Yesiusi mbaya bage eki'm awaao gai me wa-nini. Yesiusi kaa “Mike ae,” nigaan tau se bage waa ekii'm awaao gai me wa-nini. Ku akaa ndepi dodo tau kumana ekii mbaya mesema si dipinimaae. Dee, ndumbo ndo awatakea se bage ku mina tamoo nakea bage mesema dipinimana mbaya ona ndo kiyaao sekii yee? Tau na, ekii'm awaao kan sipea dodo tau kumana dipinimake iyo. Eé, ao da mesema tuku, akaa ndepi dipinimana toke sekii yee? Tau na.
Epesiusi 5:7 - Anegisemee'm Mina Kapuge7 Ku mike Anegisemee'm em yadaasi se bage waa kumana ekii mbaya si aneweae! Ekii'm sese ku si awaae! အခန်းကိုကြည့်ပါ။ |
Epesiusi 5:7
11 ပူးပေါင်းရင်းမြစ်များ
Wa'm yanige-manepi mina me ko me se de. Yahudi bage nuwa, Yahudi tau se bage nuwa, enii ndepo Anegisemee wa'm dama mina me kaa kiyoo maan'dai taambea. Kase enta mugo ndoe, wa'm dama mina me kaa kiyoo enii ndepo Keditusi Yesiusi nda dipinimana mbaya ona ndo mugo nakiyaake se bage waa, me ona. Kena ona me ko Anegisemee'm dama mina me kaa kiyoo wa'm enii tao dama tosi na daa naambembo se kao ku nde miya enii ndepo masiisea se bage waa, me ona. Kena ona me ko Anegisemee wa'm Keditusi Yesiusi kaa naa-owatami mina da ku nde miya Yahudi bage nuwa, Yahudi tau se bage nuwa, enii ndepo enii tao nameaniyaasi se mina da. Enii ndepo Keditusi kaa omiwoo towoo natoyaabuu taasi koena, me ona. Ku kasipa kuwa ku Anegisemee wa'm dama mina kaa nameaniyaabuu nakea se mina waa. Yahudi bage nuwa, Yahudi tau se bage nuwa, enii ndepo kui. Anegisemee Dim'mba'm se nanige-manepi koena.
Mee ona penatuwa se mee to yambeaseao gai se dodo me kaa ko mani si yambeaseae. Kase enta mugo ndoe, woo-woo se yaa mu-mu se mee to a eo kan penatuwa se mee yambeaseke waa, wa'm woo-woo se ku a namba yaa mu-mu siyaa. A kaa to peu kiyaake mugo dodo siyaa koena. Ku kumana ku se ku si awase na penatuwa se mee to mani si yambeaseae. Mbeasiin tau yoo wa'm sese dama yandamaae.
Se asemana ko ni waya se yena ko Anegisemee wai Siduga maa kaa kam mina enemaai se yema. Mina me se enemaana ko “Babeo okaa yoo togea bage ekii'm woo-woo se ku ese wa-nini keo se detaka,” aseke. “Ku dena ko ekii'm woo-woo se ku ebeabea da ebeabeake kipii kindo ese maa kaa kam ata kisee Siduga maa kaa kam miyo epopi da ku kisiu ebeabea da peu-pau awawoo nakea se detaka,” aseke. “Ekii'm peu-pau ku ni'm mike andibuu taao kana se kao waa kumana ku kaa mike em yadaanka deo. Ku mike em yadaanka kumana ni'm bage waa woe. Me okaa yoo me nda peu-pau awawoo nakea bage ekii mesema ekii mbaya si aneweae! Ekii'm sese ku si awasea na, mani mewee!” aseke. “Waya wada nda kiyoo togea bage ku kaa em yadaao kan mee buwaa mugo kao waa ku ekii kaa yaendaaniyaabuu taamba. Ku kindo ko ni'm yaendaaniyaabuu taamba kao ku eki kaa nde miya si meanisi na me okaa yoo me nda togea bage'm sese ku ogato damana yau kaa peaniwee,” se asimi.
ကြော်ငြာတွေ