Ibedani 11:9 - Anegisemee'm Mina Kapuge

⁹ Aii yima'm peke mu, mu, muuna ko Anegisemee wa'm “Me maa me a tao kaambeasipa maa,” se aseke maa me kaa kiyoo ukimana ndo waa ko kiyoo tomi. Wai Anegisemee kaa “Mike ae,” nigeke kumana kiyoo pi-tomi koya maa epomee wa'm sese mugo tomi se ku tau. Wa'm sese ko wa-nini bage'm maa me kaa aii aneke mee to mugo dodo se towoo simi. Kum seta kaa ekii sepao ekii'm ee waa ku take ee waa ku ndo mewoo simea. Kena Anegisemee wa'm “Me maa me kaniita,” se asimi mina me ko me Abedaham wa kaa ndo peaniyaake se mina se ku tau. Me wayombai Isiaki nuwa, wamai Yakubi nuwa, akaai kaa nde miya meaniyaao kan sipi mina kui. Kena akaa namba Abedaham wa'm sipi mugo take ee waa ku ndo mewoona ku nda ndo omiwoo towoo simea.

Ibedani 11:9 ပူးပေါင်းရင်းမြစ်များ

Ibedani 6:17

Ku mugo yaa, Anegisemee wa'm enii kaa enii tao naawaao gai ku ese mike wa-nini kiyaao kana se mina waa. Wa'm “Se kaawaata,” se mina, ku wa'm mike pi-naapamiyaabuu taasi mina waa ku ndo. Kum seta kaa enii waya “Ese, ese mike niisi ae,” se yanigisi na, Anegisemee wai wa'm naa-owatami mina me mesema, wa'm ese tamaao eo se mina me mesema dipinimana enimi.