Epesiusi 5:12 - Anegisemee'm Mina Kapuge

¹² Dee, tuku nda togea se bage waa ekii'm koo awake-awake ku ese ediga se kao waa. Ese ediga kumana ku kaa mina ku nde miya enii ko uwa da kaa aseke waa, enii ko mike ego kiyaa.

Epesiusi 5:12 ပူးပေါင်းရင်းမြစ်များ

Edoma 2:16

Ku kumana Anegisemee'm dama mina ku mee mbo eniwoo sita mugo ndoe, ni'm eniwoo naka se mina ona me ko me se de. Anikee waa Anegisemee wai mee'm koo nigeke-nigeke nuwa, mee'm koo awake-awake nuwa, ku ndamake se gapi me kaa ko Yesiusi Keditusi wa'm yandamana yapikamoo taasi. Yandamana yapikamoo sita mugo ndoe, “Mee me me dimi peu kumana em yadaasi. Mee me me dimi ndumbo kumana dama yatoyaasi,” se pikamoo taasi. Ku mina ku nde miya mee mbo eniwoo naka.

Epesiusi 5:11

Tuku nda togea se bage kuwa ekii'm awake-awake ku otuma si maaneke se kao waa. Aii bada kaambea se kao waa. Ku kumana ekii'm sipea mugo ku si awaae. Ekii'm peu-pau ku si awan ndo “Ku si maaneke ae,” se nigi sisi na mina ku ndo pi-yanige-mane taae.

Epesiusi 5:13

Ku koya enii'm dama awake-awake kuwa ku ekii mbo pi-yadeyaata mugo ndoe ekii'm woo-woo se “Se ae,” se nigigea. Ekii tao osee yaawake mugo dodo kidai. Dee, tuku nda ndigi se kao me deao kana koya osee wake kipii kindo ko deao sekii kidai. Osee wana ao da aoo kumana otuma wadaniyaapi kidai. Ku mugo yaa, Yesiusi nda ao da me mee'm koo si maaneke awake-awake ku kaa wadaniyaasi na se ao da mugo dodo. Ku mina ku kaa kiyoo ebanaa bage ekii'm se asina ko, “A'm woo-woo se ku kaa si nige-neke kumana a diba onu omapi se mee to mugo dodo. Ese mee bota da mugo dodo. Ku kumana anowee! Maa poo yoo ndomaa. Ku se ku awake kipii kindo ko Keditusi wa ko wai wa'm ao da me a dim'mba nda kawadaniyaambi,” se aseke. Ebanaa bage ekii'm se aseke.

Epesiusi 5:3

Enii ko enii Anegisemee wa'm wa tao wenimapi se bage waa. Ku kumana enii mbaya bage enii'm awaao kewii se kao ku si awaae. Ku kaa kiyoo tubaka mugo kao ku nuwa, ese ea se apea se kao ku nuwa, mee'm kao dimoke ku nuwa, ku kewii se kao ku mbeenaa kaa miya si awaae.

1 Petadusi 4:3

Eduga ko ekii ogu Keditusi mbaya tau se bage waa ekii mesema dipinimana peu-pau awawoo simea. Ku koya ku mugo awawoo simea sese ku endo ko ebata! Eki'm toke yoo ku waya wadobo si ono-ono taae. Dee, eduga ko eki dim peta se kao ku dim petaina tubaka awawoo simea, me ona. Ona me ko bobo uwo nowoo semuuna edidi kiwoo simea, me ona. Ona me ko ese peu se badii waa ku nde miya nowoo simea. Ku nomea se dodo me kaa bobo uwo nona edidi kimea. Edidi kimana tubaka awawoo simea ku se ene! Me ona. Kena ona me ko mbae da se anegisemee waa ku kaa yapapa siwoo simea. Me bage awawoo sese me Anegisemee'm emaa misi kaa ese niga sese. Me ona.

Wahayu 20:12

Kena ebo animana tai se mee to wa'm egi kaa inewena takea ku ko ku eduga bomea se bage waa maa poo yoo yandomai yako kiyoo inewena takea se dema. Ku bage kuwa ekii ebo tomea se bage waa ku nuwa, mbeedi tomea se bage waa kuwa, ku mugo bota-pata kooda waa se dema. Waya maakaa uwo ndoo da nda bomea se bage waa ku nuwa, mee bota-pata mbembo simi yoo kiyoo kam memapea se bage waa ku nuwa, ku bota-pata se bage en'ndo otuma maa poo yoo yandomana kiyoo inewena takea se dema. Ku se ku dena ko kapuge kooda waa ku namba kiyoo aoo ae se dema. Kapuge ona me ko me omiwoo towoo tuwaasea se bage waa, ekii ekaa da waa wudumami se kapuge, me ona. Kena ogu kapuge kooda waa ku ko ku mee'm awamea-awamea mina waa ku wudumei siwoo sipi se kapuge waa. Ku kapuge ku ekatai se dema. Mbao kaa ekatake ee? Tau. Bota-pata se bage ku ndumbo ndo em yadaao kan ekai-pai semai se dema. Ekai-pai semana ekii'm awamea-awamea mina ku ndamataina “Me dama. Me peu. Me dama. Me peu,” se pikamoo siwoo nai se dema. Ekii'm peu-pau ku oba awamea ae se ndamapi kipii kindo ebo em yadasi na aya yadotaake. Mbeenaa ndo kipii kindo mbeenaa ndo em yadasi na aya yadotaake. Ku kaa kiyoo ekii kaa moo tukitake mina waa ku otuma dodo tau koya otuma ndumbo ndo moo yatukita nai se dema.