Dee, enii ko enii ese dimina maboo se bage waa. Ku kaa kiyoo naoya-oya se kao ku enii'm mbeenaa mbeedi mbeaseao kana se kao waa. Ku koya Yesiusi wa ko tau. Eduga ko Yesiusi wai maa kaa tomi se dodo me kaa kiyoo yaoya-oya se kao ese oba demi. Enii kaa naoya-oya se kao en'ndo otuma wa kaa namba yaoya-oya siwoo simea kui. Ku koya wai mbeenaa kaa miya woo-woo semaan tau. Waya wada nda enii kaa naoya-oya siwoo nakea kao ku nadei yako wai enii kaa nagane kaao sekii. “O, ekii ese maboo aoo ae,” se ku namasimai yako ese nagane aoo. Enii'm ese ata emi tau imam mee to wa'm enii kaa se nanigitai.
Ibedani 5:2 - Anegisemee'm Mina Kapuge2 Kena ese ata emi tau imam mee me me, wai miga mee to kumana dimina maboo nde miya aoo. Wa namba woo-woo taao sekii. Ku kaa nigimai yako wai ogu bage kaa yagane kaao sekii. Ku kaa kiyoo ogu bage waa, si nige-neke kan woo-woo sipea bage waa ku nuwa, ndumbo se enda da waa ku kowitana kupoo se enda da waa ku nda penaa nakea se bage waa ku nuwa, ku mugo bage ku kaa wai tunaa kan yaawawoo taao sekii. Wa namba Anegisemee kaa dimina maboo aoo se mee to koena. အခန်းကိုကြည့်ပါ။ |
Ibedani 5:2
24 ပူးပေါင်းရင်းမြစ်များ
Yesiusi wai miga mee to kimi kumana yaoya-oya se kao ku ese oba dewoo simi. Kena ku yaoya-oya se kao ku mbeedi mbembo siwoo sita mugo ndoe bodi ababa siwoo simi. Ku se ku dewoo simi kumana endo nde miya mee ona wai yaoya-oya se kao aoo kipii kindo ko ku mbeedi mbeasisi na se dimina me Yesiusi wa'm yakumake sekii. Ku otuma wa'm mbeedi mbembo simi se kao waa koena.
Dee, Yesiusi wa'm sese waa ku ese wa-nini kumana ese maaneke sese waa ae se ku ndo nigaae. Dee, ese eduga ko Anegisemee'm okaa mee tupisi na mina me kaa kiyoo ese ata emi tau imam bage waa ku ebo yambembo siwoo simea. Ku ese ebo se mbembo siwoo simea koya ku otuma ese maboo aoo se bage waa ku ndo yambembo siwoo simea. Ku koya Anegisemee'm okaa mee tupisi na mina ku Musia mbo yanige-manena dai kaa waa ko Anegisemee wai wa kaa to ese okaa tamaao eo se mina se asina ko “Niyombai wa ko wai ese ata emi tau imam mee to se yambeaseo,” se asimi. Wa'm se yambeaseke kumana Yesiusi wai Anegisemee'm emaa misi kaa ese maaneke se imam mee to kina ndo waa ko se towoo semuu nai. Taa kiyaake sekii tau. Aii omiwoo towoo semuu taasi kui.
Waya kiyoo kam ndumbo ndo awasi na se enda da me nda ndo ndumbo ndo penaa taae! Kase enta mugo ndoe, ebanaa bage ekii'm Anegisemee kaa nigeke dimina ese maboo aoo. Ku ese maboo aoo kumana ekii kadito se aoo. A ndumbo ndo penaa se kipii kindo ko ekii namba ekii'm si maaneke se dimina me mbeana a'm sese mugo dodo penaa taambea. Ku koya a kupoo penaa se kipii kindo ko ku kadegea yako ekii'm maboo se dimina me waya wadobo si maaniyaana aii bada kiyaabuu taambea. Ku kumana ndumbo ndo penaa taae.
Ku abayai ae se dema se kao kuwa ku kaa ni kaa to mike apaao sekii se kao waa. Kena ku kaa apaao gai waa, ni'm ese mike dema se mina waa ku ndo asiyaa. Aii dim kapaan tau kan ni kaa to dodo se mina aseke se ku tau. Yibanda kiyaa, ni kaa to mee'm emaa misi kaa ebo nakiyaasi na se kao ku kaa si apaamba. Ni ese maboo se mee to ae, se nadesi na se kao ku kaa ndo apaao gai. Kase enta mugo ndoe, ni'm iya-iya da kaa dema mina ku kaa kiyoo ogu bage ekii “Yai, Paudusi wai ese ebo se mee to ae,” se ku nanigaambea kumana ni be. Ku koya ni'm dama awake-awake nuwa, ni'm ndumbo ndo eneke-eneke nuwa, ku ndo nandamagea yako “O, Paudusi wai me bage bage ae,” se nanigeke kipii kindo ko me ndo bada. Ku ndo sekii.
