Kena Yohanesi wa'm waya se asina ko “Ni'm sese masimasea na mina ebeabea da kasiinka ndeo. Keditusi wa ko wai ambii masiimbi se mee to mugo dodo. Ni ko ni wa'm dadaa se anamoo se mee to me ndo. Kena ogu bage waa ku wa'm masiimbi se ambii mugo dodo se bage waa. Ku kindo ko wa'm ambii mugo se bage waa ku wa mbo ndo meke bada. Ni mbo tau. Ni ko ni ese, ese bani-bani se kan wa mbo pasi kaa tomuna wa'm mina yito naka se mee to. ‘O, wai wa'm ambii mugo se bage waa ku wa mbo metakea ae,’ se deo yako ni'm bani-bani se dimina da me ese mike eneke sekii tau. Ese asiyoo kam asiyoo bani-bani se aoo,” aseke.
Epesiusi 5:32 - Anegisemee'm Mina Kapuge32 Akaa bae dipinimana oi ona ndo kidai se mina me ko me ese mike yeao kana se mina da. Ese yeao kana ko kana koya me mina me ko ese ebo se mina da. Me “Keditusi mesema wa mbaya bage mesema dipinimana mee ona ndo kidai ae,” se nigisi na se mina da. Se kaseao kan sipa. အခန်းကိုကြည့်ပါ။ |
Epesiusi 5:32
14 ပူးပေါင်းရင်းမြစ်များ
Ni'm kaseao kan sipa mina me ko me se de. Anegisemee mbaya bage eki'm dimina ku Anegisemee wa mbo tau kipii me dimina se kadena ko Anegisemee wai eki kaa kaemaayoo aoo. Ku mugo yaa, eki'm dimina da ku Keditusi kaa pataweke kipii kindo ko ni nde miya eki kaa kaemaayoo aoo. Ku kaa mina ebeabea da kasiinka ndeo. Eki ko eki Keditusi wa'm kamasiisi se ambii se bage waa mugo dodo. Kamaseao kan mina ku mike bota. Anikee waa mike kamasiisi. Kum seta kaa, anikee waa kamasimana wa'm egi kaa kiyoo tomu se se dodo me kaa ni'm eki kaa kaseao gai se mina ku se de. “Keditusi woe, a'm ambii se bage waa ku dee. Ese tubaka mbeenaa kaa miya si awan ndo a kaa dimina ona ndo kan towoo sipea se ambii, ku dee.” Me mugo mina kaseao gai. Ku se ku mike kaseao gai kumana ni eki kaa kaemaayoo aoo.
Anegisemee'm mina kapuge me se nanige-manena ko “Ku kumana mee ona wai ambii maseke se dodo me kaa ko naamee oko ogato damana, akaa bae kaambea. Akaa bubee se dipinimagea yako akaai oi ona ndo kidai. Dimina namba ona ndo kidai. Yimee'm dimina da ambii mbo. Ambii'm dimina da yimee mbo. Akaai ese mee ona ndo kidai.” Anegisemee'm kapuge se nanige-maneke.
Kena ni kaa ni tao nde miya naasetoo taae. Dee, eduga ko Anegisemee'm mee tuma tao dama tosi na mina kuwa ku mee'm si nige-neke se mina waa. Endo nde miya ekii eo kumana ku mina ku mee mbo eniwoo taao kan Anegisemee mbo naasetoo taae. Ni ko widaa tau kan oyu ndo eniwoo taao kan naasetoo taae. Waya na kiyaa, eki'm nasetaake mina ona me ko “Anegisemee woe. Paudusi wai mina eniinki se dodo ndoe, wa'm eneao kan sipi mina ku dama yanige-maneae,” se mina naasetoo taae.
