Ibedani 10:3 - Anegisemee'm Mina Kapuge

³ Waya wada nda daamee endii pakei, waya daamee endii pakei omiwoo towoo sita mugo ndoe, ekii'm egina waa ku mbatumei-paina bidea kaa yaaponoyaabuu siwoo nakea kumana ku kaa kiyoo ekii'm woo-woo se andibuu semake sekii tau. Ekii'm awawoo nakea ku dena ko “O, enii'm woo-woo se ku ndigi ae,” se ku ndo nigaao sekii.

Ibedani 10:3 ပူးပေါင်းရင်းမြစ်များ

Mandiusi 26:28

“Kase enta mugo ndoe, ku noke kindo me ni'm emu ku kaa nigisi na ebeabea da mugo dodo. Dee, mee waa ese oba mugo, eki'm woo-woo se ku kaawise-mbeasisi na ni'm emu ku eki tao kaa-ogayaata,” aseke. “Waya wada nda, me emu me kaa kiyoo Anegisemee wai eki mesema ese okaa tamaao kana se mina kaa-aoo kiyaasi,” aseke. “Ku kaa nigi sisea na ‘Nowee,’ se kasipa,” aseke.

Yohanesi 2:17

Yesiusi wa'm awatai ku degea yako wa'm tupinaa se bage waa ekii'm se yanigina ko “O, wa'm dimina me Anegisemee'm mina kapuge me nda wudumami mina mugo dodo ae,” se yanigeke. Me mina me ko me se de. “Anegisemee woe. A'm ee me mee en'ndo otuma ekii'm emaa misi kaa kaebo-kiyaasi na me ko me ni'm ese asiyoo kam asiyoo ‘Oowoo,’ se kao. Me kaa boke nde miya sekii,” se wudumami. Ku wudumami mina ku kaa nigi simagea yako “O, Yesiusi wa'm dimina dodo ae,” se yanigeke. Wa'm tupinaa se bage ekii'm se yanigimea.

Ibedani 9:7

Ku koya Ese, Ese Daa se Dukune me nda ndemaao sekii se mee me me, me ese, ese ata emi tau imam mee to wa ndo pi-ndemaao sekii. Wa ndo pi-ndemaao sekii koya omiyaa siyaa pasi-pasi se pi-ndemeke se ku tau. Daamee endii pakei ona omayu, ea ona ndo pi-ndemeke. Waya daamee endii pakei ona omayu, ea ona ndo pi-ndemeke se ku ndo sekii. Ku kisiu pi-ndemiwoo sita mugo ndoe aii se pi-ndemeke sekii tau. Emu dona ndo pi-ndemeke sekii. Ku kindo me nda pi-ndemaanki ae se dodo me kaa ko wa'm woo-woo se ku kaa nuwa, Isedeo bage en'ndo otuma ekii'm dime tau kan woo-woo sipea ku kaa nuwa, ku kaa dom'mba egina mugo kao mbatumana emu ogayaana maseke. Emu ku masidona Ese, Ese Daa se Dukune me nda pi-ndemina ko Anegisemee'm egi kaa kiyoo “A tao ee,” se aseke. Me ko me ese ata emi tau se imam mee to wa'm ndanda.