Ibedani 13:2 - Anegisemee'm Mina Kapuge

² Kena mina ona me ko eki'm eo se medaa penaa se bage ku eki mbo ukita mugo ndoe, “Ni'm ee nda naomaae,” se aseae. Kase enta mugo ndoe, ebanaa bage ekii'm “Ni'm ee nda naomaae. Noke kao ee,” se asimea se bage waa ku miga mee tuma kaa bage asimea se ku tau. Aii si nige-neke kan epo wado bage ku kaa nde miya dama yaawamea. Ku kumana “Me naa miga mee to ee? Me naa epo wado mee to ee?” ku eki si nige-neke kumana mee en'ndo otuma “Ni'm ee nda mi-naome o. Noke kao ee,” se asiwoo taae.

Ibedani 13:2 ပူးပေါင်းရင်းမြစ်များ

Mandiusi 25:35

“Wa'm guna miyo dama tuwaao sekii ku mbao kaa pi-tuwaao sekii ee? Tau. Eduga ko ni namo naadi kima se dodo me kaa noke kao nemea. Uwo naadi aoo se dodo nde miya uwo nemea. Kena medaa penaina eki mbo aneke se dodo me kaa ko eki'm nasina ko ‘Aba, aba. Enii'm ee nda naomaae,’ se nasimea.

Mandiusi 25:40

“Ekii'm se nasigea se gumba me kaa kiyoo, Ese Ata Emi Tau Ebo Toke se Mee to, ni ko, ni'm ambewaata mina me ko me se de. ‘Tau. Ese ndumbo mina kasiinka ndeo. Ese mbeedi kam mbeedi ni kaa nikinaa bage ona aoo se dodo me kaa ko kena eki'm wa kaa wa tao dama yaawamea kindo ku deo yako ni'm kadena ko “O, eki'm yaawapea me ni kaa naawapea kui, ae,” se kadeo. Ku kaa kiyoo eki ni kaa ese dama naawawoo simea, se kasipa,’ se asiita.

Mandiusi 25:43

Kena medaa penaina eki mbo aneke se dodo me kaa ko eki ‘Aba, aba. Enii'm ee nda naomaae,’ se mina se ku nasiin tau. Kena amaa ndago aoo se dodo me kaa manaa se kao niin tau. Kena kee meanima se dodo nde miya, peniyada ee nda toma se dodo nde miya, eki ni mbo mi-nadewee taan tau. Ku kaa kiyoo me ‘Bidea me nda pi-towoo siwee,’ se asiita,” aseke.

Edaseo Bage 16:15

“Mike ae,” se nigimana wa nuwa, wa'm ee nda togea bage waa ku nuwa, ku enii'm uwo ndoiba yatakumewee se. Uwo ndoiba yatakumeweena ko Didiya wa'm nasina ko “Ni'm dimina eki epi. Ni Tuhani kaa dimina ona ndo kan ‘Mike ae,’ yanigipa ae se nanigeke kumana ni'm ee nda mi-omiwee taae,” se aseke. “Mi-omiwee taae, mi-omiwee taae,” oba se naseke kumana enii wa'm ee kaa pi-omiwee se. Se awamea.

Edoma 12:13

Ona me ko Anegisemee wa'm bage ku tapoo omeke kipii kindo ko a'm kao ku ekii tao maneae. Ona me ko medaa penaa se bage aoo kipii ekii tao “Nao kao ee. Ni'm ee nda naomaae,” se aseae. Ku mugo sese ku ese dim pipi kan se awawoo taae.

Edoma 16:23

Waya ni, Paudusi, ni Gayusi wa'm ee nda omiwee naka. Kena nakayoo Yesiusi mbaya bage ku ko ekii andagatake se dodo me kaa me Gayusi wa'm ee me nda nakayoo andagata semuu nakea. Me Gayusi me me, wa nde miya “Aba, aba,” se kasii. Kena nakayoo okaa yoo, pemedinta bage ekii'm kipe ku yaadito se mee to ona aoo. Mee me me, wa ekaa da ko Edasetusi. Wa nde miya “Aba, aba,” se kasii. Kena Yesiusi kaa eniikinaamee to, Kawadatusi wa nde miya “Aba, aba,” se kasii.