Kena ni'm kanam-kanam awawoo naka me ko me mbao awasi na awawoo taao gai ee? Tau! Ona me ko eki a-embaa naa-embaa semana dimina ona ndo kiwoo sisea na kanam-kanam awawoo taao gai, me ona. Waya dimina ona kiwoo semagea yako eki'm dimina nda kiyoo ese oyu se dimina katakuniyaabuu taao kan kanam-kanam se ndanda kaawawoo taao gai, me ona. Kena ona me ko Keditusi kaa mina, Anegisemee wa'm eduga koo gamami se mina me ko me kaa epi kisea na kanam-kanam ndanda kaawawoo naka, me ona. Dee, Keditusi kaa mina ku dama masimake kipii kindo ko eki'm dim wiya-wiya se se dimina me mike dano kaambea sima! Aii, dimina ona ndo kan “Abayai! Me Keditusi kaa mina me ko me ese abayai dama tosi na mina ae,” se ku ndo nigaambea. Ku kumana ku mugo dimina aoo kisea na eki tao ndanda oyu kan kaawawoo taao gai. Se kaseao kan sipa.
Ese ndumbo mina kasiinka ndeo. Anegisemee wa'm ndumbo mina ku ko enii'm “Mike ae,” se nigeke mina waa. Ku ese abayai se mina waa. Eduga ko ku wa'm nanige-maniin tau se mina waa koya endo ko tau. Endo ko Keditusi naadeyaai yako epi kumagea. Wa kaa kiyoo enii'm epi kimana “Mike ae,” se nigimagea mina ku ko ku se de. Anegisemee wai mee tuma da kaa mee to agidimake. Me ona. Kena Anegisemee Dim'mba wa'm se yaadeyaana ko Keditusi wai mike Anegisemee Yombai se yaadeyaami. Me ona, wiya. Kena epoo wado bage waa ku nde miya Keditusi yademea. Me ona, wido. Kena Anegisemee wai Keditusi Siduga maa kaa yadotaana ese abayai ebo yatoyaami. Me ona, wui. Kena Keditusi kaa mina ku Yahudi tau se bage mbo donaa asinaa simea. Me ona, edibi. Kam waa ko maa kaa togea bage ekii wa kaa “Mike ae,” se yanigimea. Me ona, bidimi. Ku mina kuwa ku enii Yesiusi mbaya bage enii'm “Mike mina waa ae,” nigimana yaa mu-mu nakea se mina waa. Se naa aoo.
Kena diaken bage waa, Yesiusi mbaya bage tao ndanda yaawawoo se bage ku ko ku nde miya dodo. Ku nde miya aii bage ku diaken bage si yambeaseae. Diaken se bage yambeaseao sekii ku se de. Ndanda awake se dodo me kaa ko si ayaana ndo aii mee emaa misi kaa dama awake kipii kindo ko mee me me diaken bage yambeaseao sekii. Ona me ko mina ndabaa aoo se bage ku si yambeaseae. Ona me ko bobo uwo ku kaa edidi kiyaao gai se mee to me nde miya si yambeaseae. Ona me ko kipe maseao kan peu-pau awatai se mee to me nde miya si yambeaseae.
Ku se ku aoo kiyaana ko ese yipi se Yedusedem okaa yoo me Siduga maa kaa kam endai se dema. Me okaa yoo me me, me Anegisemee wa'm wa kaa wa tao wa-nini wenimami se okaa yoo. Me okaa yoo me Anegisemee mbo kam endai, endai se dito sita mugo ndoe, me ese deao disi yakiyaapi se okaa yoo ae se dema. Se deo ndoe ni'm se nigina ko “Yai, me Yedusedem okaa yoo wa'm sese disi me ko me mee'm odi masiinki ambii to wa'm sese mugo dodo, ae,” se nigima. Kase enta mugo ndoe, mee'm masiinki ambii to wa'm sese ko yimee'm emaa misi kaa deao disi kisi na wai deao disi se kao waa matake. Ku mugo yaa, me yipi se Yedusedem okaa yoo me me, me ese deao disi yakiyaapi se okaa yoo ae se dema.
ကြော်ငြာတွေ