Paudusi mesema Sidasi akaai pedona Dedebe okaa yoo pemake. Kena Dedebe okaa yoo kam pedona Diseda okaa yoo pemake. Diseda okaa yoo pemana ko kiyoo Yesiusi'm mina yaa mu-mu se mee to ona aoo. Mee ona me wa ekaa da ko Timotiusi. Timotiusi wa'm naamee ko Yunani mee to koya wayoi ko Yahudi ambii to. Wayoi me ko wai Yesiusi'm mina kaa “Mike ae,” se nigeke se ambii to.
Kodose 1:1 - Anegisemee'm Mina Kapuge1 Me kapuge me ko me ni, Paudusi, ni'm wudumapa kapuge. Ni ko ni Keditusi Yesiusi kaa napeyaami se mee to. Anegisemee wa'm gai kan Edaseo se mee to se nambeasimi koena. Kena Yesiusi kaa eniikinaamee to, Timotiusi, wa nde miya ni mbo nakayoo aoo. အခန်းကိုကြည့်ပါ။ |
Kodose 1:1
11 ပူးပေါင်းရင်းမြစ်များ
Me kapuge me ko me ni Paudusi ni'm wudumapa se kapuge. Ni ko ni Yesiusi Keditusi wa'm wa tao masii yaamata se mee to. Eduga ko Anegisemee'm ni-nini nawenimami. Ni-nini nawenimake ona me ko Yesiusi'm mina kaa napeyaake mee to nakiyaao kan ni-nini nawenimapi, me ona. Ona me ko, wa'm dama mina me pi-yaa-eniwoo sisi na ku kaa namba ni-nini nawenimapi, me ona. Ku se ku awasi na ni-nini nawenimapi mee to, ni ko.
Me kapuge me ko me ni, Paudusi, ni'm ebe kaa mina kapuge. Ni ko ni Keditusi Yesiusi wa kaa napeyaami se mee to. Anegisemee wa'm gai kan Edaseo se mee to se nambeasimi koena. Kena Timotiusi, Yesiusi kaa eniikinaamee to, wa namba ni mbo aoo. Me kapuge me ko, me Akaya maa kaa en'ndo otuma togea se Anegisemee mbaya bage waa eki tao kapuge. Ebanaa ku Kodintusi okaa yoo Anegisemee kaa andagatagea se bage waa. Kena ebanaa ku Kodintusi okaa yoo yau-yau togea se bage waa. Eki tao kapuge eewee.
Ni ko ni Paudusi. Ni Yesiusi Keditusi wa kaa napeyaami se mee to. Me Keditusi me me, wai Anegisemee'm wa-nini wenimana daa mbeaseke mee to kumana Keditusi se ekaa da aoo. Kena Yesiusi Keditusi kaa napeyaami me ko me Anegisemee'm gai kan Edaseo mee to se nambeasimi kumana napeyaami. Ni'm kapuge ku eki tao, eewee. Eki ko Epesiusi okaa yoo togea bage koya aii bage se ku tau. Eki ko Anegisemee wa'm bage waa kisi na wa tao eki-nini kawenimapi se bage waa. Eki Yesiusi Keditusi kaa “Mike ae,” se nigeke se bage waa. Ku mugo bage kuwa eki tao kapuge kaneo.
Me kapuge me ni, Paudusi, ni'm wudumama kapuge. Kena Timotiusi wa nde miya ni mbo aoo. Ana ko Keditusi Yesiusi wa'm wa tao ndanda yaawawoo naka se bage waa. Me kapuge me ko me Pidipi okaa yoo togea se Yesiusi mbaya bage waa, eki tao kapuge. Eki ko eki Keditusi Yesiusi nda dipinimapea se bage waa kumana Anegisemee wa'm wa tao dimi se bage waa, eki ko. Ku kindo me kapuge me eki tao eewee. Aii Yesiusi mbaya bage ku nuwa, eki'm penatuwa bage waa ku nuwa, eki'm diaken bage waa ku nuwa, eki Yesiusi mbaya bage en'ndo otuma eki tao kapuge eewee.
Ni ko ni Paudusi. Nakayoo ni mesema akaa wiya aoo. Ona me ko Siowanusi. Ona me ko Timotiusi. Ku enii wido ku enii nakayoo aoo. Me kapuge me ko me Teseadonika okaa yoo togea se bage eki tao kaneo kapuge. Aii bage'm kapuge se ku tau. Eki ko eki Anegisemee Naamee wa'm bage waa, Tuhani Yesiusi Keditusi wa mbaya bage kuwa, ku mugo bage eki tao kapuge, eewee. Aba! Anegisemee wa ko wai eki tao aii se dama katoyaai waa bada ae se kaanigeo, me ona. Kena ona me ko, ese widigi tau se dimina da me nde miya kakumai waa bada ae se kaanigeo, me ona. Ku wiya ku kaa-awatai waa bada ae, se kaanigimana “Aba, aba,” se kaseo.
“Timotiusi, wa ndo ogiyoo pedona Teseadonika bage mbo peke bada. Ekii kaa mina pi-yewena ni mbo mi-nasisi nde,” se aseke. Enii'm eki mbo kameyaake Timotiusi me me, me aii mee to se ku tau. Me Yesiusi kaa eniikinaa bage se mee to. Wai enii mesema Anegisemee tao Keditusi kaa dama mina ku donaa asinaa se mee to. Me mugo mee to eki mbo kameyaake me ko me aii se kameyaake se ku tau. Eki'm Anegisemee kaa “Mike ae,” nigeke se dimina me mi-katakuniyaabuu sisi na kameyaamea. Me mugo dimina kakoesi na kameyaamea.
Ni ko ni Paudusi. Nakayoo ko Siowanusi mesema Timotiusi, akaai nde miya ni mbo aoo. Me kapuge me Teseadonika okaa yoo andagatagea se Yesiusi mbaya bage eki tao kapuge, eewee. Eki ko aii bage se ku tau. Eki, enii'm Anegisemee Naamaa mesema Tuhani Yesiusi Keditusi mesema, akaa'm bage waa. Ku mugo bage eki tao kapuge, eewee.
Pidemoni woe. Me kapuge me Paudusi, ni'm a tao kaawudumeo kapuge. Ni ko ni Keditusi Yesiusi kaa mina donaa asinaa se kumana ku kaa kiyoo peniyada ee nda nadomaamea se mee to. Kena Yesiusi kaa eniikinaa bage se mee to, Timotiusi, wa namba ni mbo nakayoo aoo. Pidemoni a ko ese dadaa se enimoo se mee to. Ai ana mesema Keditusi tao ndanda yaa mu-mu nae se mee to. Ku kindo Pidemoni woe, aba! A tao kapuge ee.
Kena ni'm kanige-maneao gai se mina ona me ko me eniikinaamee to, Timotiusi wa ko wa kaa mina. Eduga mee'm yapamitana peniyada ee nda yadomaamea koya endo tau. Yaa yapamitamea bage ku waya yaa ekatana yapeyaamea. Ku kindo Timotiusi wai mani ni mbo ukeke kipii kindo ko ni eki mbo pi-ade taata se dodo me kaa, ana ndepi ekii mbo kaukaata. Ku koya wai ni mbo mani tau si naukeke kipii kindo ni ndo kaukaata. Ku kaa dama masimaae.
ကြော်ငြာတွေ