Kena Yesiusi wa'm waya se asina ko “Musia'm kapuge epi se bage waa nuwa, Padisi mbaya bage waa nuwa, eki'm uwa da kaa awake ku ndumbo koya eki'm dimina kupoo se kadeo,” aseke. “Kase enta mugo ndoe, eki'm uwa da kaa awake ku deao disi koya eki'm dimina nda koo nigi si pe se me ese oyu kan mee'm kao maseao kan mee deba se se dimina da waa me ndo! Eki kaa to eki yimbi maneao be se dimina me nde miya aoo se kadeo,” aseke. “Ku kaa kiyoo widaa ndeo! Eki'm moo wado kiyoo ese dimi bodi aya kadotaa taanki ndeo!” aseke. “Kase enta mugo ndoe, ni'm kadena ko eki'm sese ku pidini mesema keo ku kaa maa aoo se dodo me kaa eba da kaa ndo wiseke koya epuyiba maa ku si wiseke mugo dodo. Me eki'm sese kui, se kadeo,” aseke.
Epesiusi 5:18 - Anegisemee'm Mina Kapuge18 Aniguda poo odi nona edidi keke me peu. Me si awaae. Kase enta mugo ndoe, edidi keke me kaa kiyoo a'm toke yoo a kaa to si maaniyaambe koena. Ku kindo ko edidi se dimina me guna miyo si tuwaae. Anegisemee Dim'mba wa guna miyo kiyoo ndo tuwaae. Anegisemee Dim'mba wa'm guna miyo tutakea se dodo me kaa wa'm katupitai mina en'ndo otuma ku dama dito taae. အခန်းကိုကြည့်ပါ။ |
Epesiusi 5:18
33 ပူးပေါင်းရင်းမြစ်များ
“Mbao kaa bani-bani taasea ee? Tau. A'm one daase se yuwa me Yahawee'm emaa misi kaa ese ebo se mee to kaasi kumana bani-bani taasea,” aseke. “Kena wai Anegisemee wa tao ndanda yaa-awanaa taasi mee to kumana aniguda poo odi mugo, edidi kiyaasi na uwo mugo kao kuwa ku wa si noyaae. Ku wa naao daa se uwo waa,” aseke. “Waya na kiyaa wa one damaan tau yoo me kaa kam ata wa nduwawe yamugu-mugu siyaabuu nai me Anegisemee Dim'mba wa'm ndo yamugu-mugu siyaabuu siwoo taasi,” se aseke.
“Dee, eki ko eki dim peu se bage waa koya eki'm yopaa waa ku tao dama tosi na se kao ku maneao epi. Dim peu se naamee waa ku dama tosi na se kao maneao epi koya Siduga maa me kaa toi se Naamee to, ese dim bada se Naamee me me, wai dama tosi na kao maneao eo yee? Tau na. Nakayoo maa kaa togea se naamee waa ekii'm yopaa waa dama tosi na kao maneao epi ku ese miyo. Anegisemee Naamee wa'm maneao epi ku ese asiyoo. Ku kaa kiyoo kam Anegisemee Naamee wa mbo ‘Anegisemee Dim'mba nii,’ se yaedaapea se bage ku ko ku Anegisemee wa'm ese mike Anegisemee Dim'mba maniimbi se bage waa kui!” Yesiusi wa'm se asimi.
“Ku koya wa'm ebo yambeasimi se masii yaamata se se mee to wai peu-pau ku ndo awawoo sipi waa, ese wa-nini se kao yaawayaa. Dee, dim peu se masii yaamata se mee to wa'm sese me ko me se de. Wa'm ebo se mee to me medaa pena dai kaa waa ko ‘Mani si ukaambi ae,’ se nigimai yako ogu masii yaamata se bage waa ku kaa em yadai se. Ambii waa ku kaa nde miya, mbayuwaa waa ku kaa nde miya em yadai se. Waya wada nda noke kao nuwa, bobo uwo nuwa, ku oba nowoo nai. Aii edidi kiwoo nai, se awatai,” aseke.
“Ku anikee waa aoo kaasea se kasipa mina kuwa ku mee en'ndo otuma maa en'ndo otuma eki kaa kapeaniyaabuu taasi se mina waa,” aseke. “Ku kaa kiyoo dim si pisineke kipii kindo ko ku mina se ku pi-pameke se dodo me kaa kandugidi siyaabuu taasea! Ese mbeo pinemake yoo kiyoo ineana gadimii yako kandugidi siyaake mugo dodo kaasi,” aseke. “Ku kindo ko dim si pisineke ku taa kisi na, eki kaa to dama dito taae,” aseke. “Ku taao kan bobo uwo nona edidi keke nuwa, edidi kina se-peu we-peu awake ku nuwa, ku se ku si awaae,” aseke. “Kena eki kaa to dama toyaao kan ‘Se awaao bada ee? Se awaao bada ee?’ ku kaa ndo gigi kan nigi si pe se ku nde miya si awaae,” aseke. “Ku se ku eki'm dimina nda si kapisiniyaambea kao koena,” aseke. “Ku mugo dimina aoo kaambea kumana eki kaa to dama dito taae,” aseke.
