emu ku aii se yaogayaake se ku tau. Siduga maa kaa toke se-kao we-kao en'ndo otuma ku nuwa, maa kaa toke se-kao we-kao ku nuwa, ku otuma Anegisemee mesema apoeke sekii kisi na, Wayombai'm emu ku yaogayaake se yambeasimi, me ona, wiya. Ku kasipa wiya ku aoo kiyaasi na Anegisemee wai Wayombai ese ebo yambeasimi.
Keditusi wa ko wai mike Anegisemee kumana wa'm guna miyo kao ku se de. Ebo toke se epo wado bage waa ku nuwa, ebo toke se mbaa waa ku nuwa, se-ebo we-ebo en'ndo otuma ku nuwa, ku se ku ebo tosi na se yaa mani da aoo koya tau. Ku otuma Keditusi wa'm guna miyo kao waa. Kena Kodose bage eki ko eki me ese ebo toke se Keditusi me mesema kadipinimai yako eki nduwawe kiyoo Anegisemee'm sese dodo kiyaasi na se dimina da waa nuwa, omiwoo towoo siyaasi na se dimina nuwa, ku se ku ese mike sekii. Mike ebata. Ku kumana wa-nini mina ku si dito taae.
Me gado me kaa ko wa'm enii tao naawami me ko me enii'm woo-woo se naawise-mbeaseke ku ndo tau. Ibedisi mbaa misi me nuwa, ese ebo toke se mbaa waa ku nuwa, ku mbaa waa ku nde miya mbeedi naambembo simi. Keditusi wa'm eda piya aoo se piya tukuu me kaa awami me kaa kiyoo mbaa waa ekii'm yaa mani da aii bada se yakiyaabuu simi. Se awami se dodo me kaa ko aii koo awami se ku tau. Ese ego yakiyaao kan uwa pana mbeedi yambembo simi. Mike dano.
Ku koya endo se gumba ko ese pake-takanu se gumba me kaa ko Anegisemee wa'm enii mbo naseao kan simi mina ku Wayombai wa kaa kiyoo ndo yamatai yako mi-eniwoo sipi. Wayombai wa ko wa aii miga mee to tau. Dee, ona me ko Anegisemee wai maa nuwa, epo nuwa, ku en'ndo otuma aoo kiyaabuu sita mugo ndoe ku Wayombai wa'm yaa-aoo kiyaabuu simi, me ona. Ona me ko Anegisemee wai Wayombai se yambeana ko se-kao we-kao en'ndo otuma wa epomee se yaambeasimi, me ona.
Epo nuwa, maa nuwa, ku nda se-kao we-kao ku nuwa, ku otuma Anegisemee wa'm wa kaa wa tao aoo kiyaabuu simi se kao waa. Kena wa'm awaao kan simi kao ona me ko me wa kaa wa tao yopaa kooda waa ku wa mbo bada yamadona ese abayai omiwoo towoo yatoyaabuu taao gai, me ona. Ku awaao kan Anegisemee wa'm se mbeana ko omiwoo towoo sisi na se enda da wadeke se mee to wai bodi ababa se kan buwaasi, se mbeasimi. Mee me me wa'm bodi ababa se kan boke yoo me ese ndumbo se kao. Me Anegisemee'm awaao kan simi ku pi-pamiyaasi na se kao koena. Kase enta mugo ndoe, wa'm naatabemami me kaa kiyoo omiwoo towoo sisi na se enda da naawadimapi koena.
Me maa poo yoo ndomami se Yesiusi Keditusi me me, me Siduga maa kaa pakemami. Kiyoo pakemana ko Anegisemee'm meyaa yato kiyoo ebo animana tomu nai. Kiyoo ebo tuta sita mugo ndoe wa'm guna miyo mbeedi yaambembo sipi kuwa ku epo wado bage waa ku nuwa, ese ebo toke se mbaa waa ku nuwa, ese yaa mani da aoo se mbaa waa ku nuwa, ku en'ndo otuma ku Keditusi wa'm guna miyo mbeedi yaambembo sipi se kao waa.
ကြော်ငြာတွေ