Wa'm sese ko wai mina ebeabea da waa eniwoo nai kumana wa kaa yaamanimami se mina ona me pi-pamiyaai. Kase enta mugo ndoe, nabi se mee to ona wa'm wudumami mina ona me ko me se de. “Ese edugana ko Anegisemee wai maa en'ndo otuma anegi semami se dodo me kaa ko wa'm mina ebanaa ku ko ku wa'm koo gamami se mina waa. Wa'm koo gamami se mina ku ni'm uwa pana enei taao kan mina ebeabea da waa mbembona eniwoo taata,” se wudumami. Dee, nabi bage wa'm aii dodo wudumami se mina kuwa, ku Yesiusi wa'm pi-pamiyaami se mina waa. Wa'm eneao kan sipi ku otuma mina ebeabea da kaa mbembona eniwoo simi koena.
Ibedani 4:3 - Anegisemee'm Mina Kapuge3 Me yemana “Mike ae,” nigeke kumana Anegisemee wa'm enii tao yaa embewesi na se mina me enii mbo meanina dama toke kidai. Ku koya ogu bage ekii be kumana ekii kaa mina me Anegisemee wa'm eduga Ibedani bage mbo asimi mina mugo dodo. Eduga Anegisemee wa'm se enina ko “Ni'm ekii'm woo-woo se kaa yima kiki me kaa kiyoo ni, ni kaa to ese tamaao eo se mina se enina ko ‘Tau! Ni'm ekii tao yaa pi-embewesi na se yoo kiyoo pi-tuwaao kana kaasea,’ ” se enimi. Yaa embewesi na se mina me ko me ese eduga edugana kam ata aoo kimi se mina da. Kase enta mugo ndoe, ese edugana ko Anegisemee wai se-kao we-kao en'ndo otuma aoo kiyaabuu simi. Onu bidimi omana dada aoo gapi, wa'm aoo kiyaabuu taao kan sipi ku otuma dano kumana yaa embewemi. အခန်းကိုကြည့်ပါ။ |
Ibedani 4:3
15 ပူးပေါင်းရင်းမြစ်များ
“Se wenemoo-pamoo semana ndo waa ko Ese Ata Emi Tau Ebo Toke se Mee to, ni ko ni'm meyaa yato wenimapa se bage waa ku mbo se asina ko ‘Eki ko eki ni'm Naamee wa'm dama aya kadotoo sipi se bage waa se kadeo. Kase enta mugo ndoe, ese eduga edugana ko maa en'ndo otuma anegi sita mugo ndoe me gado me kaa kiyoo Anegisemee wa'm eki tao aii se kaa-epipina ko wa'm guna miyo ese dama ndo towoo sisi na se yoo kaa-epipi semami. Kum seta kaa mewee! Wa'm aii se kaa-epipi semami yoo me kaa mi-tona epoo bage kisea nde, mewee!’ se asiita,” aseke.
Dee, ese eduga edugana ko maa en'ndo otuma anegi semaan tau yoo Anegisemee wa'm enii kaa naambeasimi se mina ona me ko “Anikee waa Keditusi mesema dipinimaasea bage ku ko ku ni'm emaa misi kaa ni kaa ni tao daa naambeaseke bage waa kaasea.” Me ona. Ona me ko “Ese dimi ndumbo si maaneke kaa miya emi tau se bage waa, ku mugo bage kaasea.” Me ona.
Eduga ko enii Anegisemee'm dama mina yemea se dodo me kaa dim wiya-wiya se mbeenaa kaa miya emi tau. Ese dimina ona ndo kan “Mike ae,” se nigimamea. Kum seta kaa ni'm kaseao kan sipa mina me ko me se de. Endo kam wado kise buwaasea yoo kam miyo epopi nda kuwa, enii'm eduga dim wiya-wiya emi tau se dimina da me waya yaa mu-mu taao ndo bada. Me yaa mu-mu se kipii kindo ko Keditusi wa'm naa-awami - naa-awami ku enii kaa nde miya nameaniyaana wa mesema ese dadaa se enimoo se towoo taambea.
Dee, wa kaa to “Ee,” se aseke me ko ea ona ndo sekii tau waa, mee'm woo-woo se kaa ea oba mugo bowoo taao ndo sekii siyaa. Ku se waa, ese eduga edugana maa nuwa, epo nuwa, anegi semana dai kaa waa ko ea oba mugo bodi ababa semuuna bowoo siyaa. Ku koya tau. Ese pake-takanu se gumba me kaa kiyoo ndo wai maa kaa memami. Wai, wa kaa to ekamana mee'm woo-woo se kaa naatabeao kan maa kaa memami. Kena wa'm ea ona ndo naabomi me mike sekii. Waya wadobo nde miya si buwaasi.
Ese eduga edugana ko maa nuwa, epo nuwa, ku se ku aoo kiyaan tau yoo se dodo me kaa ko Anegisemee wa'm Keditusi wa kaa mina se yambeana ko “Wai Mee Gapeke Mee to kaasi ae,” se yambeasimi. Kisena ndo waa ko enii'm togea se gumba, ese pake-takanu se gumba waa, ku kaa pakemai ndoe Anegisemee wai Keditusi maa kaa yapeyaami. Maa kaa yapeyaana ko eki kaa eki tao dama katoyaao kan uwa da kaa yadeyaabuu simi.
ကြော်ငြာတွေ