Mina se yawoewena wa mbo ukita mugo ndoe, badii epomee wa'm se asina ko “Mee en'ndo otuma enii'm sese ku se de. Badii noke se dodo me kaa ese badii se aniguda poo uwo ku kita mee mbo yawadimana noyaake. Se noyaabuu-payaabuu semana ndo waa ko badii n'takea bage waa ku mbeenaa edidi kipea se dodo waa ko ii da mbeenaa emi tau se aniguda poo uwo ku ndo noyaayaa,” aseke. “Ku mee en'ndo enii'm awawoo nakea sese koya a'm awape ku kawitana wa-nini se kadeo. Kase enta mugo ndoe, ese badii se aniguda poo uwo ku yimkaa nanoyaan tau. Ogudi ndo nanoyaae ae, se kadeo,” aseke. Yesiusi wai miga uwo ku kaa kam ese dama se aniguda poo uwo agidiyaapi ku wa si nige-neke kumana se asipi. Se.
Ku kindo ko mee'm apikaa awaao disi se kao ku ndo awaao kan dama ndumbo se sese waa ku ndo awawoo taae. Edidi kiyaasi na bobo uwo oba ku si naae. Kena bobo uwo nona tubaka awasi na se badii ku mugo badii ku si naae. Kena se-tubaka we-tubaka ku si awaae. Kena mina a-bade naa-bade se ku nde miya si awaae. Mee agumee'm dama toke ku kaa “Ni'm keo waa oowoo,” se dimina da nigimai yako yawisineke, me nde miya si nigaae.
Ku kumana ni'm “Ekii mesema si tomu taae,” se kasipa mina me ko me ku mugo bage ku kaa mina se ku tau. Ni'm kaseao kan sipa mina me ko tubaka aoo se mee to wai “Ni ko ni Yesiusi kaa kinaa bage,” se kaseke kipii kindo ko me mugo mee to me mesema si ekimoo kaae. Wa mesema si tomu taae. Yesiusi kaa kinaa bage otuma dodo. Mee'm se-kao we-kao dimotai se mee to nuwa, mbae da se anegisemee yapapa se se mee to nuwa, mee kaa peu se mina ase se se mee to nuwa, edidi kiyaao kan bobo uwo n'tai se mee to nuwa, oma maseke se mee to nuwa, ku mugo sese awatakea se Yesiusi kaa kinaa bage mesema si tomu taae. Ekii mesema noke kao nde miya si naae. Ni'm eduga se kaseao kan sima mina kui.
Oma maseke se bage ku nde miya iyo. Mee'm se-kao we-kao dimoke se bage ku nde miya iyo. Bobo uwo nomana edidi kaao gai se bage ku nde miya iyo. Mee agumee kaa peu mina asei se se bage ku nde miya iyo. Mee'm kao oma maseao kan mee deba se se bage ku nde miya iyo. Ku dimina kupoo se bage kuwa, ku Anegisemee'm ebo toke yoo pi-tuwaao kana se bage waa. Ku wa'm daa mbembo se kao maseao kana se bage waa.
Ni'm eduga katupima mina ku se de. Penatuwa bage ku Yesiusi mbaya bage wado ebo dito se bage waa. Ku Anegisemee'm manipi ndanda yaa-awanaa se bage waa. Ku kumana penatuwa se mee to mbeaseao sekii se mee to me ko me se de. Wa'm sese ditona “O, peu se kao ona kaa miya emi tau ae,” se yanigeke kipii kindo ko me bage mee to penatuwa mee to yambeaseao sekii, me ona. Ona me ko ambii ona ndo aoo kipii, kena wa'm dimina da me wa'm ambii mbo ndo se tai se mee to kipii kindo ko me penatuwa se mee to yambeaseao sekii, me ona. Kena ona me ko mee ona me penatuwa se mee to yambeaseao gai kipii kindo ko wa'm yopaa waa ku nde miya yandamake bada. Wa'm yopaa ku Yesiusi kaa “Mike ae,” se nigeke bage waa kipii kindo ko yambeaseao sekii. Ku koya “O, wa'm yopaa ku mbeenaa dim ndagoo se mugo yopaa waa ae. Ekii'm peu-pau nuwa, tubaka nuwa, ku yai,” se mina aseao sekii kipii kindo ekii'm naamee me penatuwa se mee to yambeaseke sekii tau. Me si maaneke. Kena naamee oko mina wado pakemana tamoo nakea kipii kindo ko, ku mugo yopaa waa ekii'm naamee me me penatuwa se mee to si yambeaseae. Me ona. Kena ona me ko mee ona penatuwa se mee to yambeaseao gai kipii kindo ko wa'm sese ku nde miya dama dito se bada. “O, wa peu awapi ae,” se mina me ona kaa miya emi tau se mee to me ndo yambeaseao sekii kumana dimina oyu se mee to me si yambeaseae, me ona. Ona me ko yima kaa yima kiki aoo se mee to me nde miya si yambeaseae, me ona. Ona me ko bobo uwo nona edidi kiwoo nai se mee to me nde miya si yambeaseae, me ona. Ona me ko apome taao gai se mee to si yambeaseae, me ona. Ona me ko uwani maseao kan peu-pau awatai se mee to me nde miya si yambeaseae, me ona.
ကြော်ငြာတွေ