1 Timotiusi 3:2

Penatuwa se bage ekii'm ndanda ku ko ku ese dama se ndanda kumana aii bage ku penatuwa mee to si yambeaseae. Penatuwa mbeaseao sekii se mee to me ko me se de. “O, wa peu awapi ae,” se mina me ona kaa miya yiin tau kipii kindo ko me bage mee to penatuwa mee to yambeaseao sekii. Ona me ko ambii ona ndo aoo kipii, kena wa'm dimina wa'm ambii mbo ndo se awatai kipii kindo ko me mugo mee to yambeaseao sekii. Ona me ko mani dimina masiimbi mee to me tau. Dimina andimata se mee to me ndo yambeaseao sekii. Wa kaa to wa yimbi maneao sekii se mee to me ndo yambeaseao sekii. Ona me ko yau-yau bage'm yanigina ko “O, me dimina bada se mee to. Wa'm sese ese maaneke ae,” se yanigeke kipii kindo ko me bage mee to penatuwa mee to yambeaseao sekii. Ona me ko wa'm ee kaa ukipea bage ku otuma wai “Ni'm ee nda mi-naomaae. Namo ee,” se aseke kipii kindo ko yambeaseao sekii. Ona me ko mina tupaao epi se mee to yambeaseao sekii.

1 Timotiusi 5:10

Eé, yau-yau bage ekii me kogaa ambii me kaa yanigina ko “O, me ambii me me, me dama se kao ku ndo awanaa se se ambii to ae,” se yanigeke kipii kindo ko kapuge nda wudume o. Wa'm dama se kao waa awanaa sipi ona me ko wa yuwa ku dama dito se kan maneta sipi. Me ona. Medaa peke bage tao noke kao yuwe-manee sipi. Me ona. Anegisemee wa'm dimi se bage waa ekii tao bado nda maa ku yaawisei sipi. Me ona. Bodi ababa se aoo se bage waa ekii tao dama yaawata sipi. Me ona. Ku dama se kao kuwa awanaa simi kipii kindo ko me bage kogaa ambii to wa ekaa da kapuge kaa yaawudumaae, wa'm eduga wa'm yuwa tao manimi-manimi mugo dodo enii namba dama tosi na se kao waa wa tao maneao nde.

Titusi 1:8

Ku mugo se bage ku yambeaseao iyo, koya penatuwa bage yambeaseao sekii se mugo bage ku se de. Mee ona wai wa'm ee kaa ukipea se bage ku otuma “Ni'm ee nda mi-naomaae. Namo ee,” se aseke kipii kindo ko mee me me penatuwa se mee to yambeaseao sekii, me ona. Ona me ko dama sese waa ku ndo wa'm ese gai se kao kipii kindo me mugo mee to me ndo maaneke, me ona. Ona me ko Anegisemee'm emaa misi kaa ndumbo ndo awanaa se mee to me nde miya maaneke, me ona. Ona me ko si maaneke se kao ku mbeana Anegisemee'm gai-gai awanaa se mee to me nde miya maaneke, me ona. Ona me ko mee ona wai wa kaa to wa yimbi maniwoona ndumbo ndo awawoo nai kipii kindo ko me mugo mee to me nde miya maaneke, me ona. Ku mugo dimina aoo kipii kindo ko penatuwa se mee to yambeaseao sekii.

1 Petadusi 4:9

Kena ona me ko ogu Yesiusi kaa kinaa bage ku a'm ee kaa ukita mugo ndoe, “Aba nemugoi! Ni'm ee nda tomuna noke kao naao nde,” se aseae. Se aseke se dodo me kaa beam-beam mina ku mbeenaa kaa miya si asin ndo aii dimina etaa kan se aseae, me ona.

3 Yohanesi 1:5

Ni'm ese embaake se nemugoi woe. Yesiusi kaa eniikinaa bage ebanaa ku Anegisemee'm mina ku donaa asinaa taao kan medaa penaa simea. Ekii medaa penaina a mbo ukimea se dodo me kaa kiyoo a'm ekii tao dama tosi na kao ku yaawawoo sime. Ku a'm eduga diin tau se bage koya tau. A'm Anegisemee kaa dimina ona ndo se dimina da me kaa kiyoo kam ai ekii tao ese dama yaawawoo sime. Ekii'm awake-awake ku maanisi na dama yaawawoo sime.