Kase enta mugo ndoe, eduga ko ni Anegisemee kaa yaekayaa sima se mee to. Kena wa'm bage ku kaa nde miya bodi ababa siyaabuu sima. Ese dim'mba tau si maaniyaake kao ku yaawawoo sima. Ku se ku awawoo sima koya ku kaa em nadaan tau. Dee, wa'm nadena ko ni Yesiusi kaa “Mike ae,” se nigaan tau kumana si nige-neke kan peu-pau ku ndo awawoo sima se naademi. Ku kaa kiyoo wa'm nagane kan em nadaan tau. Em nadaao daan simi koya
“Ku kumana Simoni woe. Ibedisi wa'm se kaoya-oya taambi ku kaa kiyoo a'm ni kaa ‘Mike ae,’ nanigeke se dimina da me dim wiya-wiya kaase. Ai ni kaa dim wiya-wiya kaase koya a'm ni kaa ‘Mike ae,’ nanigeke se dimina da waya wadobo oyu kise na Anegisemee mbo se kaasetoo sipa,” aseke. “Ku kaa kaasetoo sipa kumana a'm dim wiya-wiya se dimina mbanamana waya ni kaa dimina ona ndo kaase. Kam waa ko ai ni kaa waya dimina ona ndo yaa mu-mu sita mugo ndoe, kiyoo kam ni mbaya bage ogu ku ekii tao oyu se dimina pi-yatakuniyabuu taae,” aseke.
Waya na kiyaa, Anegisemee kaa eo se bage ekii'm dimina ese mbiseoo. Ekii'm dimina ese mbiseoo kumana Anegisemee'm sese ku kaa si nige-neke se bage waa se tutakea. Ese emaa diyoo aoo. Ese ndumbo mina ku kaa dimina kapaan tau se bage waa. Ku kaa kiyoo ku mugo bage ekii Anegisemee'm omiwoo towoo natoyaasi yoo peao kana se bage waa. Aii dim mbiseoo kan boke ndo sekii se bage waa. Se detaa.
Ku taao kan wai wa kaa “Mike ae,” yanigaambea se bage waa, wa'm winaanee se bage kuwa, enii'm sipea mugo mee to ese dodo ndo keowaao ndo sekii kimi. Mbao awaao kan mee tuma da kaa bage kimi ee, enta mugo ndoe, tau. Wai ese ata emi tau imam mee to kaao kan mee tuma kaa bage kimami. Me mugo imam mee to aii se kimami se ku tau. Ona me ko wai Anegisemee wa'm yambeaseke ndanda ku dimina ona ndo kan dama ndo pi-yaapamiyaabuu taao gai, me ona. Ona me ko wai enii kaa enii tao nagane kan dama natoyaabuu taao gai, me ona. Wa ko wai me mugo ese ata emi tau imam mee to kimami kumana me kaa kiyoo wai enii'm woo-woo se kaa naatabeao sekii, ese wa'm enii kaa naawaao kan simi kui.
Ku koya Ese, Ese Daa se Dukune me nda ndemaao sekii se mee me me, me ese, ese ata emi tau imam mee to wa ndo pi-ndemaao sekii. Wa ndo pi-ndemaao sekii koya omiyaa siyaa pasi-pasi se pi-ndemeke se ku tau. Daamee endii pakei ona omayu, ea ona ndo pi-ndemeke. Waya daamee endii pakei ona omayu, ea ona ndo pi-ndemeke se ku ndo sekii. Ku kisiu pi-ndemiwoo sita mugo ndoe aii se pi-ndemeke sekii tau. Emu dona ndo pi-ndemeke sekii. Ku kindo me nda pi-ndemaanki ae se dodo me kaa ko wa'm woo-woo se ku kaa nuwa, Isedeo bage en'ndo otuma ekii'm dime tau kan woo-woo sipea ku kaa nuwa, ku kaa dom'mba egina mugo kao mbatumana emu ogayaana maseke. Emu ku masidona Ese, Ese Daa se Dukune me nda pi-ndemina ko Anegisemee'm egi kaa kiyoo “A tao ee,” se aseke. Me ko me ese ata emi tau se imam mee to wa'm ndanda.
Dee, eduga ko eki'm dimina ku Anegisemee mbo tau. Ese mbaa kimea se dom'mba egina waa mugo dodo se kadema. Ku koya endo ko tau. Eki waya mi-ndagidi medona eki'm Kamaniwoo se Mee mbo ukiyaa mugo dodo se kadeo. Eki'm Kamaniwoo se Mee to me ko me Keditusi, eki dimina da waa dama ditona kaedimiwoo nai se Mee to mei!
ကြော်ငြာတွေ